Јылдыҥ јиит билези — Улаганнаҥ

12.04.2019

Горно-Алтайск каланыҥ Культура байзыҥында кандык айдыҥ 10-чы кӱнинде јиит билелердиҥ «Вера, Надежда, Любовь» деп адалган VIII республикан кӧрӱ-маргааныныҥ калганчы уч-турулталу бӧлӱги ӧтти.

Кӧрӱ-маргаанныҥ баштапкы бӧлӱги тулаан айдыҥ 15-чи кӱнине јетире аймактарда ӧткӧн. Шак ол маргаандарда јеҥӱчил болуп чыккан билелер мында маргышты. Јеҥӱчилдер «Јылдыҥ эҥ артык јиит билези» деген бийик ат учун тыҥытту тартыштылар.
Бу кӧрӱ-маргаанда Горно-Алтайсктаҥ Эзен ле Айару Бордомоловтордыҥ, Улаган аймактаҥ Эзен ле Алена Куюковтордыҥ, Чой аймактаҥ Антон ло Мария Фрайстыҥ, Шабалин аймактаҥ Шералий Киргизбоевтиҥ ле Айсылу Терешеваныҥ билелери туруштылар.
Маргыжу башка-башка ууламјыла ӧткӧн лӧ билелердиҥ јайаандык ижин бастыра јанынаҥ баалаар јарамыкту айалга болды. Мында јиит билелер «Билениҥ тазыл-тамыры, угы-тӧзи, јаҥжыгулары» деген ууламјыда бойлорыныҥ јайаандык иштерин кӧргӱстилер. Табышкактардыҥ, ребустардыҥ карууларын кыска ӧйдиҥ туркунына табары, кожоҥдооры, бијелеери, «Билелик ырыстыҥ јажыды» деген видеороликти кӧргӱзери ле оноҥ до ӧскӧ темалар аайынча билерин-билгирин кӧргӱстилер.
Јиит билелердиҥ сегизинчи талалык кӧрӱ-маргааныныҥ јеҥӱчили, «Јылдыҥ эҥ артык јиит билези» деген бийик атла Улаган аймактаҥ келген Эзен ле Алена Куюковтордыҥ билези адатты. Кӧрӱ-маргаанныҥ јеҥӱчили ле туружаачылары баалу сыйларла кайралдатты. Куюковтордыҥ билези бастырароссиялык маргаанда таланыҥ адынаҥ туружар.

К. ПИЯНТИНОВА
Е. БУТУШЕВТИҤ фотојуругы
(Элбедилген бичимел газеттиҥ келер номеринде јарлалар)

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым