Ӱредӱлик форум ӧткӧн

24.05.2019

Кӱӱк айдыҥ 17-чи кӱнинде Горно-Алтайскта озолондыра ӱнбериштиҥ туружаачыларына ӱредӱлик форум ӧткӧн.

Бу форум анчада ла озолондыра ӱнбериште баштапкы катап туружып јаткан кандидаттарга јарамыкту болгон деп айдар керек. Анда ченемелдӱ депутаттар ла эксперттер дискуссия-куучындарды канайда ӧткӱрери керегинде лекциялар ӧткӱрген. Бу керек-јаракта јӱстеҥ ажыра кижи турушкан. Олор «Единая Россияныҥ» талдаачы кампаниязыныҥ стратегиязыла танышкан, озолондыра ӱнберишти тӧзӧӧриле колбулу сурактарга каруулар алган.

«Единая Россияныҥ» тергеелик бӧлӱгиниҥ качызы, АР-дыҥ Эл Курултайыныҥ председатели Владимир Тюлентинниҥ темдектегениле, озолондыра ӱнбериш – ол озо ло баштап санаа-шӱӱлтелердиҥ тартыжузы.

«Бу талдаштар тергееле башкарарына керектӱ јаҥы команданы тӧзӧӧрине старт берет, республиканыҥ оноҥ ары ӧзӱминиҥ јолын чокымдайт. Озочыл политический ийде болуп турган «Единая Россия» партияныҥ амадузы — јаҥда эл-јон ортодо тоомјылу, чындык улус турарын јеткилдеери» — деп, форумныҥ ачылтазында Владимир Тюлентин айткан.

«Звезда Алтая» республикан газеттиҥ баш редакторы, Эл Курултайдыҥ депутады Алена Казанцева «Алтай Республиканыҥ ӧзӱминиҥ Тӧс јериниҥ ижи керегинде» тема аайынча лекция-дискуссия ӧткӱрген. Оныҥ айтканыла болзо, бу Тӧс јер кемнеҥ де, недеҥ де камааны јок площадка болор учурлу. Јаҥы структура Алтай Республиканыҥ ӧзӱминиҥ стратегиязын белетеер. Бу стратегияны белетеер улустыҥ тоозына тергеебистиҥ кажы ла кӱӱнзеген кижизи кирер аргалу.

—Бӱгӱн, кӱӱк айдыҥ 17-чи кӱнинде, Алтай Республиканыҥ Эл Курултайыныҥ сессиязында тергеениҥ башчызыныҥ молјуларын удурумга бӱдӱрип турган Олег Хорохордин Алтай Республиканыҥ башкарузыныҥ 2018 јылда бӱдӱрген ижи керегинде отчет эткен. Ол тергеедеги јадын-јӱрӱм керегинде айдып тура, једимдерле колбой экономикадагы ла социальный бӧлӱктеги аайына чыгатан сурактарды темдектеген – деп, А. Казанцева айткан.

Республикан парламенттиҥ сессиязында Олег Хорохордин Алтай Республиканыҥ ӧзӱминиҥ стратегиязын ойтодоҥ кӧрӱп, јаҥызын белетеер деген баштаҥкай эткен. Андый амадула тергеениҥ ӧзӱминиҥ Тӧс јери ачылар.

Документке эмди иштеп турган ӱлекерлер, ол тоодо нацӱлекерлер, анайда ок Россияныҥ президентиниҥ майский јарлыктарында тургускан амадулар кирер. Тӧс јер јондык кыймыгулардыҥ, политический ийделердиҥ, тергеезиниҥ салымы учун сананып турган улустыҥ шӱӱлтелерин јуур ла шиҥдеер. Оныҥ да учун бу иште канча ла кире кӧп улус турушса, анча ла кире кӧп сурактар ол документте темдектелер.

«Тӧс јер телкем јондык тӧзӧмӧл лӧ экспертный площадка эттире тӧзӧлӧт. Ол бӱдӱреечи јаҥныҥ органдарынаҥ ла кандый бир политический ийделердеҥ камаанду болбос. Стратегияны белетееринде тергеениҥ кажы ла кижизи туружар аргалу» — деп, Алена Казанцева айткан.

Стратегияны канча ла кире чыҥдый белетеерге болуп, республиканыҥ ӧзӱминиҥ Тӧс јери башка-башка бӧлӱктердеҥ эксперттерди, јербойындыйынаҥ ала федерал кемине јетире, јилбиркедерин темдектейт.

«Единая Россияныҥ» тергеелик бӧлӱгиниҥ качызы Владимир Тюлентин «Единая Россия» бу ишке, текши алза, граждандардыҥ јадын-јӱрӱминиҥ кемин бийиктедер, социальный ла экономический сурактардыҥ аайына чыгатан бастыра баштаҥкайларга кожуларга белен болгонын темдектеген.

«Бис бастыра политический ийделерле теҥ-тай айалгаларда бу ишке кожуларга белен. Анайып, Алтай Республиканыҥ ӧзӱминиҥ Тӧс јери ажыра чындаптаҥ да тергеениҥ ӧзӱминиҥ чокым стратегиязы белетелзин» — деп, спикер темдектеген.

«Партийный ӱлекерлерди јӱрӱмде бӱдӱрери керегинде» деп темала «Единая Россияныҥ» тергеелик бӧлӱгиниҥ качызыныҥ ӱлекер иштер аайынча ордынчызы Константин Криворученко куучындаган. Ол форумныҥ туружаачыларын партийный ӱлекерлерди јӱрӱмде бӱдӱрери јанынаҥ эрчимдӱ ӧмӧ-јӧмӧ ишке кычырган. «Ӱлекерлер – партийный иштиҥ јаан учурлу ууламјызы. Биске кожо турултага иштеер, ол иштер канайда ӧдӱп турганын шиҥдеер, эл-јонло колбу тудар керек» — деп, К. Криворученко темдектеген.

«Единая Россияныҥ» тергеелик бӧлӱгиниҥ качызыныҥ ордынчызы 2017-2018 јылдарда «Городская среда» деп ӱлекер јӱрӱмде канайда бӱткени керегинде база айткан. Быјыл бу ӱлекер аайынча иштер баштапкы ла катап республиканыҥ аймактарыныҥ тӧс јурттарында ӧткӱрилер. Ого чыгарылган субсидия-акчаныҥ текши кеми 65 миллион салковой.

2019 јылда «Кичӱ Тӧрӧлиниҥ культуразы» деп адалган ӱлекерде јурттардагы культураныҥ 35 туразы ла тӧрт јайаан ӧмӧлик туружар. Оноҥ башка «Культура» нацӱлекер аайынча автоклубтар алынары, балдар јӱрӱп турган кеендиктиҥ школдорын кӱӱлик ойноткыларла јеткилдеери темдектелет. Кӧксуу-Оозында бир ле Кош-Агашта база бир библиотекаларга база акча чыгарылар.

«Балдардыҥ спорты» деген партийный ӱлекер аайынча быјыл футболло маргаандар ӧдӧр. Эҥ артык команда дворовый футболло кӱскиде Санкт-Петербургта ӧдӧтӧн бастырароссиялык маргаанда туружар.

«Јеткер јок јолдор» деп ӱлекер аайынча 2019 јылда 26 объектте текши узуны 60 километр јолдор јазалар. Быјыл тергеебис бу иштерге нацӱлекер аайынча 690 миллион салковой акча алар.

Социальный сетьтерде, «ПолитСтартап» ӱлекерде канайда иштеери керегинде кандидаттарга база айдылган. «Сколково» тӧс јердеҥ аҥылу ӱлекерлер аайынча ууламјыныҥ башкараачызы Екатерина Поварова, журналист, телеведущий Екатерина Агафонова ла «Молодая гвардияныҥ» тергеелик штабыныҥ башкараачызы Роман Гордеев бойлорыныҥ презентацияларын кӧргӱзип, куучындарын айткан.

«Единая Россияныҥ» тергеелик бӧлӱгиниҥ качызы Владимир Тюлентин озолондыра ӱнбериштиҥ кандидаттарына баштанып, мынайда айткан: «Озолондыра талдаштардыҥ да, кӱскиде ӧдӧтӧн кампанияныҥ да турулталары бистиҥ кажыбыстаҥ ла камаанду. Бистиҥ ижисти озо ло баштап ӱнбереечилер баалаар ла бис олордыҥ бӱдӱмјизине турар учурлу».

«Единая Россия» политический партиядаҥ Эл Курултайдыҥ јетинчи созывыныҥ депутаттарына чыгаратан кандидаттардыҥ озолондыра талдаштары кӱӱк айдыҥ 26-чы кӱнинде ӧдӧр.

К. ЯШЕВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина