Jерлештеристи бийик кайралла уткыйдыс!

30.11.2018

Россияныҥ «ТЭФИ-регион» деген конкурсыныҥ телевизионный кайралыла «Эл Алтай» ГТРК-ныҥ ла јиит режиссер Михаил Кулунаковтыҥ ӧмӧлик ижи — «Изгородь» деген фильм кайралдаткан.

Конкурстыҥ «Телевизионный художественный фильм/сериал» деген номинациязында эҥ артык болгон бу фильм алтай бичиичи Јыбаш Каинчинниҥ «Чеден» деп јайаандык ижи аайынча быјыл кочкор айда согулган, оныҥ премьеразы Турцияда Adana Film Festivali кинофестивальда ӧткӧн. Ӱлӱрген айда фильм Russian Elementary Cinema (REC) деген кӧрӱ-конкурста «Эҥ артык короткометражка» ла «Эҥ артык операторский иш» деп номинацияларда гран-при алган. Келер ӧйдӧ оны Сочиде ӧдӧтӧн албатылар ортодогы кинофестивальда кӧргӱзер.

Фильмниҥ режиссеры — Михаил Кулунаков, операторы — Ольга Кулунакова, звукорежиссеры — Эрелдей Бештинов, продюсери — Татьяна Кончева. Фильмде турушкандардыҥ тоозында Ногон Шумаров, Марина Тохтонова, Айдар Унатов, Игорь Тазранов, Алексей Синьков, Александр ла Ирина Маймановтор, Николай Багыров ло ӧскӧ дӧ јарлу актерлор. Михаил Кулунаковтыҥ айтканыла, фильмди согорында Боочы ла Кулады јурттардыҥ эл-јоны, анчада ла Боочыдаҥ Тохтоновтордыҥ билези болушкан. Режиссер аҥылу быйан сӧзин Алексей Суйманаковко айдат.

Кӱлер «Орфейди» «ТЭФИ-регион» деген XVII текшироссиялык телевизионный конкурстыҥ јеҥӱчилдерин Самарада кайралдаар кӧдӱриҥи ӧйинде табыштырган, кӧдӱриҥиде «Эл Алтай» ГТРК-ныҥ директоры Татьяна Кончева турушкан.

Кыскарта айтса, фильм адалар ла балдар ортодо колбулар, јӱрӱм јанынаҥ курч сурактарга учурлалган. Фильмди кӧрӧӧчилерге Ј. Каинчинниҥ тӧрӧл Кан-Оозы аймагында ла кӧргӱскен, тургуза ӧйдӧ ол текши кӧрӧӧчиге кӧрӧрине чыгарылбаган. Арткан албаты-јон оныла соҥында элбеде таныжар, кӧрӧр.

Јерлештеристи мындый бийик кайрал алганыла уткып турус! Јайаандык јолыгар ачык, мынаҥ да ары једимдӱ болзын!

Фотојурукта: Т. Кончева

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым