Јаан кӧрӱ, съезд — јурукчылар отогында

29.03.2019

Јурукчылардыҥ јайаан иштериниҥ «Россия-XIII» деп адалган бастырароссиялык кӧрӱзи Москвада јурукчылардыҥ тӧс туразында кочкор айдыҥ 27-чи кӱнинде кӧдӱриҥилӱ айалгада ачылды.

Текши ороонныҥ јурукчыларына сӱреен учурлу кӧдӱриҥи деп айдарга јараар. Јурукчылардыҥ туразында санаттыҥ башка-башка бӱдӱмдеринде иштеп јаткандар (живопись, графика, скульптура ла о. ӧ.), бойлорыныҥ јайаан ижиниҥ устары јык толо јуулды. Шак бу кӧрӱ јаан кӧрӱлер аайынча «Россия» деген ӱлекердиҥ адакы бӧлӱги болуп јат. Мындый кӧрӱни Россияныҥ Јурукчыларыныҥ биригӱзи беш јылдыҥ ичинде бир катап белетеп ӧткӱрет. Бу кӧрӱни ӧткӧн јылда ороонныҥ федерал тергеелеринде ӧткӱрилген тизӱ экспозициялардыҥ турултазы деп айдар керек.
Кӧрӱлердиҥ «Россия» деген ӱлекеринде бойыныҥ аҥылузы бар. Учурыла, кемиле јаан ӱлекерге јаҥыс та тергеелерде ӧткӧн кӧрӱлер кирип турган эмес. Је онойдо ок искусствоведтердиҥ билим конференциялары, ӧҥдӱ, чыҥдыйы бийик альбом-каталогторды ла билим конференциялардыҥ материалдарын кепке базып чыгарары база кирет.
Шак бу ӱлекер аайынча талаларда јайаан јайалталу јурукчыларды јӧмӧӧри јанынаҥ методикалык иш база ӧдӧт. Тузалу иштиҥ шылтузында ороонныҥ јуранар санадыныҥ устарында беш јылдыҥ ичинде бир катап бойыныҥ једимдериле бойыныҥ талазында, онойдо ок Москвада таныштырар јарамыкту арга бар. Бу ӱлекерде кӱӱнзеген ончо јурукчылар, јайаан ишчилер туружар аргалу. Бир јылдыҥ ичинде ӧткӱрилип јаткан кӧрӱ ӧйинде ороонныҥ ыраак јерлериндеги санаттыҥ ӧзӱмиле јууктада таныжар арга бар.
Јаҥжыкканы аайынча «Россия» деген адакы кӧрӱ ачылар ӧйдӧ Россияныҥ Јурукчыларыныҥ биригӱзиниҥ ээчиде съезди ӧткӧн. Јурукчылардыҥ съездиниҥ делегады болуп Алтай Республикадаҥ Россияныҥ Јурукчыларыныҥ биригӱзиниҥ талалык бӧлӱгиниҥ председатели Елена Тодышева турушты.
Елена Игнатьевнаныҥ айтканыла, јурукчылардыҥ јӱрӱмдик сурактары, ол тоодо иштеер айалгалары, мастерскойлоры јанынаҥ ла ӧскӧ дӧ кӧп тоолу сурактар кӧдӱрилген, кӧрӱлген. Јурукчылар биригӱзиниҥ Уставыныҥ јаҥыдаҥ јазалган редакциязы јӧптӧлгӧн. Москваныҥ ла Санкт-Петербургтыҥ јурукчыларыныҥ биригӱлери тогузон јылдардаҥ бери кажызы ла таҥынаҥ болгон. Шак бу съездте эки биригӱ бириктирилген, вице-президенти тудулган.
Алтай Республиканыҥ јурукчылары мынаҥ озо Сибирьдеги федерал округта Новокузнецкте ӧткӧн «Сибирь-XII» деген талалар ортодогы кӧрӱде турушкан эди. Айдарда, эҥ ле талдама иштер чокымдалып, илезине чыгарылып, «Россия-XIII» кӧрӱге тургузылды.
Онойып, республикадаҥ јаан кӧрӱге алты јурукчыныҥ – Игнат Ортонуловтыҥ, Алексей Дмитриевтиҥ, Аржан Ютеевтиҥ, Сергей Дыковтыҥ, Амыр Укачинниҥ ле албаты санадыныҥ узы Айдана Тадыкинаныҥ јайаан иштери тургузылды.

К. ПИЯНТИНОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина