Кӧп балдарлу ада-энелерге

Кӧп балдарлу ада-энелерге — мак!

04.06.2019

Балдарды корыырыныҥ албатылар ортодогы кӱнине учурлай Россияныҥ президенти Владимир Путин кӧп балдарлу билелердиҥ ада-энелерин «Ада-энениҥ магы» ордендерле кайралдады. Бу билелердиҥ тоозында Алтай Республиканыҥ Шабалин аймагынаҥ Тайченачевтердиҥ билези болды.

Кӧдӱриҥилӱ кайралдаш Кремльдиҥ Јаан ӧргӧӧзиниҥ Александровский залында ӧтти. Бу орденле јети ле оноҥ до кӧп балдарды су-кадыгы, ӱредӱзи јанынаҥ јакшы ла ак-чек эдип чыдаткан ла чыдадып турган ада-энелер темдектелет.

Владимир Путин: «Слердиҥ билелер ошкош билелердиҥ темдеги билениҥ учурын кӧдӱрип, бек айыл-јурттыҥ јаҥжыгуларын, сӱӱштиҥ, эптӱ-јӧптӱ јӱрӱмниҥ, бойыныҥ угы-тӧзине, јаандарына чындык болорын тыҥыдат. Слердиҥ ошкош билелердий, слердий улус орооныстыҥ энчизи ле оморкодузы болуп јат. Мындый билелер кӧптӧзин деп кичеенерис».

Кӧдӱриҥиде Алтай Республиканыҥ удурумга башчызы Олег Хорохордин турушты. «Павел Александровичти ле Наталья Викторовнаны акту кӱӱнимнеҥ уткыйдым! Тем алар улус бисте бар» — деп, ол темдектеди.

Тайченачевтердиҥ билези Шабалин јуртта јадат. Павел ле Наталья тогус бала чыдадат. Екатерина, Вера, Макарий ле Ефрем Тайченачевтер Шабалинниҥ Л. В. Кокышевтиҥ адыла адалган школында ӱренет. Иван, Роман ла Ярослав балдардыҥ садына јӱрет. Эки оогош балазы, Андрей ле Елена, — энезиле айылда.

Бой-бойын кичеери, јӧмӧӧри, бой-бойына бӱдип јӱрери, бой-бойы учун каруулу болоры билениҥ тӧзӧлгӧзи болуп јат. Ада-энези балдарын иштеҥкей, ӱредӱге кӱӱндӱ, эне кижини, јаан улусты, олордыҥ ижин тооп јӱрзин деп таскадат.

Э. Кудачина

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина