Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Амадаган, кӱӱнзеген сый

11.01.2019

Алтай Республиканыҥ эл политика ла јондыкла колбулар аайынча комитеди ӧткӧн јылдыҥ јаҥар  айыныҥ  27-чи  кӱнинде калада «Спартак» стадиондо  балдар ортозында  мячту хоккейле јилбилӱ маргаандар ӧткӱрген.

Комитет бу маргаандарды Россия Федерацияныҥ Конституциязыныҥ 25 јылдыгына учурлап ӧткӱрди. Маргаандарда 10 команда турушкан. Олордыҥ тоозында 2004-2005 јылдардыҥ балдары ортодо командалар — «Спартак» (каладаҥ), «Майма» (кадет школдоҥ)  ла Оҥдойдоҥ, анайда ок   2007-2008 јылдардыҥ балдары ортодо командалар — «Курай», «Шабалин», «ШВСМ-1», «ШВСМ-2» (каладаҥ), «Оҥдой», уулдардыҥ «Чарас-1» ле кыстардыҥ «Чарас-2» командалары (Кан-Оозынаҥ).

Маргаандардыҥ туружаачылары кышкы соокты керекке албай, бойлорыныҥ эпчилин, чыйрагын, чыдамкайын ла јараш ойынын кӧргӱстилер. Анайып, јаан балдар ортодо маргыжуда Оҥдойдыҥ командазы «Спартакты» 4:2  тооло, кадеттердиҥ командазын 6:2 тооло јеҥип, баштапкы јерди ала сокты.  «Спартак»  ла «Майма» ортодо изӱ тартыжу ӧтти, јеҥӱни 4:2 тооло «Спартак»  алып ийди.

Балдар ортодо мячту хоккейле ӧткӧн маргаандарда Оҥдойдыҥ командазынаҥ Ижен Попошев (коручыл), Эркен Керектеков (табараачы), Искандер Бедюров (каалгачы) ло Айсур Еликов (коручыл) јаркынду ойындарын кӧргӱстилер.

Оогош балдар ортодо база јилбилӱ, јараш ойындар ӧтти. Мында анчада ла «Чарас-2» команданыҥ кыстарыныҥ ойындары кӧрӧӧчилерди кайкадып сӱӱндирди.  Онойып, баштапкы јерге «Курай», экинчи јерге «Чарас-2»  ле ӱчинчи јерге «Чарас-1» командалар чыкты. Оҥдойдыҥ кичӱ командазы бир бала јетпес ойногон, онойып бастыра кӱчин салып чырмайган да болзо, јеҥӱчил јерге чыгып болбоды. Темдектезе, Эзен Попошев, Айдамир Бобоков ле Эрчим Елдошев бойлорыныҥ чыдамкайын ла шулмустарын кӧргӱстилер. Оҥдойдыҥ јуунты командалары Кӱпчегеннеҥ Максим Михайлович Кухаевтиҥ таскадып турган балдардаҥ ла Караколдыҥ балдарынаҥ тӧзӧлгӧн. Бу балдар Н. В. Кулачевтиҥ адыла адалган  ДЮСШ-да тазыктырынып тургандар.

Маргаанныҥ учкары јеҥӱчилдерди кайралдайтан чӱм-јаҥ ӧтти. Баштапкы ӱч јер алган командаларга кубок, медальдар ла   Кӱндӱлӱ грамоталар табыштырылды. Анайда ок баштапкы јер алгандарга 15, экинчизине – 10 ло ӱчинчи јер алгандарга 5 муҥ салковойдыҥ сертификаттары сыйлалды.  Јеҥӱчилдерге јолду кайралдарын Алтай Республиканыҥ Албатылар најылыгыныҥ байзыҥыныҥ ишчилери кӧдӱриҥилӱ айалгада  табыштырды.

Балдардыҥ, олордыҥ тазыктыраачыларыныҥ  ла бойымныҥ адымнаҥ АР-дыҥ эл политика ла јондыкла колбулар аайынча комитединиҥ  јааны Л. С. Варванецке, Албатылар најылыгыныҥ байзыҥыныҥ јааны А. С. Касакаевке јаан быйанысты айдып турум.  Кирген јаҥы јылда слерге ле слердиҥ ӧмӧликке су-кадык, иште јаан једимдер, бирлик ле ачык јол кӱӱнзейдис. Слердиҥ  белетеп ӧткӱрген маргаан ла сыйлаган сыйларар балдарга сӱӱнчи, јаан болуш болуп, олорго јаҥы ийде берип, спорттыҥ ӧзӱмине јарамыкту тебӱзин јетирет. Бу улустаҥ јозок алып, ӧскӧ дӧ ӧмӧликтер бойыныҥ маргаандарын ӧткӱрзе, балдардыҥ су-кадыгына, спорттыҥ ӧзӱмине јаан ийде болор эди.

Солун ла јилбилӱ маргаанныҥ  туружаачыларын кайралдаган кийнинеҥ балдарды база бир јаан сый  сӱӱндирди. Ӧткӧн 2018 јылды   Алтай Республикада   Хоккейдиҥ јылы деп, тергеениҥ башчызы А. В. Бердников  јарлаган эди.  Шак ол јакшы керектеҥ сап тудунып, Караколдогы јурт јеезениҥ јааны болгон Чедирген Тарбанаев балдардыҥ командазына керектӱ кеп-кийим аларга болуш сурап,   башчы Александр Бердниковко баштанган эди. Анайып, АР-дыҥ физический культура ла спорт аайынча комитединиҥ јааны Заури  Казакпаев А. Бердниковтыҥ   адынаҥ Караколдыҥ командазына когӱске кийетен форма ла бриджи-штандар  сыйлады. Анайда ок јаҥар айдыҥ ортозында Оҥдой аймактыҥ јааны Андрей  Мунатов 60 муҥ салковой акча  берген. Бу акчала бис конектор, шитоктор ло башка кийетен шлемдер алдыс.

Шак бу улустыҥ јӧмӧлтӧ-болужыныҥ шылтузында  балдардыҥ командазы хоккейдиҥ формазыла јеткилделди. Алтай Республиканыҥ спорттогы јуунты командаларын таскадары аайынча тӧс јердиҥ јааны М.  Яйтаков, ордынчызы А. Тайпин,  специализи И. Анчибаев ле АР-дыҥ  мячту хоккейле федерациязыныҥ президенти А. Белееков  балдардыҥ ла јашӧскӱримниҥ спортына, ол тоодо  хоккейге јаан ајару эдип, олорды јеткилдеп, таскадып, маргаандар ӧткӱрип, олордыҥ ӧдӧтӧн јерин белетеп, јаан ла керектӱ ишти билгир ӧткӱрет. Караколдыҥ командазында тазыктырынып турган балдардыҥ, олордыҥ эне-адаларыныҥ ла бойымныҥ  адымнаҥ  адалган бу улуска јаан быйанысты айдып турум. Ӧзӱп јаткан ӱйеге тузалу ижигер једимдӱ  болзын.

А.  ЯИЛГАКОВ,

тазыктыраачы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина