«Чаҥкыр Алтай» кинотеатрдыҥ ачылтазы

28.12.2018

Јаҥар айдыҥ 25-чи кӱнинде Алтай Республиканыҥ башчызы Александр Бердников канча ӧйдиҥ бажынаҥ ижин орныктырып јаткан «Чаҥкыр Алтай» кинотеатрдыҥ кӧдӱриҥилӱ ачылтазында турушкан.

«Јаҥы јылдыҥ алдында бис эл-јоныска јаан сый эткенис – јаҥырту иштердиҥ кийнинеҥ «Чаҥкыр Алтай» кинотеатрды ачтыс. Бу тура 1962 јылда тудулган, је калганчы 27 јылдыҥ туркунына ол бойыныҥ ууламјызы аайынча иштебеген. Тураны канайда тузаланарыла колбулу башка-башка шӱӱлтелер эдилген, је улуска кинотеатр керек болгон. Мында јакшы российский кинолор, ол тоодо балдарга, кӧргӱзилерине бӱдедим» — деп, Александр Бердников айткан.

Мындагы айалга јаҥыс ла кинолор кӧргӱзерге эмес, је анайда ок окылу керек-јарактар, ойын-концерттер ӧткӱрерге јараар болгонын башчы темдектеген. Тураны јаҥыртарына республикан бюджеттеҥ 25 миллион салковой чыгарылган. Киноконцертный зал 164 кижиге этире јазалган. Јазал иштер ӧйинде аҥылу ајару кӧрӧӧчилерле јеткер болдыртпазыныҥ сурактарына — ӧрт чыгарын болдыртпас системага, эвакуационный эжик-чыгыштарга, автоматический ӧрт ӧчӱрерине эдилген.

Россия Федерацияныҥ тоозы 500 муҥга јетире эл-јон јуртап јаткан јурттарында, калаларында национальный фильмдер кӧргӱзерине керектӱ айалгалар тӧзӧӧри аайынча адылу программала кинопроекторный јазал, кӧрӧӧчилерге креслолор алынган.

«Кӧп балдарлу билелердиҥ балдарын ла ветерандарды кинотеатрга јеҥилтелӱ бааларла кийдирер аргаларды чоттозын деген јакылта бергем» — деп, республиканыҥ башкараачызы айткан.

Горно-Алтайск каланыҥ администрациязыныҥ јааны Ольга Сафронова Александр Бердниковко бу кинотеатрды јаҥыртар јӧп чыгарганы учун быйанын айткан.

«Тӱгенип јаткан јылдыҥ кӱӱк айында бу тураныҥ айалгазын шиҥдеер тушта, Александр Васильевич кинотеатрды орныктырарына керектӱ акчаны республикан бюджеттеҥ чыгарар деген чындаптаҥ да тӱӱкилик јӧп чыгарган. Горно-Алтайсктыҥ эл-јоныныҥ адынаҥ Слерге јаан быйанысты айдадыс. Бу балдарыска ла јашӧскӱримге амыраар ӧйин ӧткӱретен јакшынак јер болор» — деп, Ольга Сафронова айткан.

Байрамдык ачылта ӧйинде кайралдар табыштырылган. Профессионал ижиндеги једимдери, чыдап јаткан ӱйени ӱредерине ле таскадарына јаан камаанын јетиргени ле ӱредӱ бӧлӱгинде ак-чек ижи учун Алтай Республиканыҥ Кӱндӱлӱ грамотазыла Горно-Алтайскта балдардыҥ јайааныныҥ тӧс јериниҥ директорыныҥ ордынчызы Айару Капшунова кайралдаткан.

Профессионал ижиндеги једимдери, эрчимдӱ јӱрӱмдик кӧрӱми ле ак-чек ижи учун Алтай Республиканыҥ башчызыныҥ Быйанду самаразы Горно-Алтайскта балдардыҥ јайааныныҥ тӧс јериниҥ качызы Марина Башкатовага табыштырылган.

Мындый ок Быйанду самараларла «СибКапСтрой» ООО-ныҥ штукатур-маляры Юлия Брия ла бу ок ӧмӧликтиҥ тудум-монтаж иштер аайынча узы Иван Чакин кайралдаткан.

Кӧдӱриҥилӱ ачылтаныҥ кийнинеҥ «Я волонтер. История неравнодушных» деп фильм кӧргӱзилген. Горно-Алтайсктыҥ эл-јонына кинотеатр јаҥар айдыҥ 27-чи кӱнинеҥ ала иштеп баштады.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым