Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јеҥӱниҥ музейинеҥ — башчыга быйан

15.01.2019

Алтай Республиканыҥ башчызы, башкарузыныҥ председатели Александр Бердниковтыҥ адына 1941-1945 јылдарда Ада-Тӧрӧл учун Улу јууныҥ Тӧс музейиниҥ (Јеҥӱниҥ музейи) директорынаҥ «Территория Победы» деген федерал ӱлекерди эрчимдӱ јӧмӧп турганы учун быйан сӧстӧрлӱ самара келген.

Самарада темдектелгениле, Алтай Республика бу ӱлекерди јӱрӱмде бӱдӱрери аайынча ишти эҥ озо баштагандардыҥ  тоозында деп, эл музейдиҥ сайтында айдылат.

Јеҥӱниҥ музейиниҥ директоры Александр Школьниктиҥ јетирӱзинде А. В. Анохинниҥ адыла адалган эл музейдиҥ башкартузына ла ӧмӧлигине «ӧмӧ-јӧмӧ ӱлекерди јӱрӱмде бӱдӱреринде эрчимдӱ ижи учун» база аҥылу быйан сӧстӧр айдылган.

А. В. Анохинниҥ адыла адалган эл музей 2017 јылдыҥ ӱлӱрген айыныҥ 4-чи кӱнинеҥ ала музейдиҥ филиалы болуп јат. Тургузылган јӧптӧжӱ аайынча республикан музей 2017 јылдыҥ јаҥар айында Сталинградтагы јуу-согуштыҥ 75 јылдыгына ла Тӧрӧлиниҥ коручылыныҥ кӱнине учурлай Эземниҥ вахтазын ӧткӱрген болгон.

2018 јылда культураныҥ учреждениези Советский Союзтыҥ Геройы Зоя Космодемьянскаяныҥ эземине учурлалган флэшмобто турушкан. Музейдиҥ ишчилери Зояныҥ портредиле фотојурукка тӱжӱп, фотојурукты соцсетьтерге салган. Мынайып кыс-геройдыҥ ады-јолы албаты, анчада ла јаш ӱйе ортодо јарлу болорына камаанын јетирген.

Ада-Тӧрӧл учун Улу јууда Јеҥӱниҥ 73-чи јылдыгына учурлай 2018 јылда «Салют, Победа! Ол ыраак ла јуук Јеҥӱниҥ кӱни!» деп адалган Эземниҥ вахтазы ачылып турарда, музейде «Фашизмле тартыжарында бис бирлик болгоныс» деп адалган мультимедийный кӧрӱ тургузылган. 2018 јылдыҥ туркунына А. В. Анохинниҥ адыла адалган эл музей Јеҥӱниҥ музейиниҥ кӧмзӧзинеҥ алылган тӧрӧлчи ууламјылу ӧскӧ дӧ мультимедийный кӧрӱлер ӧткӱрген болгон.

2018 јылдыҥ кӱчӱрген айында республикан музей Кызыл Черӱниҥ 1941 јылдыҥ кӱчӱрген айыныҥ 7-чи кӱнинде ӧткӧн парадыныҥ 77-чи јылдыгына учурлалган «Ада-Тӧрӧл учун Улу јууныҥ јаан учурлу кӱндери ле јарлу геройлоры» деген акцияда турушкан. Музейдиҥ сайты ажыра Ада-Тӧрӧл учун Улу јууныҥ ветераны, парадтыҥ туружаачызы Михаил Побегаев керегинде айдылган.

Республикан музей Ада-Тӧрӧл учун Улу јуула колбулу не-немелерди 1942 јылдаҥ ала јууп, шиҥдеп, јарлап баштаган. Мында јаҥыс ла јуучылдардыҥ документтери, таҥынаҥ кийим-тудумы, мылтык-јепсел ле ӧскӧзи де јуулган эмес, је анайда ок јуу-чактыҥ тӱӱкизиле колбулу јетирӱлер ле документтер јарлалат. Тӧрӧлин коручылдарга учурлай музейде башка-башка туштажулар ӧткӱрери јаҥжыгып калган. Оныҥ сайтында «Территории Победы» деген ӱлекерлер јарлалат,  Јеҥӱниҥ музейине таҥынаҥ бӧлӱк учурлалган.

АР-дыҥ башкарузыныҥ пресс-службазы

ТОП

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.        Олег Хорохордин, Алтай Республиканыҥ башчызы, башкарузыныҥ председатели: «Мени Алтай Республиканыҥ удурумга башчызыныҥ молјуларын бӱдӱрер јамыга тудардаҥ  озо

«Подвиг и Слава!»

Положение о республиканском конкурсе детских рисунков и сочинений «Подвиг и Слава!», посвященного  75-летию Победы в Великой Отечественной войне 1941 — 1945 гг., на страницах республиканских газет «Алтайдын Чолмоны» и «Звезда Алтая» Общие положения Республиканский конкурс творческих работ «Подвиг и Слава!» (далее — Конкурс) направлен на повышение интереса детей Республики Алтай к изучению российской истории, сохранению

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти. «Гуркин» деген телекейди эмдиги улус бойына ӧткӧн чактыҥ 80-90 jылдарында ачып баштаган. Ороондо башталган политикалык