Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Баш федерал инспекторло таныштыру

30.11.2018

Россия Федерацияныҥ Президентиниҥ Сибирьдеги федерал округтагы чыдулу чыгартулу кижизи Сергей Меняйло Алтай Республика аайынча баш федерал инспектордыҥ јамызына Дмитрий Колозинди кӧстӧгӧн.

Кӱчӱрген айдыҥ 26-чы кӱнинде Россияныҥ Президентиниҥ СФО-догы полпрединиҥ ордынчызы Вадим Головко Алтай Республиканыҥ башкарузыныҥ турчыларын, депутаттарын, јаҥныҥ федерал органдарыныҥ Алтай Республикада тергеелик органдарыныҥ башкараачыларын, јондык биригӱлердиҥ чыгартулу улузын јаҥы баш федерал инспектор Д. Колозинле таныштырган.

«Дмитрий Михайлович керегинде ол профессионал, тереҥ билгирлерлӱ, ак-чек кижи деп айдарым. Забайкальский крайда баш федерал инспектор болуп иштеп турала, ол бойын јаҥыс ла јакшы јанынаҥ кӧргӱскен. Ол кандый ла сурактарды аайлаштырарында чындык болушчы болорына бир де алаҥзыбай јадым. Је ол ок ӧйдӧ сурактарды аайлаштырарын шиҥжӱде тудар» — деп, Вадим Головко айткан.

Алтай Республиканыҥ башчызы Александр Бердников Дмитрий Колозинди уткып тура, иште једимдер кӱӱнзеген ле јакшы ӧмӧ-јӧмӧ иш болорына иженип турганын айткан.

«Бис кажыбыс ла бойыстыҥ чыдуларысла башкарынып, Россия Федерацияныҥ Президентиниҥ тургускан иш-јакылтаны бӱдӱрип јадыс. Бистиҥ тергееде государственный јаҥныҥ бастыра кеминде органдары ӧмӧ-јӧмӧ, бӱдӱмјилӱ, бой-бойын тоожып иштеерине јаантайын белен. Бу јаҥжыгу мынаҥ да ары чеберлелип артарына, бис ӧмӧлижип, республикада албатылар ла мӱргӱӱл јаҥдар ортодо турумкай айалганы чеберлеп аларына, бистиҥ граждандардыҥ јадын-јӱрӱминиҥ чыҥдыйын бийиктедерине ууландыра иштеериске алаҥзыбай јадым» — деп, тергеениҥ башчызы айткан.

Дмитрий Колозин дезе башкарту ого андый бийик бӱдӱмји эткени учун быйан айдып, Алтай Республикада иштеери ого јаан тоомјы деген.

«Президенттиҥ кадровый, ич ле тыш политиказыныҥ тӧс ууламјылары аайынча иштерди бӱдӱрерин јеткилдеерин тӧзӧӧрин бойымныҥ ижимде тӧс иш-амадулардыҥ бирӱзи деп кӧрӧдим. Мениҥ алдымда туруп турган иш-чыдуларды чокым оҥдоп јадым. Олор меге Сибирьдеги федерал округтагы полпредтиҥ мениҥ алдыма тургускан јакылталар аайынча јарт. Олордыҥ тоозында јондык-политикалык турумкай айалга болорын јеткилдеери, бӱдӱреечи јаҥныҥ тергеелик органдарыныҥ ижин келиштирте башкарары, олор республиканыҥ башкарузыла ӧмӧ-јӧмӧ иштеерин јеткилдеери» — деп, ол темдектеген.

Дмитрий Колозинди анайда ок Алтай Республиканыҥ Эл Курултайыныҥ председатели Владимир Тюлентин база уткыган.

Дмитрий Михайлович Колозин 1975 јылда тулаан айдыҥ 31-чи кӱнинде Саратовто чыккан. 1996 јылда РФ-тыҥ МВД-зыныҥ Саратовтогы бийик ӱредӱлӱ школын божоткон. 1996 јылдаҥ ала 2016 јылга јетире — Калужский областьтыҥ ла Севастополь каланыҥ тап-эриктер корыыр органдарында службазын башка-башка оперативный ла башкараачы јамыларда ӧткӧн. 2016 јылдаҥ ала 2018 јылга јетире — Забайкальский край аайынча баш федерал инспектор. 2018 јылдыҥ кӱчӱрген айыныҥ 22-чи кӱнинде Алтай Республика аайынча баш федерал инспектордыҥ јамызына кӧстӧлгӧн. «За заслуги перед Отечеством» орденниҥ II степеньдӱ медалиле кайралдаткан. Полицияныҥ отставкадагы генерал-майоры, айыл-јуртту, эки балалу.

АР-дыҥ башкарузыныҥ пресс-службазы

 

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина