Јаргыныҥ приставтарына мааны табыштырган

26.02.2019

Јаргыныҥ приставтарыныҥ федерал службазыныҥ Алтай Республика аайынча башкартузына мааны табыштырары кочкор айдыҥ 19-чы кӱнинде П. В. Кучияктыҥ адыла адалган эл театрда кӧдӱриҥилӱ айалгада ӧткӧн.

Кӧдӱриҥилӱ керек-јаракта јаргыныҥ приставтарыныҥ федерал службазыныҥ директоры – Россия Федерацияныҥ баш јаргы приставы Дмитрий Аристов, Алтай Республиканыҥ башкарузыныҥ председателиниҥ ордынчызы Игорь Коршунов, јасакчы ла бӱдӱреечи јаҥныҥ, јондык организациялардыҥ чыгартулу улузы, јаргыныҥ приставтарыныҥ службазыныҥ ишчилери ле ветерандары турушкан.

Дмитрий Аристов мааныны Алтай Республиканыҥ баш јаргы приставы Радик Ильясовко табыштырган. Ол јаргыныҥ приставтарыныҥ федерал службазыныҥ территориальный органыныҥ маанызыла кожо анайда ок Россия Федерацияныҥ Президентиниҥ грамотазын табыштырды.

Дмитрий Аристовтыҥ темдектегениле, бу сӱр-темдекке государстволык јилбӱлерди корып турган јаргы приставтардыҥ ижи, јалтанбазы ла профессионализми шиҥген.

—Јаргыныҥ приставтарыныҥ тергеелик бӧлӱги бӱгӱн бистиҥ республикада государственный јаҥныҥ учурлу бӧлӱги болуп јат. Ӧмӧликтиҥ чыҥдый, каруулу ижинеҥ јаҥыс ла јасакты бӱдӱрерин ле тап-эриктерди буспазын јӧмӧӧри камаанду эмес, је анайда ок слердиҥ ижердеҥ экономикалык сурактар база камаанду. Слердиҥ ижигердиҥ шылтузында јуулган акча тергеениҥ ӧзӱмине, граждандардыҥ јонјӱрӱмдик сурактарын чечерине ууламјылалат — деп, Игорь Коршунов бойыныҥ уткуулду сӧзинде темдектеген.

АР-дыҥ баш јаргы приставы Радик Ильясов бойыныҥ сӧзин айткан кийнинеҥ, озочыл иштӱлерге кайралдар табыштырылган. «Јаргыныҥ приставтарыныҥ институдыныҥ тӧзӧлгӧнинеҥ ала 150 јыл» медальла јаргыныҥ приставтарыныҥ Чамал аймактагы бӧлӱгиниҥ јааны Александр Сатлаев, јаргыныҥ ижиниҥ тургузылган ээжилерин јеткилдеери аайынча јаргы приставтар Дмитрий Тишков ло Михаил Тупикин кайралдаткан.

Јаргыныҥ приставтарыныҥ федерал службазыныҥ Кӱндӱлӱ грамотазы тӧзӧмӧл-шиҥжӱ иш, информатизация ла јетирӱлик јеткер болдыртпазын јеткилдеери аайынча бӧлӱктиҥ јааны Владимир Дугашевке, јаргыныҥ приставтарыныҥ Кан-Оозы аймактагы бӧлӱгиниҥ ведущий специалист-эксперти Аржан Матыковко, тап-эрик, документационный јеткилдеш аайынча ла граждандардыҥ баштануларыла иштеер бӧлӱктиҥ специалист-эксперти Ирина Шебалинага табыштырылган.

Јаргыныҥ приставтарыныҥ федерал службазыныҥ Быйаны јаргыныҥ приставтарыныҥ Кош-Агаш аймактагы бӧлӱгиниҥ јаргы пристав-бӱдӱреечизи Армангуль Ажикеновага, Майма ла Чой аймактар аайынча бӧлӱктиҥ јаргы пристав-бӱдӱреечизи Антон Бедаревке, Шабалин аймактагы бӧлӱктиҥ јаргы пристав-бӱдӱреечизи Айас Ильмековко, аҥылу бӱдӱреечи производстволорды бӱдӱрери ле бедиреери аайынча аймактар ортодогы бӧлӱктиҥ јаргы пристав-бӱдӱреечизи Мария Ошлоковага, бу ок бӧлӱктиҥ ведущий специалист-эксперти Марина Прасоловага айдылган.

К. ЯШЕВ

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.