Кемге бӱдӱмји эдилип турганы јарталар

24.05.2019

Государственный јаҥныҥ ла јербойында бойы башкарынарыныҥ органдарына кандидаттар талдаары аайынча озолондыра ӱнбериш кӱӱк айдыҥ 26-чы кӱнинде ӧдӧр. Федерация Совединиҥ Регламент ле парламенттиҥ ижин тӧзӧӧри аайынча комитединиҥ председателиниҥ ордынчызы Владимир ПОЛЕТАЕВ озолондыра ӱнбериштиҥ аҥылулары керегинде куучындайт:

«Озолондыра ӱнбериш — партияныҥ ӱлекери. Оныҥ амадузы — чындык кандидаттарды талдаары, оноҥ олор башка-башка кеминде талдаштарда «Единая Россияныҥ» адынаҥ туружар. Чокымдап айтса, РФ-тыҥ 13 субъегиниҥ јасакчы јуундарыныҥ, 22 тергеениҥ депутаттарыныҥ райондор кеминде Советтериниҥ ле јербойында бойы башкарынарыныҥ кӧп тоолу органдарыныҥ талдаштарында. Анайда ок Хабаровский крайда, Новгородский, Свердловский ле Орловский областьтарда Госдуманыҥ депутаттарыныҥ ӧйинеҥ озо талдаштарына кандидаттар адалар.

Кыскарта айтса, озолондыра ӱнбериш улус кемге бӱдӱмји эдип турганын, кем албаты-јон ортодо тоомјылу болгонын илезине чыгарар. Бис ӱнбереечилер тургускан иш-амадуларды једимдӱ бӱдӱрер, олордыҥ јилбӱлерин тергеелик парламентте чындык корыыр аргалу кандидаттарды ачык-јарык ла ак-чек айалгада талдап алар аргалу болорыс.

Ороон ичинде озолондыра ӱнбериште 7 муҥнаҥ кӧп улус туружар. Бир јерге орто тооло 4 кандидаттаҥ кӧп келижет. Кӧп саба субъекттерде, ол тоодо Алтай Республикада, угузу бичиктерди алары кӱӱк айдыҥ 15-чи кӱнинде учына јеткен. Севастопольдо озолондыра ӱнбериште туружарга тургандардыҥ тоозы кӧп болгонынаҥ улам угузу бичиктерди алары кӱӱк айдыҥ 24-чи кӱнине јетире узадылган болгон».

Сенатордыҥ темдектегениле, кандидаттардыҥ бастыразы эл-јон ортодо јетирӱлик ишти эрчимдӱ ӧткӱрген эмес. Оныҥ айтканыла, кӧп улус олор кажы талдаачы округтыҥ јерине келижип турганын, ол округла кандый кандидаттар барып јатканын, ӱнин кайда берерин билбес.

«Кажы ла ӱнбереечи ол прописка аайынча кайда регистрация ӧткӧн округта ӱнин берер аргалу. Талдаачы округтар ла участоктор керегинде јетирӱни озолондыра ӱнбериштиҥ pg.er.ru деген окылу сайтынаҥ алар арга бар. Бу андый ла кӱч керек эмес — аҥылу јолдыктаҥ тергеени, јуртты табып, оромды кӧргӱзер. Ол тушта система округ ле ӱнбериш ӧткӱрер јер керегинде јетирӱни јарт кӧргӱзип берер. Ӱнбереечиге ӱнин берерге, бойыныҥ паспортын алала, кӱӱк айдыҥ 26-чы кӱнинде бойыныҥ округыныҥ талдаачы участогына келер керек.

Ӱнбериште аҥылу маркированный бюллетеньдер тузаланылар, онызы кандый да тӧгӱндеш-фальсификация болбозын јеткилдеер. Озолондыра ӱнбериш сыгын айда ӧдӧтӧн талдаштардаҥ ӱнбереечи озолондыра ӱнбериштиҥ бюллетенинде бир канча кандидаттар учун ӱнин берер аргалузыла башкаланат. Ӱнбериштиҥ турулталары кӧрӱлген кийнинеҥ олордыҥ рейтинги тургузылар.

Бастыра участоктор эртен тураныҥ 8 саадынаҥ ала эҥирдиҥ 20 саадына јетире иштеер. Адакыда сенатор Горно-Алтайсктыҥ ла аймактардыҥ эл-јонына озолондыра ӱнбериште, государственный јаҥныҥ органдарыныҥ талдаштарында турушкадый талдама кандидаттарды талдаарында эрчимдӱ турушсын деп кычырула баштанган.

(Сенатордыҥ пресс-службазыныҥ бергениле)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина