Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јаантайын сергелеҥде ле беленде

02.04.2019

Алтай Республиканыҥ башчызыныҥ молјуларын удурумга бӱдӱрип турган Олег Хорохордин тулаан айдыҥ 26-чы кӱнинде Горно-Алтайскта драманыҥ П. В. Кучияктыҥ адыла адалган эл театрында Росгвардияныҥ профессионал байрамына учурлай ӧткӧн кӧдӱриҥилӱ јуунда туружып, олорды Россия Федерацияныҥ Национальный гвардиязыныҥ кӱниле уткыган.

Театрдагы бу кӧдӱриҥинеҥ озо Росгвардияныҥ бистиҥ тергеедеги черӱзи турган јерде кӧдӱриҥилӱ построение ӧткӧн, анда јиит черӱчилдер черт бергендер, байрамга учурлай уткуулду сӧстӧр айдылган.
Олег Хорохордин бойыныҥ уткуулду сӧзинде ичбойындагы черӱниҥ тӱӱкизи сӱрекей байлык деп темдектеп, оныҥ ӧткӧн јолы узун — эки јӱс јылдаҥ ашкан деп айткан. Росгвардияныҥ бистиҥ тергеедеги башкартузы дезе ченемелдӱ ле профессионал узы бийик кадрларла јеткилделген, ол оныҥ алдында турган иш-јакылталарды кандый ла айалгаларда једимдӱ бӱдӱрип јат деп айдар керек.
Алтай Республиканыҥ башчызыныҥ молјуларын удурумга бӱдӱрип турган О. Хорохординниҥ айтканыла, Росгвардияныҥ тергеелик башкартузыныҥ јуучылдары јеҥил эмес ченелтелерди Тӱндӱк Кавказта ӧткӧн. Олор анда террористтерле, экстремисттерле уур ла кӱч айалгаларда тартыжып, бузулган ла јайрадылган конституционный ээжилерди ойто орныктыргандар. Бу командировкада болуп, ат-нерезин ле јалтанбазын кӧргӱскен јуучылдар башкаруныҥ кӧп тоолу ордендериле, медальдарыла, ведомстволордыҥ кайралдарыла кайралдаткандар.
Кӧдӱриҥилӱ јуунда јаҥды тыҥыдар керекте, граждандардыҥ тап-эриктерин ле јилбӱлерин корулаарында бийик једимдерге јеткени, службадагы молјуларын ак-чек бӱдӱрип турганы ла бийик профессионализми учун Россия Федерацияныҥ Росгвардиязыныҥ тергеелик башкартузыныҥ аҥылу отрядыныҥ командириниҥ ордынчызы полицияныҥ лейтенанты Алан Бабитов Алтай Республиканыҥ Кӱндӱлӱ грамотазыла кайралдаткан. Полицияныҥ подполковниги, Росгвардияныҥ СОБР-ыныҥ командириниҥ ордынчызы Геннадий Никодовко ло полицияныҥ майоры, национальный гвардияныҥ черӱлериниҥ ведомственный эмес каруул јанынаҥ бӧлӱгиниҥ кадрлар аайынча баш инспекторы Лариса Балашовага дезе Алтай Республиканыҥ башчызыныҥ Быйанду самаралары табыштырылган.
Алтай Республика аайынча баш федерал инспектор Дмитрий Колозин кӧдӱриҥилӱ јуунныҥ туружаачыларын олордыҥ профессионал байрамыла уткып тура, олорго ло бу службаныҥ ветерандарына јаҥы бийик једимдер ле бек су-кадык кӱӱнзеген. Алтай Республиканыҥ Эл Курулутайыныҥ председатели Владимир Тюлентин бойыныҥ уткуулду сӧзинде Росгвардияны тӧзӧӧр баштаҥкайды Россияныҥ президенти Владимир Путин эткен деп темдектеген: «Онызы биске аҥылу бӱдӱмји ле бийик молју эдип јат. Бу черӱниҥ тӱӱкизи бистиҥ ороондо јаҥы ла башталып та турган болзо, је национальный гвардияныҥ јаҥ-ээжилери ичбойындагы черӱлердиҥ, аҥылу отрядтардыҥ ла ведомственный эмес каруулдыҥ јакшынак јаҥжыгуларыла бек колбулу». Парламенттиҥ спикери јалтанбас черӱчилерге, ветерандарга ла олордыҥ билелерине анайда ок бийик јуучыл белетениш ле бек су-кадык кӱӱнзеген.
Кӧдӱриҥилӱ јуунныҥ туружаачыларын олордыҥ профессионал байрамыла Россия Федерацияныҥ Росгвардиязыныҥ Алтай Республикадагы тергеелик башкартузыныҥ јааны Дмитрий Расчетов, Горно-Алтайск каланыҥ администрациязыныҥ јааныныҥ ордынчызы Станислав Тюхтенев уткыгандар. Јуунда амыр-энчӱ ӧйдӧ јуучыл керектерде туружып, јеҥ јастанып јыгылган черӱчилдердиҥ ада-энелери ле тӧрӧӧн-туугандары турушкандар. Јуучыл нӧкӧрлӧри ле эл театрдыҥ залында отурган бастыра улус олордыҥ эземин кереестеп, бир минут ӧйгӧ унчукпай тургандар. Кадеттер јуучылдардыҥ ада-энелерине чечектер сыйлаган.

П. КАБАР
Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина