Озочыл иштӱлерге – мак!

07.05.2019

Горно-Алтайск каланыҥ ишмекчи ӧмӧликтериниҥ 1 майда ӧткӧн јаҥжыккан парадында быјыл 4,5 муҥ кижи турушты. Бастыра тергее ичинде ӧткӧн кӧдӱриҥилерде 11 муҥ кижи турушканы темдектелди.

Кӱӱк айдыҥ баштапкы кӱни карлу, салкынду да турган болзо, Горно-Алтайск каланыҥ тӧс тепсеҥинде Иштиҥ ле јастыҥ байрамы кӧдӱриҥилӱ айалгада ӧтти. Колоннада ишмекчи ӧмӧликтер, аргачылар ла политический партиялардыҥ чыгартулу улузы турушкан. Анайда ок јондык биригӱлер, волонтерлор бу тоого база кирди.

Байрамныҥ туружаачыларын Алтай Республиканыҥ башчызыныҥ ижин удурумга бӱдӱреечи Олег Хорохордин, Эл Курултайдыҥ председатели Владимир Тюлентин, баш федеральный инспектор Дмитрий Колозин, тергеениҥ башкарузыныҥ председателиниҥ баштапкы ордынчызы Наталья Екеева, бӱдӱреечи ле јасакчы јаҥныҥ ла јондык биригӱлердиҥ чыгартулу улузы уткыган.

Јаҥжыкканы аайынча јылдыҥ ла кӱӱк айдыҥ 1-кы кӱнинде республиканыҥ мергендӱ ишчилериниҥ ады-јолы адалып, олордыҥ тоомјызын керелеген Кӱндӱниҥ доскозы јаҥыртылат. Быјыл ого бӱткӱл тергее ичинеҥ 20 кижиниҥ ады-јолы кийдирилди, ол тоодо јурт ээлемниҥ, ӱредӱликтиҥ, культураныҥ, спорттыҥ ишчилери ле ӧскӧ дӧ иш-тошто бойыныҥ эрчимин кӧргӱскен улус. Олордыҥ кажызы ла бойыныҥ Тӧрӧлиниҥ ичкери ӧзӱмине камаанын јетирген јозокту ижиле ӧзӱп јаткан ӱйеге тем кӧргӱзет.

Јут-јулакай кӱн турганынаҥ улам Кӱндӱниҥ доскозыныҥ ачылтазы П. Кучияктыҥ адыла адалган эл театрда ӧтти.

–Ишмекчи улус Алтай Республиканыҥ једимдериниҥ алтын кӧмзӧзи. Бистиҥ јерис ар-бӱткенниҥ јаражыла јарлу, је оныҥ тӧс байлыгы – улус, олор кажы ла кӱн бойыныҥ ижиле кичинек Тӧрӧлиниҥ ӧзӱмине јаан камаанын јетирип турган улус – деп, бойыныҥ уткуулында О. Хорохордин темдектеди.

–Слер ончогор бойыгардыҥ једимдеригерле јозок кӧргӱзедигер, иш јарап турган болзо, бийик једимдерге једер акту кӱӱн бар болзо, кандый ла иште озочыл болор арга бар – деп айдып, ол ончо улуска амыр-энчӱ, једимдӱ иш-тош кӱӱнзеди.

АР-дыҥ Эл Курултайыныҥ председатели Владимир Тюлентинниҥ уткуулында айдылганыла, иштиҥ ле јастыҥ бу байрамы кӧп ӱйелерге јастыҥ јаҥырганын, јылу келгенин, албатылардыҥ бирлигин ле турулталу иш экелген сӱӱнчини керелейт. Кижиниҥ кайда, кандый ууламјыла иштегени бу кӱнде ылгалбайт, ончозын ишмекчилердиҥ байрам кӱни бириктирет деп, Владимир Николаевич айдат: «Бистиҥ республикада једимдӱ турулталу иштер сӱрекей кӧп. Јерлештеристиҥ, бойыныҥ ижиниҥ устарыныҥ кажы ла кӱн иштеп јеткен јеҥӱлериле оморкойдыс. Је бистиҥ алдыбыста тергеебистиҥ ӧзӱмин тыҥыдар, оны јарандырар амадула мынаҥ ары федеральный ла региональный программаларды ла башка-башка ӱлекер-проекттерди јӱрӱмге кийдирер јаан иштер турат. Бистиҥ ишмекчи улуста билгирлер де, аргалар да бар, бистиҥ кажыбыстыҥ ла ижис ле јайалтабыс мында суруда болор, јӱк ле јарамыкту айалга тӧзӧӧр керек. Је эҥ ле учурлузы – бистиҥ улус».

Айдарда, ыраак јака јерлерге иш јок болгонынаҥ улам јӱре берген јерлештеристи бойыныҥ тӧрӧл јерине јанып иштезин, тергеебистиҥ ле ороонныҥ ӧзӱминде турушсын деп амадула кайра бурыырга, иштеер јерлерле јеткилдеери јаан учурлу сурак болгонын спикер темдектеди. Ол бойыныҥ колдорыла республиканыҥ ла ороонныҥ ӧзӱмине јӧмӧшкӧн, ак-чек иштеп јӱрерине тем болгон иштиҥ ветерандарын аҥылап, олорго база быйанду сӧстӧр айтты.

Кӧдӱриҥилӱ байрамда Кӱндӱниҥ доскозына чыккан мергендӱчилерге О. Хорохордин кере бичик ле сый табыштырган. Тергеениҥ иш, јонјӱрӱмдик ӧзӱм ле эл-јонды ишле јеткилдеери аайынча министри А. Сумин, тергеелик профсоюзтардыҥ биригӱзиниҥ председатели А. Ищенко, каланыҥ администрациязыныҥ јааны О. Сафронова ончозына база јылу сӧстӧр айдып, уткуулдарга јӧмӧшти.

Тергеениҥ башчызыныҥ Јарлыгы аайынча озочыл ишчилердиҥ тоозында быјыл мындый улус адалган: Сергей Атаров – Оҥдойдогы ветстанцияныҥ јааны; Ирина Боброва – Кӧксуу-Оозы аймакта «Амурский» деп јуртээлемдик кооперативтиҥ ишчизи; Борис Бугуев – Шабалин аймактыҥ «Марал-Толусома» биригӱзиниҥ ишчизи; Надежда Кононова – Турачактыҥ баштамы школыныҥ ӱредӱчизи; Юрий Константинов – Кан-Оозыныҥ ӧрт ӧчӱрер бӧлӱгиниҥ јааны; Элбек Куюков – АР-дыҥ спортчыларыныҥ јуунты командаларын белетеер тӧс јердиҥ спортчы-инструкторы; Ирина Майманова – П. Кучияктыҥ адыла адалган эл театрдыҥ артизи, АР-дыҥ нерелӱ артизи; Вера Мареева –«Майминский завод ЖБИ» ООО-ныҥ ишчизи; Галина Мартынова – «Российский детский фонд» деп килемјилик фондтыҥ АР-дагы бӧлӱгиниҥ јааны; Александр Неверов – тракторист, «Чойское ДРСУ» ООО; Сергей Рогальский – Горно-Алтайск кала, слесарь-ремонтник; Виктор Суханов – лесник, Кӧксуу-Оозы; Василий Тазранов – аргачы, Улаган аймак; Зоя Тоедова – Кан-Оозындагы каргандардыҥ туразыныҥ баш бухгалтери; Ольга Трусова – каладагы 6-чы таҥмалу лицейдиҥ ӱредӱчизи; Маргарита Чекурашева – республикан эмчиликтиҥ пульмонология бӧлӱгиниҥ јааны; Вера Чепрасова – СПИД-ле тартыжарыныҥ тӧс јериниҥ медишчизи; Любовь Черенева – Чамалдыҥ эмчилигиниҥ медишчизи; Мирон Чунов – «Белтир» кооперативтиҥ јааны; Елена Шаповалова – В. К. Плакастыҥ адыла адалган республикан гимназияныҥ ӱредӱчизи.

Каланыҥ администрациязыныҥ јааны О. Сафронова каланыҥ јӱрӱминде эрчимдӱ туружып, ижиле јозок кӧргӱскен улусты база темдектеп, олорго Быйанду самаралар табыштырды.

М. ЯБЫКОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина