Башкараачы органдар тудулган

01.02.2019

«Единая Россияныҥ» Алтай Республикада тергеелик бӧлӱгиниҥ башкараачы органдарын тудары јанынаҥ конференция партияныҥ XVIII съездиниҥ јӧптӧрин бӱдӱрер амадула чаган айдыҥ 24-чи кӱнинде ӧткӧн.

Оныҥ ижинде партияныҥ Сибирьдеги федерал округтагы тергеелер ортодогы координационный совединиҥ башкараачызы, Федерация Совединиҥ турчызы Алексей Синицын, партияныҥ јербойындагы бӧлӱктеринеҥ делегаттар, анайда ок статузы аайынча делегаттар — «Единая Россияныҥ» политический совединиҥ ле тергеелик шиҥжӱ комиссиязыныҥ турчылары турушкан.

Партконференцияны ачып тура, партияныҥ тергеелик бӧлӱгиниҥ качызы, Эл Курултайдыҥ председатели Владимир Тюлентин партийный Уставта эдилген тӧс кубулталар керегинде јетирӱ эткен. Темдектезе, партияныҥ тергеелик бӧлӱгиниҥ тудулар коллегиальный органы политсоветтиҥ Тӧргизи болор. Партияныҥ этический нормалары чокымдалган, олорды партияныҥ турчылары, оны јӧмӧӧчилер, анайда ок партияныҥ тергеелик ле структурный бӧлӱктериле кӧстӧлгӧн кандидаттар бӱдӱрер учурлу.

Владимир Тюлентин 2019 јылда тергеениҥ башчызыныҥ ла парламентиниҥ талдаштары ӧдӧри керегинде айдып, партия олорго белетенип турган деген. Депутаттарга талдама кандидаттар кӱӱк айдыҥ 26-чы кӱнинде ӧдӧтӧн озолондыра ӱнбериш тужында талдалар. «Единая Россияныҥ» съездиниҥ јӧптӧриниҥ бирӱзи партияныҥ баштамы бӧлӱктериниҥ јаан учурлу јондык ӱлекерлериниҥ конкурсын ӧткӱрерине учурлалган деп айткан. Бу конкурста једимдӱ турушкан «первичкалар» кеми 200 муҥ салковойго јетире грант-јӧмӧлтӧни алар аргалу.

Алексей Синицын конференцияныҥ туружаачыларына баштанып тура, 2019 јылда Алтай Республикада ӧдӧтӧн јаан талдаштарга ајару эткен. «Бисте кӧргӱзер чокым иш-керектер, лидерлер бар. Бистиҥ оппоненттердийине кӧрӧ, олордыҥ кеми, учуры јаан. Тергеелик бӧлӱктиҥ башкараачы органдарын тӧзӧӧри аайынча јӧп јарадары — озолондыра ӱнбериштиҥ алдында ӧйдӧ јаан учурлу сурак» — деп, ол темдектеген.

Конференцияныҥ туружаачыларын АР-дыҥ башчызы, политсоветтиҥ Тӧргизиниҥ турчызы Александр Бердниковтыҥ адынаҥ башкаруныҥ председателиниҥ баштапкы ордынчызы, «Единая Россияныҥ» тергеелик политсовединиҥ турчызы Роберт Пальталлер уткыган. Ол бойыныҥ куучынында Россияныҥ президенти Владимир Путинниҥ Јарлыктарыла темдектелген нацӱлекерлерди бӱдӱрер иштиҥ учуры јаан болгонына аҥылу ајару этти. «Нацӱлекерлерди бӱдӱрери тергеениҥ башкартузыныҥ ла «Единая Россия» партияныҥ аҥылу шиҥжӱзинде. Ол тоодо 1 јаштаҥ ала 3 јашка јетире балдарды ясляларла јеткилдеери, каланыҥ јерин јарандырары, јонјӱрӱм-экономикалык ӧзӱмниҥ тебӱзине камаанын јетирип турган ӧскӧ дӧ кӧп тоолу ууламјылар» — деп, баштапкы вице-премьер темдектеди.

Делегаттар политсоветтиҥ јаҥы составын ачык ӱнбериш ажыра туткан. Политсоветти Эл Курултайдыҥ председатели, «Единая Россияныҥ» тергеелик бӧлӱгиниҥ качызы Владимир Тюлентин башкарат. Анайда ок политсоветтиҥ Тӧргизиниҥ составына: Александр Бердников, Владимир Тюлентин, Константин Криворученко, Юрий Нечаев, Наталья Никитенко, Роберт Пальталлер, Никита Санин, Михаил Терехов, Эмиль Тюхтенев, Леонид Щучинов ло Андрей Ялбаков тудулган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым