«Музейдиҥ тӱни» — Горно-Алтайскта

21.05.2019

«Музейдиҥ тӱни» деген јылдыҥ сайынгы текшироссиялык акция бистиҥ тергееде А. В. Анохинниҥ адыла адалган национальный музейде ӧткӧн.
Быјыл ол акция јарлу алтай билимчи-этнограф ла шиҥжӱчи А. В. Анохинниҥ чыкканынаҥ ала 150 јылдыкка ла Россияда јарлалган Театрдыҥ јылына учурлалды.
Јуулган кӧп тоолу улуска уткуулду сӧзиле Алтай Республиканыҥ культура аайынча министри Ольга Антарадонова, национальный музейдиҥ директоры Римма Еркинова баштанган. Олор бу керектиҥ учуры јаан болгонын, ол Туулу Алтайдыҥ тӱӱкизиле, культуразыла, искусствозыла колбулу байлык јетирӱлер берип, јаҥы јайаандык ӧмӧликтерле, улусла таныштырып турганын аҥылап темдектеген.
Кӧдӱриҥилӱ ачылта ӧйинде иштиҥ мергендӱчилерине кайралдар табыштырылган. Культураныҥ ӧзӱмине камаанын јетиргени, јаш ӱйени таскадарында једимдери учун Алтай Республиканыҥ Кӱндӱлӱ грамотазыла казахтардыҥ музейиниҥ јааны Елена Аккожанова кайралдаткан. Россия Федерацияныҥ культура аайынча министриниҥ Быйанын А. В. Анохинниҥ адыла адалган национальный музейдиҥ баш билим ишчизи Вера Кыдыева алган.
«Музейдиҥ тӱни» деген акцияда турушкандардыҥ тоозында АР-дыҥ башчызыныҥ молјуларын удурумга бӱдӱреечи Олег Хорохордин база болгон. Ол музейдиҥ кӧрӱ залдарыла базып, экспозицияларды кӧрӱп, музейдиҥ ишчилериле, акцияныҥ туружаачыларыла куучындашкан.
Бу керек-јарактыҥ туружаачыларына солун кӧрӱлер, туштажулар, экскурсиялар, јарлу кожоҥчылардыҥ ла ӧмӧликтердиҥ концерттери, интерактивный программалар ла оноҥ до ӧскӧзи тӧзӧлип ӧткӱрилген. Ол ло мастер-класстар, конкурстар, квесттер база јилбилӱ болгон.
Россияда «Музейдиҥ тӱни» 2002 јылдаҥ ала ӧткӱрилет, бистиҥ республикада ол 9-чы катап ӧткӱрилген.
«Музейдиҥ тӱни» керегинде элбеде бичимел газедистиҥ келер номеринде јарлалар.

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина