Крещениениҥ байрамы

18.01.2019

Крещениениҥ байрамы јербойында јаҥжыкканы аайынча озолондыра белетелген јерлерде ӧдӧр.

Бу кӱнде православный христиандар «иордандарда» — суулардыҥ тожын оодып, озолондыра белетелген јерлерде сууга кирер, мӱргӱӱл јаҥын јаҥдаар. Улус сууга кирер јерлерди православный мӱргӱӱлдиҥ улузы бойыныҥ јаҥыла эки катап аластап јат — чаган айдыҥ 18-чи кӱнинде ӧдӧтӧн Крещенский сочельник ле эртезинде Крещениениҥ байрамы кӱндерде.

Крещениениҥ байрамын темдектеер јерлерде суулардыҥ чыҥдыйын Роспотребшиҥжӱниҥ ишчилери озолондыра шиҥдеп кӧрӱп јат. Байрамла колбулу јерлерде јеткер-неме болбозын јеткилдееринде МЧС-тыҥ, МВД-ныҥ, медицинаныҥ, муниципалитеттердиҥ ишчилери туружар. Бу улус андый јерлерде чаган айдыҥ 18-чи кӱниниҥ 23 саадынаҥ ала чаган айдыҥ 19-чы кӱниниҥ 19 саадына јетире ӧйдиҥ туркунына дежурство тӧзӧп јат, сууга кирген улуска изӱ чай-неме белетелер деп, республикан МЧС-тыҥ пресс-службазы јетирет. Тергеебистиҥ кажы ла муниципал тӧзӧлмӧзиниҥ јеринде улус сууга кирер јерлер озолондыра јӧптӧлип калган. Горно-Алтайскты алар болзо, јаҥжыкканы аайынча Пионерлердиҥ ортолыгыныҥ ла «Автодордыҥ» јанында Майма сууда андый јерлер белетелер. МЧС-тыҥ ишчилери улус сууга кирип, мӱргӱӱл јаҥын јаҥдаар тушта ајарыҥкай болзын, бойыныҥ эди-каныныҥ арга-айалгаларын ајаруга алып турзын деп баштанат. Аймактарда бу байрамды база јаҥжыгып калган јерлерде темдектеер.

Калганчы јылдарда бистиҥ тергееде, бӱткӱл ороондо чылап ок, бу байрамга учурлай белетелген аҥылу јерлерде сууга кирерге кӱӱнзеп турган улустыҥ тоозы кӧптӧйт, анчада ла јашӧскӱрим ортодо. Анайда ок бу байрам кӱнде улус суулардаҥ ичерге, јаҥын јаҥдаарга «агару» суу алгылайт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина