Јаҥы бӱдӱмге кӧчӧр јаан иш бӱдӱрген

19.04.2019

Кан-Оозындагы јурт јеезе аймактыҥ тӧс јурты болуп јат. Мында окылу јуртап јаткандардыҥ тоозы 5 муҥ кижи, окылу эмес тооло 6 муҥды ажа берер. Јурт јеезениҥ администрациязында эки специалист иштейт. 1-кы разрядту баш специалист Эльвира Николаевна Адабасова бу иште он эки јыл иштеп келди.

Јурт администрацияга кирип, Эльвира Николаевнала таныжып куучындаштыс. Ол Кӧзӱл јуртта чыккан, таҥды сӧӧктӱ. Школдыҥ кийнинде Алтайский аграрный университетти божоткон. Аймактыҥ администрациязында јурт ээлемниҥ бӧлӱгинде экономист, СХТ-да иштеген. Айыл-јуртту, эки балалу. Кергил сӧӧктӱ эш-нӧкӧри МВД-ныҥ ветераны, амыралтада. Олор 1996 јылда биле тӧзӧгӧн, оноҥ бери Кан-Оозында јуртайт.
Э. Н. Адабасова Кан-Оозындагы јурт јеезеге хозучеттыҥ ижине келеле, бу ишти бажынаҥ ала электрон бӱдӱмге кийдирер јаан ишти јаҥыскан бӱдӱрген. Элбек јурттыҥ эл-јоныныҥ ээлемдери, мал-ажы керегинде ле ӧскӧ дӧ јетирӱлерди электрон бӱдӱмге кӧчӱрери тегин керек эмес. Оноҥ озо ончо ло не-неме колло бичилген, чаазындарда кичеелген болгон. 2013 јылда экинчи специалист келген. Баш специалисттиҥ ижи бачым кӧскӧ кӧрӱнбес, је кӱннеҥ кӱнге улусла иштеер керек. Улус кандый ла справкалар аларга баштанып турулар. Онойдо ок специалисттерге полициядаҥ, аймактыҥ администрациязынаҥ, статисти-кадаҥ, собестеҥ, тап-эриктер корыыр органдардаҥ улайын ла башка-башка јетирӱлер аларга баштанып јадылар. Кезикте архивтердеги похозяйственный дейтен бичиктердеҥ јетирӱлер бедиреерге келижет. Кажы ла ӧрӧкӧ-айылдыҥ ондый бичиктери архивтерде 75 јыл кичеелер учурлу.
Адакыда Эльвира Николаевна мынайда айтты: «Мениҥ ижимди бийик баалап, Алтай Республиканыҥ кайралына кӧстӧгӧни учун, јурт јеезениҥ јааны Виталий Михайлович Кандыковко јаан быйаным айдадым. Јаан каруулу ижи јакшы ла барзын, билезине амыр-энчӱ, су-кадык јӱрӱм кӱӱнзейдим».

Н. Саданова

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина