Тӧс jасагыска – 25 jыл

14.12.2018

Россия Федерацияныҥ Конституциязы јӧптӧлгӧниниҥ 25 јылдыгына учурлалган кӧдӱриҥилӱ јуун јаҥар айдыҥ 12-чи кӱнинде Алтай Республиканыҥ П. В. Кучияктыҥ адыла адалган эл театрында ӧткӧн.

Конституция – Россияныҥ тап-эрик бастыра системазыныҥ тын-ӧзӧги, орооныстыҥ эҥ јаан учурлу Тӧс јасагы болуп јат деп, АР-дыҥ башкарузыныҥ председателиниҥ баштапкы ордынчызы Роберт Пальталлер јуунныҥ туружаачыларын Алтай Республиканыҥ башчызыныҥ ла башкарузыныҥ адынаҥ уткып тура айткан.

Россияныҥ тӧс байлыгы, эҥ јаан јӧӧжӧзи оныҥ албатызы болгоны Конституциябыста бичилген. Бу байлыкты корыыры ла ӧскӱрери государствоныҥ кичеемелинде болгонын баштапкы вице-премьер темдектеген. Тӧс учурлу эл ӱлекерлерди јӱрӱмде бӱдӱргениниҥ шылтузында Алтай Республика билдирлӱ ӧзӱм алынганы, бу иш РФ-тыҥ президентиниҥ Јарлыгын бӱдӱрип, 2024 јылга јетире чокым ӱлекер-программалар аайынча улаларын Роберт Пальталлер айткан.

Орооныстыҥ бек турганыныҥ, турумкай ӧзӱминиҥ тӧзӧлгӧзи – конституциялык ээжилерди буспай бӱдӱргени деп, АР-дыҥ парламентиниҥ председателиниҥ ордынчызы Михаил Терехов тергеениҥ јасакчы јаҥыныҥ адынаҥ уткуулду сӧзинде темдектеген. Оныҥ учун бис Тӧс јасагыска чебер болор, ондо айдылганы јӱрӱмде канайда бӱдӱп турганын шиҥжӱде тудар учурлу.

Јурт ээлемде узак јылдарга једимдӱ ижи учун «Россияныҥ агропромышленный комплексиниҥ нерелӱ ишчизи» деген кӱндӱлӱ ат Анатолий Тунтешевке адалганы кӧдӱриҥилӱ јуунда јарлалып, бу нерениҥ кере-бичиги ле темдеги АПК-ныҥ ветеранына табыштырылган.

АР-дыҥ башчызыныҥ, башкарузыныҥ председателиниҥ јарлыгыла, «Быйанду эне» деген кӱндӱлӱ ат Оҥдой аймакта балдардыҥ садыныҥ ишчизи Айана Котлаевага адалган.

Культураныҥ ӧзӱмине јетирген јаан ижи, јаш ӱйени таскадарында једимдери учун «Алтай Республиканыҥ культуразыныҥ нерелӱ ишчизи» деген кӱндӱлӱ ат Кан-Оозы аймактыҥ «Кан-Ойрот» деген ӧмӧлигиниҥ артизи Русланбек Шагаевке адалган.

Јашӧскӱримниҥ ле студенттердиҥ 2017 јылда Сочиде ӧткӧн ХIХ телекейлик фестивалин белетееринде ле ондо туружарында јетирген ӱлӱзи учун «Трио «Сказители Алтая» деген ӧмӧликтиҥ јайаан башкараачызы Владимир Кончевке фестивальдыҥ грамотазы, кереес медали ле Быйанду самаразы табыштырылган. Фестивальдыҥ дипломдоры ла быйанду бичиктери анайда ок Евгений Алчиновко, Виктор Малчиновко ло Добрыня Сатинге берилген.

Јуунда ӧскӧ дӧ кӧп улус кайралдар алган. Бу кӱн Горно-Алтайсктыҥ, Майманыҥ ла Чамалдыҥ школдорыныҥ бир канча ӱренчиктерине Россия Федерацияныҥ граждандары болгонын керелеген тӧс документ – паспорт театрдыҥ сценазында кӧдӱриҥилӱ айалгада табыштырылган.

С. ПЕТЕШЕВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина