Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Дизайн-ӱлекерлер шӱӱжилип кӧрӱлген

22.01.2019

«Калада јарамыкту айалга тӧзӧӧр» деген ӱлекерле башкарынып, каланыҥ ичинде парктарды ла ӧскӧ дӧ јерлерди јарандырары јанынаҥ дизайн-ӱлекерлердиҥ јондык шӱӱжӱлери Горно-Алтайсктыҥ Культура

туразында ӧтти.

Бу керек-јаракта јӱстеҥ кӧп улус турушкан: оромдордыҥ комитеттериниҥ, ТСЖ-лардыҥ, јондык организациялардыҥ чыгартулу улузы, аргачылар, журналисттер, ӱлекерлердиҥ авторлоры, архитекторлор, депутаттар, каланыҥ администрациязыныҥ специалисттери ле о. ӧ. Шӱӱжӱде Горно-Алтайсктыҥ мэри Юрий Нечаев ле каланыҥ администрациязыныҥ јааны Ольга Сафронова  база турушты. Туштажуныҥ модераторы «Единая Россияныҥ» тергеелик бӧлӱгиниҥ исполкомыныҥ башкараачызыныҥ ордынчызы Татьяна Щеголькова болгон деп, мэрияныҥ пресс-центри јетирет.

Туштажуны ачып тура, Ольга Сафронованыҥ темдектегениле, «Калада јарамыкту айалга тӧзӧӧри» деген муниципал программала колбулу иш-керектерге эки јылдыҥ туркунына башка-башка аргалардаҥ 100 миллион салковойдоҥ кӧп акча чыгарылган. Анайда ок 3000-наҥ кӧп улус јадып турган кӧп квартираларлу 19 тураныҥ јанындагы 10 јер јарандырылган. Јарандырылган јерлердиҥ тоозында: Билениҥ сквери, балдардыҥ ла спорттыҥ площадкалары, Майма сууныҥ јарады, Коммунистический проспекттеги тротуарлар. Каланыҥ администрациязыныҥ јааныныҥ аҥылап темдектегениле, объекттерди тударында ла јондык шӱӱжӱлерде калада јадып турган албаты-јон база эрчимдӱ турушкан. Туралардыҥ јанында јерлерди јарандырарына каланыҥ эл-јоны бойыныҥ 3 миллион салковойдоҥ кӧп акчазын чыгарган болгон.

Јондык шӱӱжӱниҥ туружаачыларыныҥ ајарузына бир канча дизайн-ӱлекерлер чыгарылган: Майма сууныҥ јарадын јарандырарыныҥ экинчи бӧлӱги («Баатыр» спортзалдаҥ   ала Мебельный микрорайондо Майма сууны кечире кӱрге јетире бӧлӱк ле Шебалинский оромдо јараттай јер); «Туу-Кайа кыр» деген панорамный парк; «Аленушка ла Ырысту» деген тоҥмок суу» деп адалган сквер; балдарга ла спортко Строительдердиҥ оромында 4-чи тураныҥ јанында площадка; Коммунистический проспектте автовокзалдыҥ јанында тротуарлар; каланыҥ микрорайондорында тренажерный ӱч площадка.

Ӱлекерлерле таныштыру ӧйинде каланыҥ улузы дизайн-ӱлекерлерле јууктада таныжар аргалу болгон. Олор сурактар берип, бойыныҥ шӱӱлтелерин айткан. Темдектезе, улусты объекттер су-кадыгыныҥ аргалары кирелӱ улуска келиштирилген бе, тренажерлорды јыл туркунына  тузаланар айалгалар тӧзӧӧр керек деген ле ӧскӧ дӧ сурактар јилбиркеткен. Спортчылардыҥ биригӱзиниҥ чыгартулу улузы оромдордогы спортинвентарьлардыҥ чыҥдыйы ла спорттыҥ ойын бӱдӱмдериниҥ площадкаларын пландаары јанынаҥ сурактар берген. Ӱлекерлер тургускан улустыҥ айтканыла, айдылган шӱӱлтелер шиҥделип кӧрӱлер ле ӱлекерлерди учына јетире јазаар тушта ајаруга алылар.

Бу туштажу-шӱӱжӱ ӧйинде улуска оогош калалардыҥ јерлерин јарандырары аайынча Текшироссиялык конкурста туружарга шӱӱлтелер белетееринде турушсын деп баштану база эдилген болгон. Бу конкурсла колбулу ӱлекерлер аайынча шӱӱлтелерди алары 2018 јылдыҥ кӱчӱрген айында башталып, 2019 јылдыҥ чаган айыныҥ 16-чы кӱнинде тӱгенген.

Горно-Алтайск каланыҥ кандый микрорайонында кандый јерди јарандырары јанынаҥ шӱӱлтелердиҥ уч-турулталарын чаган айдыҥ 17-чи кӱнинде кӧрӧрдӧ, ӱнбериштиҥ уч-турултазыла «Туу-Кайа» деген панорамный паркла колбулу ӱлекердиҥ экинчи бӧлӱги аайынча ӱлекер јеҥӱчил болуп чыккан. Бу ӱлекер аайынча Туу-Кайада кабинкаларлу канатный јол, кырда келиштирте јолдор ло площадкалар тудулары темдектелет.

Кандый ӱлекерди талдап аларыла колбулу ӱнбериште 3144 кижи турушкан. Эмди, качан јарандырар јер талдалып каларда, каланыҥ администрациязы быјыл ӧрӧ адалган Бастырароссиялык конкурста туружарына кӧндӱре белетенер. Бистиҥ кала јаткан улузыныҥ тоозы 50 муҥнаҥ ала 100 муҥга јетире калалар аайынча номинацияда туружар аргалу. Оны Россияныҥ Минстройы ӧткӱрет, анда туружарына угузу бичикти кандык айдыҥ 1-кы кӱнинеҥ оройтытпай аткарар керек, угузу бичикти канай кӧргӧниниҥ уч-турултазы кичӱ изӱ айдыҥ 1-кы кӱниниҥ кийнинде јартала  берер.

АР-дыҥ башкарузыныҥ пресс-службазы

 

 

 

ТОП

Јаркынду јол кӱӱнзеген јуун

Кӱчӱрген айдыҥ 17-чи кӱнинде Эл Курултайдыҥ јетинчи тудузыныҥ ээчий XXII сессиязы ӧткӧн. Спикер Артур Кохоев башкарган јуунда 41 депутаттаҥ 38 депутат турушкан. Сессияныҥ ижинде Алтай Республиканыҥ башчызы Олег Хорохордин, онойдо ок эл-тергеелик јаҥныҥ бӱдӱреечи органдарыныҥ, республикада федерал бӱдӱреечи орган-дардыҥ башкартуларыныҥ башкараачылары, муниципал тӧзӧлмӧлӧрдиҥ јаандары ла депутаттар советтериниҥ председательдери, элбек јетирӱлер эдер эп-аргалардыҥ чыгартулу улузы турушкан.

Тергеебисте јолдор јазалат

Кӱчӱрген айдыҥ 16-чы кӱнинде «Чуйдыҥ јолы – Алтын-Кӧлгӧ јетире» федерал трассаныҥ автомобильный јолыныҥ баштапкы эки бӧлӱгиниҥ кӧдӱриҥилӱ ачылтазы ӧтти. Бу учурлу керекте Алтай Республиканыҥ башчызы Олег Хорохордин, Эл Курултайдыҥ председатели Артур Кохоев туруштылар. «Бу јолдыҥ бистиҥ бӱгӱн ачып јаткан текши узуны 14 километр эки бӧлӱги Кызыл-Ӧзӧк, Куташ ла Карасук јурттар ӧткӱре ӧдӧт. Мынаҥ озо бу

Конструктивный диалог с представителями Общественной палаты

Глава Республики Алтай Олег Хорохордин во вторник, 16 ноября, провел рабочую встречу с членами Общественной палаты Республики Алтай. Руководитель региона подчеркнул, что конструктивный диалог с представителями Общественной палаты позволяет детально обсудить и решить много социально значимых вопросов. «Сегодня многое зависит от тесного взаимодействия исполнительных и законодательных органов государственной власти, органов местного самоуправления с представителями общественности.