Бирлигис бистиҥ солоҥылу Алтайда

17.05.2019

Горно-Алтайсктагы государственный университеттиҥ алтаистика ла тюркология аайынча факультеди, јурукчы Г. И. Чорос-Гуркинниҥ адыла адалган јондык сыйдыҥ лауреады, кӱӱк айдыҥ 14-чи кӱнинде тӱрк калыктардыҥ «Бирлигис бистиҥ солоҥылу Алтайда» деп адалган фестивалин ӧткӱрди.

Тюркологияныҥ факультеди бу байрамды бежинчи катап ӧткӱрди. Тӱрк калыктар ортодо байрамга јилбӱӱ јаан, оныҥ туружаачыларыныҥ кӱреези јылдаҥ јылга элбеп јатканы иле ле оморкодулу.

Быјылгы фестивальда Саха (Якутия) Республикадаҥ Тӱндӱк-Кӱнчыгыш федерал университединиҥ, Башкортостаннаҥ Мифтахетдин Акмулланыҥ адыла адалган государственный педагогический университединиҥ, Хакас Республикадаҥ Н. Ф. Катановтыҥ адыла адалган госуниверситеттиҥ, Туваныҥ государственный университединиҥ ӱренеечилери эрчимдӱ туруштылар. Онойдо ок быјыл баштапкы катап јондык организациялар, Алтай Республикада амыр-энчӱ, эптӱ-јӧптӱ јуртап јаткан калыктардыҥ чыгартулу улузы: уйгурлар, кыргызстар, татарлар, якуттар туруштылар. Јаан ла јараш кӱрееге баштапкы катап культураныҥ ла санаттыҥ Г. И. Чорос-Гуркинниҥ адыла адалган колледжиниҥ «Шуну» ӧмӧлиги, каланыҥ 2-чи таҥмалу кӱӱлик школыныҥ «Таҥ Чолмон» ӧмӧлиги, «Ойойым» албаты ӧмӧлиги (башкараачызы Р. Толмашова), педколледжтиҥ «Кӱнчечектер» ӧмӧлиги (башкараачызы Л. Лебедева) ле оноҥ до ӧскӧлӧри акту кӱӱндеринеҥ туруштылар.

ГАГУ-ныҥ тюркология аайынча факультединиҥ деканы Сурна Сарбашеваныҥ темдектегениле, тӱрк калыктардыҥ байрамы башка-башка талалардаҥ амадап, кӱӱнзеп келген јииттерине кӧгӱс байлыгын, јаҥжыккан јаҥжыгуларын, тилин, культуразын, ада-ӧбӧкӧлӧриниҥ артыргыскан энчи байлыгын корып алары јанынаҥ ченемелиле ӱлежер, бой-бойын угарга јарамыкту арга берет. Ол эрјинеге бодолду байлыкты шиҥдеп, јӱрӱмде тузаланарына шак мындый байрам сӱреен керектӱ деп айтты.

Фестиваль керегинде элбеде бичимел газеттиҥ келер номеринде јарлалар.

К. ПИЯНТИНОВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым