Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Президент Туулу Алтайдагы таштарда jуруктар керегинде

11.12.2018

Орус географиялык биригӱниҥ сыйын табыштырары јанынаҥ Кремльдеги ӧргӧӧдӧ ӧткӧн кӧдӱриҥилӱ јуунда Россияныҥ президенти Владимир Путин Туулу Алтайдагы таштарда јуруктар керегинде куучындады.

Президент Испанияныҥ јебрен јурукчылары, ондо табылган таштарда јуруктар керегинде айдып тура: «Мен ижим аайынча јаан орооныстыҥ башка-башка толыктарында болуп турадым. Туулу Алтайда куй таш эмес, а тегин ле јаан таш бар. Ондо јебрен кижиниҥ аҥ-куштар ла оноҥ до ӧскӧзин јураган јуруктары. Кандый да шиҥжӱчилер ондо јок, ол керегинде кем де билбес. Бис оны колысла арчып кӧргӧнис» – деди.

Ол онойдо ок «бис культурабысты ла тӱӱкибисти тереҥжиде билбезис» деп айдып, Туулу Алтайды кӧп билимчилер тӱрк калыктардыҥ кабайы деп чотоп турганын темдектеди.

«Бисте бойысты айландыра болгонын билбезис сӱреен кӧп. Оны билер керек» — деп, президент ајарды.

Мынаҥ озо Петропавловскто Россияныҥ ла Казахстанныҥ тергеелер ортодогы колбуларына учурлай ӧткӧн XV форумда В. Путин Алтай Республиканыҥ туризм јанынаҥ аҥылу аргаларын темдектеп, тергеебистиҥ ар-бӱткендик аргалары спорт ло орныктыру туризм аайынча эмдиги ӧйдиҥ некелтелерине келишкедий ӱлекерлерге анчада ла јарамыктузын темдектеген болгон.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина