Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Адылу ӱредӱниҥ јаҥы ээжилери јӧптӧлгӧн

02.04.2019

Россияныҥ башкарузы бийик ле орто ӱредӱлӱ заведениелерде келер ӧйдиҥ специалисттерин адылу ӱредериниҥ јаҥы ээжилерин јӧптӧгӧн деп, министрлердиҥ кабинединиҥ сайты јетирет.

Ээжилерди јӧптӧгӧн јӧптӧ адылу ӱредӱ (целевое обучение) керегинде јӧптӧжӱ тургузарыныҥ ла оны токтодорыныҥ ээжилери, иштеер јерин чокымдаарыныҥ ла кубултарыныҥ айалгалары, јӧптӧжӱде айдылган молјулардаҥ јайымдаарыныҥ аайы ла тӧзӧлгӧлӧри, јӧптӧжӱниҥ айалгаларын бусканы учун акча тӧлӧӧриниҥ аайы јӧптӧлгӧн.
Адылу ӱредӱге алары квота кеминде таҥынаҥ конкурс аайынча ӧткӱрилер. Онызын Россияныҥ башкарузы, субъекттердиҥ јаҥдары ла јербойында бойы башкарынарыныҥ органдары јӧптӧӧр — ӱредӱ учун акча олордыҥ келиштирте бюджеттеринеҥ тӧлӧлӧр болзо. Адылу ӱредӱге специальностьтордыҥ ла направлениелердиҥ тооломын башкару чокымдаар. Ӱредӱлик организациялардыҥ учредительдери целевой приемныҥ квотазын олордыҥ башкартузына кирип турган организациялар ортодо кабминниҥ јаратканы аайынча келиштирте ӱлештирер аргалу.
Гражданин эмезе адылу ӱредӱниҥ заказчиги јӧптӧжӱниҥ ээжилерин бусканы учун каруузына тургузары катуланар. Специалист адылу ӱредӱзиниҥ кийнинеҥ ӧскӧ тергеедӧӧн иштеерге јӱре берзе, каруузына база тургузылар. Адылу ӱредӱниҥ заказчиги ӱредӱзин божоткон специалистти иштеер јерле јеткилдеери јанынаҥ бойыныҥ молјуларын бӱдӱрбезе, ол ӱредӱлик организацияга штраф тӧлӧӧр. Направлениеле ӱренген специалист ӱредӱзиниҥ кийнинеҥ јӧптӧжӱ аайынча кандый да чокым јерде ӱч јылдыҥ туркунына иштебей јӱре берзе, штрафты бойы тӧлӧӧр.
Адылу ӱредӱниҥ мындый эп-аргалары абитуриенттер иштеер јерин талдаар тушта озолондыра јазап сананып јӱрерине, ишбереечилер келер ӧйдиҥ ишчилерин талдаарына каруулу болорына камаанын јетирер. Анайда ок олор билгирлери бийик специалисттер јетпей турган тергеелерди специалисттерле јеткилдеериниҥ сурагын аайлаштырар арга берер.
Бистиҥ Алтай Республикага ороонныҥ ӱредӱлӱ заведениелери 2019 јылда адылу ӱредӱге канча јерлердеҥ бергениниҥ тооломы газеттиҥ 8-9-чы бӱктеринде јарлалган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина