Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Горно-Алтайскта сууныҥ jарады jарандырылган

25.12.2018

Горно-Алтайскта Майма сууныҥ јарандырылган јарат-јериниҥ кӧдӱриҥилӱ  ачылтазы ӧтти.  Алтай Республиканыҥ башчызы Александр Бердниковтыҥ адынаҥ  каланыҥ мында јуулган эл-јонын ла айылчыларын АР-дыҥ башкарузыныҥ председателиниҥ ордынчызы Игорь Коршунов уткыды.

«Бис слерле кожо бӱгӱн эл-јон амыразын деп јарандырылган база бир јерди – Майма сууныҥ јарадын – табыштырып јадыс. Бу јер бистиҥ каланы јараш ла кӧскӧ эптӱ эдип турган «Городская среда» деп федерал ӱлекер аайынча  јарандырылган. Бу программа дезе, Россия Федерацияныҥ Президенти В. В. Путинниҥ јакылтазыныҥ шылтузында бӱдӱп јат», – деп, вице-премьер айтты.

Оныҥ эзеткениле,  4 муҥ кижи јуртап јаткан бу микрорайондо автомобильдер јӱрер кӱр 2014 јылда суу јайылганынаҥ улам јемирилген ле јараттай јерлерди суу алган болгон. Бӱгӱн мындагы јарат јараштыра, кӧскӧ кӧрӱмјилӱ эттирте јазалган ла јарандырылган, мында балдар ойноор площадкалар, оромдордо туратан тренажерлор тургузылган.

Бу ок микрорайондо мынаҥ озо билелер амырайтан «Билениҥ сквери» јарандырылган.  Каланыҥ сууныҥ јанында јазалган бу «кызыл чийӱзинде» јараттарды бектеер иштер учына чыгып браады.

«Бу ок программала каланыҥ кӧп квартиралу тураларын айландыра јерлер јарандырылган, спорт площадкалар, газондор јазалган. Балдар ойноор јаркынду ӧҥдӱ јерлер, баскетбол ло футбол ойноор мини-площадкалар бар. Экстрим-парк ачылган» — деп, И. Коршунов айтты.

Кӧдӱриҥилӱ ачылтада АР-дыҥ башчызыныҥ, башкарузыныҥ председателиниҥ Быйанду самараларыла «Дорстрой» ӱлекерлик компанияныҥ гендиректоры Анатолий Половников ло каланыҥ таҥынаҥ аргачызы Кирилл Хромов кайралдатты.

Байрамла эл-јонды Горно-Алтайсктыҥ администрациязыныҥ јааны Ольга Сафронова уткыды. «Горно-Алтайск кала јарамыкту айалга тӧзӧӧр программада экинчи јыл туружат. Бу јер калада јарандырылган 19-чы јер болуп туру. Мында каланыҥ эл-јоны туштажарга, куучындажарга,  амыраарга ла спортло тазыктырынарга сӱреен јарамыкту јер болор деп иженедис. Каланы, оны айландыра јерлерди јарандырар иштер мынаҥ да ары улалар» — деп, ол айтты.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина