Эски јылыс элес этти, Јаҥы јылыс јанып келди!

08.02.2019

Азия телекейиниҥ калыктарыныҥ, ол тоодо алтай албатыныҥ Јаҥы јылы – Какай јыл — быјыл кочкор айдыҥ 5-чи кӱнинде кирди.

Бистиҥ тергееде кӱнчыгыш Јаҥы јылды Чага байрам деп адап, окылу темдектеери удабаган. Бӱгӱнги кӱнде бу байрам тергеениҥ ончо аймактарында, јурттарында ла таҥынаҥ билелерде текшилей темдектелип, калыктыҥ элбек ле јаркынду јыргалдарыныҥ бирӱзи боло берди.

Калык Чаганы озодоҥ бери байрамдаганын албатыныҥ оос чӱмдемелдеринде алкышту сӧстӧр, кӧп тоолу каргандарыстыҥ бу байрамды канайда ӧткӱргени керегинде куучындары быжу керелейт. Кош-Агаш аймак Чага байрамды 26 јыл кайра баштап ла орныктырып, ачык темдектеген эди. Оноҥ бери кажы ла јыл Алтайыска, текши калыкка баштанып айдылган тереҥ учурлу, јаркынду ла чечен тилдӱ алтай алкыштар јаан ачылта болуп, јӱректеристи ӧкпӧӧртӧт лӧ кӧӧрӧдӧт.

Чага байрамла, кӱндӱлӱ јерлештер!

Эбире турган арказы

Эмил сайлу кузукту,

Айландыра турган тайгазы

Алтын-мӧҥӱн јӧӧжӧлӱ

Алтай јериме баш болзын!

Ак мӧҥкӱ бӧрӱктӱ,

Кара кӧчкӧ эдектӱ

Алтайыма баш болзын!

Таш очогыс маты болзын,

Талкан-кӱлис обоо болзын,

Тапкан-јӧӧгӧн тайга болзын!

Кожулганы кӧп болзын,

Коромјызы ас болзын!

Е. Бутушевтиҥ фотојуругы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым