Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Универсиада-2019

18.12.2018

Кӧлӱктердиҥ тӱлкӱӱрлери табыштырылган

«Медведь Холдинг» деп госкорпорацияныҥ гендиректоры Николай Бяков дилерлердиҥ «Хендэ-центр Красноярск» деген тӧс јеринде студенттердиҥ кышкы универсиадазыныҥ дирекциязыныҥ башкараачызы Максим Уразовко кӧдӱриҥилӱ айалгада Hyundai деп кӧлӱктердиҥ тӱлкӱӱрлерин табыштырган.

Быјыл сыгын айда Hyundai студенттердиҥ 2019 јылдыҥ тулаан айыныҥ 2-12 кӱндеринде Красноярскта ӧдӧтӧн XXIX телекейлик универсиадазын кӧлӱктерле јеткилдеер окылу фирма болор кӱӱндӱзин угузып, оныҥ јӧптӧжӱзине кол салган. Hyundai тургузылган јӧптӧжӱ аайынча Студенттердиҥ ойындарыныҥ дирекциязын 300 кӧлӱкле јеткилдеер учурлу. Кӧлӱктердиҥ тоозына Creta, Tucson, Santa Fe деген кроссоверлер ле H1 таҥмалу микроавтобустар кирет.

Максим Уразовтыҥ айтканыла, олор бу госкорпорацияла ӧмӧ-јӧмӧ иштеп, маргаандардыҥ туружаачыларын стадиондорго ӧйлӱ-ӧйинде јетирерин јеткилдеерге белен. «Кышкы универсиаданыҥ обьекттери каладаҥ ыраак јокто чук тудулган. Кӧлӱктер олорго чӱрче ле једип барар аргалу. Бис ойындарда кӧлӱктердиҥ ӱзӱги јогынаҥ иштеерин јеткилдеерис. «Хендэ-центр Красноярск» деген тӧс јер универсиаданыҥ дирекциязыла јӧптӧжӱ тургусканын јаҥыс ла јарадып јадырыс» — деп, гендиректор угускан. Hyundai компанияда спортчыларла иштеер јаан ченемел бар. Ол 2013 јылда студенттердиҥ Казаньда ӧткӧн јайгы универсиадазыныҥ тӧзӧмӧл комитедин кӧлӱктерле база јеткилдеген.

Журналисттерге јарамыкту айалгалар

Красноярскта чанала јарыжары аайынча Россияныҥ Кубогыныҥ баштапкы бӧлӱги ӧткӧн. Бу кышкы универсиаданыҥ стадиондорын ченеп кӧрӧрине учурлалган тоозыла јетинчи маргаандар болуп јат. Ого элбек јетирӱлер эдер эп-аргалардаҥ јӱске шыдар журналисттер кычырылган. Олор «Радуга» деген спорткомплексте ачылган пресс-центрде иштегендер.

Журналисттерге пресс-центрде иштеер јерлер берилген. Олор Интернетти элбеде тузалангандар. Мында олорго анайда ок ӧдӱп јаткан маргаандарды стадиондорго барбай кӧнӱ телетрансляция ажыра кӧрӧр аргалар тӧзӧлгӧн. Журналисттер стадиондордоҥ јетирӱлерди инфодеск ажыра алгандар. СМИ-ниҥ корреспонденттериниҥ иштеген јеринде анайда ок  кейтерингтиҥ — олорды суузындарла, буттербродторло јеткилдеериниҥ зоналары иштеген. Пресс-центрде иштеген специалисттер ле волонтерлор спортчылардаҥ, тазыктыраачылардаҥ, јаргычылардаҥ интервьюлар аларына јаан болужын јетиргендер.

Журналисттер спортчыларла микст-зоналарда туштажып куучындашкандар. Финал јарыштардыҥ кийнинде дезе, пресс-конференциялар ӧткӱрилген. Аккредитация алган журналисттерге  маргаандардыҥ эҥ ле курч деген ӱзӱктери согулган видеокассеталар ӱлелген. Универсиаданыҥ алдында быјыл мындый маргаандар кӧп стадиондордо ӧткӧн. Оныҥ шылтузында журналисттерде  пресс-центрлердиҥ ижин баалап кӧрӧр јаан аргалар болгон. «Бобровый лог» деген фанпаркта, «Крисстал арена» деп спорткомплексте, «Платинум Арена Красноярскта» ла «Арена Северде»  элбек јетирӱлер эдер эп-аргалардыҥ журналисттерине иштегедий јакшынак айалгалар тӧзӧлгӧн. Пресс-центрлердиҥ бастыразы маргаандар ӧткӱретен телекейлик некелтелерге толо келижип јат. 2019 јылдыҥ тулаан айыныҥ 2-12 кӱндеринде ӧдӧтӧн универсиадада бастыра он пресс-центр иштеери темдектелген. Журналисттердиҥ аккредитациязы дезе 2019 јылдыҥ чаган айыныҥ 15-чи кӱнине јетире ӧдӧр.

Универсиаданыҥ ӱлекери

«Универсиаданыҥ урокторы. Теориядаҥ практикага јетире» деген ӱлекер јолын алынып, база элбеп јат. Бу јуукта Красноярсктагы школдордыҥ ӱренчиктери кышкы Олимпиадалардыҥ тӧрт катап чемпионы Николай Зимятовло туштажып куучындашкандар.

Крайдыҥ школдорыныҥ ӱренчиктери уроктордо универсиаданыҥ программазына кирген бӱдӱмдердиҥ ээжилерин ле аҥылуларын ӱренет. Олор Интернеттиҥ электрон сайттарын эрчимдӱ тузуланып јадылар. Кажы ла урокко јарлу спортчы келип, бойыныҥ бӱдӱми керегинде куучындайт. Уроктор тӱгензе, ӱренчиктер маргаандарга баргылап, ончозын бойлорыныҥ кӧстӧриле кӧргӱлейт. Бу јуукта андый урок-маргаандардыҥ бирӱзи «Радуга» деген кластерде ӧткӧн. Балдарга мастер-классты «чананыҥ кааны» Николай Зимятов ӧткӱрген. Олимпий ойындардыҥ тӧрт катап чемпионы телекейлик маргаандарда турушканы, анда болгон курч тартыжулар керегинде јилбилӱ куучындаган. Ӱренчиктер атту-чуулу спортчыга кӧп сурактар берип, оныла кожо фотојурукка соктырткандар.

Каланыҥ 12-чи таҥмалу школыныҥ ӱренчиги Анна Павлованыҥ айтканыла, мындый туштажулар олорго сӱрекей кӧпти берип јат. Атту-чуулу спортчыла јолыккан кийнинде, балдардыҥ кӧп сабазы спорттыҥ телекейин бойлорына чек јаҥыдаҥ ачып, секцияларга бичидедилер. Николай Зимятов: «Мен ӱренчиктерле туштажып, универсиадада чанала болотон маргаандардыҥ стадионында болгом. Эмдиги ӧйдиҥ эп-марыла тудулган спорткомплекс меге сӱрекей јараган. Оны Красноярсктыҥ чаначылары узак ӧйгӧ тузаланар. Бисте телекейлик кемдӱ базалар сӱрекей ас. Универсиаданыҥ спорткомплексин дезе јайгыда да тузаланарга јараар. «Радугада» јакшынак бассейн тудулган. Мында сууда эжинери аайынча кандый ла кемдӱ маргаандарды ӧткӱрерга база јараар деп бодоп турум».

«Универсиаданыҥ урокторы. Теориядаҥ практикага јетире» деген ӱлекерде бӱгӱнги кӱнге јетире 1600 кижи турушкан. Балдар туу чана, конькиле фигурный јыҥылаш, шорт-трект ле чанала јарыжары аайынча маргаандарда болгондор. Универсиаданыҥ тӧзӧмӧл комитеди јылдыҥ учына јетире болотон «Универсиаданыҥ урокторыныҥ» ӱлекери керлингке, сноубордко ло фристайлга учурлар деп јетирет

Интернеттиҥ бичимелдери аайынча белетелген

 

ТОП

Конституция Российской Федерации

Принята всенародным голосованием 12 декабря 1993 года Конституция Российской Федерации с изменениями, одобренными в ходе общероссийского голосования 1 июля 2020 года

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти.