Совет албатыныҥ Улу Јеҥӱзиле!

07.05.2019

Быјыл бастыра кижилик кӱӱндӱ ороондордыҥ албаты-јоны совет албатыныҥ 1941-1945 јылдарда Ада-Тӧрӧл учун Улу јууда Јеҥӱзиниҥ 74 јылдыгын темдектеп јат.

Бу кӱнде јуу-чактыҥ 1418 кӱниниҥ туркунына улалган јуу-согуштарда јеҥ јастангарды эске алынып јадыс. Ол канду јуу-согушта Јеҥӱ јеҥил эмес болгон — ондор тоолу миллион улус јӱрӱмин берген.

9 Май јаантайын сӱӱнчиниҥ ле ол ок ӧйдӧ карыкчалдыҥ кӱни болуп јат. Анайда ок ол албатыныҥ оморкодузыныҥ, совет јуучылдардыҥ ат-нерезине јаан тоомјыныҥ јаркынду байрамы. Олор керегинде эзем бистиҥ ле келер ӱйелердиҥ јӱрегинде ӱргӱлјикке артат ла артар.

Ада-Тӧрӧл учун Улу јууныҥ кӱндӱлӱ ветарандарын ла тылдыҥ ишчилерин байрамла уткып турус! Слер келер ӱйелерге корулап берген амыр-энчӱ учун бажысты јабыс эҥчейип турус.

Бистиҥ јерлештеристиҥ Улу Јеҥӱге камааны база јаан — ол тушта Ойротияныҥ кажы ла тӧртинчи кижизи фронтко атанган. Бу улустаҥ 25 кижи Совет Союзтыҥ Геройы болгон, бир кижи Мактыҥ ордениниҥ толо кавалери. Туулу Алтайдаҥ јууга атангандардаҥ 6,5 муҥ кижи јуучыл медальдарла, ордендерле кайралдаткан. Тылда арткан улус тӱни-тӱжи амыры јогынаҥ иштеп, Јеҥӱни јууктаткан.

Кӱндӱлӱ ветерандар, слерге бек су-кадык, амыр-энчӱ теҥери, эҥке-тоҥко јадын-јӱрӱм кӱӱнзеп турус!

Байрамла! 9 Майла!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина