2018 jыл: ӱредӱликтиҥ ундылбас элестери

28.12.2018

Алтай Республикада «Јиит устар» (WorldSkills Russia) деген талалык чемпионат ӧткӧн.

* * *

Оҥдой аймакта Шашыкман јурттыҥ орто ӱредӱлӱ школында јаҥы спортзал ачылды.

* * *

Россияда јажы эр кемине јетпегендердиҥ керектери ле олордыҥ тап-эриктерин корыыры аайынча кӱреелер тӧзӧлгӧниниҥ 100 јылдыгы темдектелди. Алтай Республиканыҥ јажы эр кемине јетпегендердиҥ керектери ле олордыҥ тап-эриктерин корыыры аайынча кӱреези једимдӱ иштейт. Алтай Республикада КДН-ныҥ 100 јылдыгы элбеде темдектелди.

* * *

Россияныҥ ӱренчиктериниҥ кыймыгузы (РДШ) Шабалин аймакта балдардыҥ су-кадыгын орныктырар «Горный орленок» лагерьде 2-чи республикан следын, республикан съездин дезе калада ӧткӱрди.

* * *

Горно-Алтайсктагы ӱредӱчилер белетеер колледж тӧзӧлгӧнинеҥ ала 90 јылдыгын темдектеди. Педколледж 1928 јылда тӧзӧлгӧн.

* * *

Горно-Алтайск каланыҥ 6-чы таҥмалу школ-лицейи бойыныҥ 80 јылдыгын темдектеди. Ол 1938 јылда иштеп баштаган.

* * *

Ӱредӱликтиҥ ишчилериниҥ јайаандыгы бичиичи Л. В. Кокышевтиҥ чыкканынаҥ ала 85 јылдыгына учурлалган «Алтын сӱрлӱ Алтайым» деген республикан байрамын Улаганда ӧткӱрген.

* * *

Алтаистиканыҥ С. С. Суразаковтыҥ адыла адалган билим-шиҥжӱлик институдында јарлу тилбилимчи М. Ч. Чумакаеваныҥ чыкканынаҥ ала 80 јылдыгына учурлалган «Алтай тил ле оныҥ диалекттери: эмдиги айалгазы, келер ӧйдӧги ӧзӱми» деген бастырароссиялык билим-практикалык конференция ӧткӧн.

* * *

Оҥдой аймактыҥ Јодро јуртындагы баштамы школ 60 јылдыгын темдектеген.

* * *

Билимчи, ӱлгерчи, журналист Чалчык Чунижековтыҥ 120 јылдыгына учурлалган «Јӱрӱмдик ле јайаандык јолы байлык» деген конференция ӧткӧн.

* * *

Јетинчи краевед талалык кычырыштар бичиичи Василий (Паслей) Тордоевич Самыковтыҥ 80 јажына учурлалып, «Самыковтыҥ кычырыштары» деп адалып ӧтти.

* * *

Балдардыҥ ӱзеери ӱредӱлигиниҥ республикан тӧс јери тӧзӧлгӧнинеҥ ала 100 јылдыгын темдектеди.

* * *

70 јыл мынаҥ кайра Ийин јуртта механизаторлордыҥ областной школы ачылган.

* * *

25 јыл мынаҥ кайра Алтай Республиканыҥ Ӱстиги Совединиҥ Президиумыныҥ јӧбиле (13.10. 1993) Шабалинниҥ орто школына Л. В. Кокышевтиҥ ады-јолы адалган.

* * *

Горно-Алтайсктыҥ 1-кы таҥмалу школы тӧзӧлгӧнинеҥ ала 95 јылдыгын темдектеди.

К. ПИЯНТИНОВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым