Россияныҥ МЧС-ныҥ башкараачызыныҥ јол-јорыгы

09.04.2019

Кандык айдыҥ 6-чы кӱнинде Россияныҥ МЧС-ныҥ башкараачызы Евгений Зиничев Алтай Ресупбликага ишмекчи јол-јорыкла келип јӱрген. Оныҥ амадузы – Алтай Республиканыҥ ла Алтай крайдыҥ јастыҥ ӧйинде јеткерлерге беленин кӧрӧри.

Республиканыҥ башкарузында координационный јаба јуун ӧткӧн лӧ ондо эки субъекттиҥ јаскы суулар јайыларына ла ӧрт ӧчӱрерине белениниҥ тӧс сурактары шӱӱжилген. Гидрометеорология ла айландыра ар-бӱткенниҥ мониторинги аайынча Кӱнбадыш-Сибирьдеги башкартуныҥ Алтайский филиалыныҥ јааны Александр Люцигердиҥ айтканыла, суулардыҥ јайылары быјыл тыҥ јылулардаҥ улам 10 кӱнге эрте башталган. Алтай Республиканыҥ јеринде тулаан айда ла суулардыҥ тожы кайылып, ачылып баштаган. Кандык айда кӱнниҥ јылузы нормазында турар, је јааштар болор учун суулар кӧдӱрилердеҥ айабас. Суулардыҥ экинчи јайылар ӧйи кӱӱк айдыҥ ӱчинчи онкӱндигинеҥ ала кичӱ изӱ айда болор.
Аймактардыҥ белени керегинде башкаруныҥ председателиниҥ баштапкы ордынчызы Роберт Пальталлер јетирӱ эткен. Ончо белетеништӱ иштер ӧткӱрилген ле олорго 2019 јылда 111 млн. салковой чыгымдалары темдектелет. Оҥдой аймактыҥ Кеҥи јуртында 22 тура сууга алдырган ла кандык айдыҥ 1-кы кӱнине јетире айалга оҥдолгон. МЧС-тыҥ республикада башкартузыныҥ јааны Андрей Бурлаковтыҥ јетиргениле, бу айалганы тӱзедерине барган чыгымныҥ кеми, пландалганынаҥ 11,5 катапка ас болгон.
Јуунда экинчи суракла ӧрттӧҥ коруланарыныҥ сурагы болгон. Ӧрт башталары јанынаҥ чочыдулу айалга кандык айдыҥ баштапкы кӱндеринде башталат. Кӱнниҥ јылыганы ла ас јааштар болоры ӧрттиҥ јеткерин тыҥыдат – деп, А. Люцигер јетирген. Р. Пальталлердиҥ јетирӱзиле, республикада быјыл ӧрттӧҥ коруланарына белетенери јанынаҥ иштер эдилген ле бу керектерге 129 млн. салковойдоҥ кӧп акча чыгарылган.
Евгений Зиничев јеткерлӱ айалгаларга удурлажары јанынаҥ бир канча јакылталар берген. «Слердиҥ ајаругарды јеткерди бодыртпазына, озолодо иштеерине эдип турум. Јеткерди јоголторыныҥ чыгымдары болдыртпазына эткенинеҥ кӧбин ундыбас керек. Слерде айалга шиҥжӱде тудулып турган эмтир. Бис ончобыс кенетийин тура берген чочыдулу айалгаларга удурлажарыныҥ бирлик государственный системазында иштейдис, бистиҥ ижис кижиниҥ јӱрӱмин аргадаарына ууламјылалган» – деп, министр јуунныҥ учында айткан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина