Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Спикерле туштажу

04.06.2019

Россия Федерацияныҥ Государственный Думазыныҥ национальностьтордыҥ керектери аайынча комитединиҥ бистиҥ республикада болгон јууныныҥ туружаачылары республикан парламенттиҥ спикери Владимир Тюлентинле туштажу ӧткӱргендер.

Бу туштажуда Госдуманыҥ комитединиҥ башкараачызы Ильдар Гильмутдинов парламентарийлер национальный политикада иштиҥ јаҥы бӱдӱмдерин табарга ченежип јадылар деп айткан. Олор  јӱзӱн башка фестивальдарды ла конкурстарды ӧткӱрерин јакшы кӧргӱлеп јат. Мында бӱткӱл ууламјылар ла јакшынак тӧзӧлгӧлӧр бар. Тӧс јердиҥ айылчызыныҥ айтканыла, јаан изӱ айда Кавказтагы республикалардыҥ бирӱзинде ороонныҥ президентиниҥ Соведи ӧдӧри темдектелип јат. Анда национальный сурактар кӧрӱлер. Оныла колбой президентке кӱнниҥ курч сурактарын талдап ла ылгап берер некелтелер туруп јат.  Комитеттиҥ ишчилери ого белетеништӱ иштер ӧткӱрип, тергеелердиҥ чыгартулу улузыла  таҥ эртедеҥ туштажулар ӧткӱрет. Госдуманыҥ комитединиҥ јааны тергеелерде ӧткӱрилип турган јуундарда национальный сурактар јанынаҥ ачыгынча айдынар аргалар болуп јат деп темдектеген.

И. Гильмутдинов Алтайды јер-телекейде эҥ агару јерлердиҥ бирӱзи деп кӧрӱп, оны тӱрк укту бастыра калыктардыҥ јебрен Тӧрӧли деп кӧрӱп турганы керегинде айткан.

Тӧс јердиҥ айылчызы Алтай Республиканыҥ парламентиниҥ председателине јылу уткуул учун јаан быйанын айткан. Оныҥ темдектегениле тургуза ӧйдӧ бистиҥ ороондо коруланарыныҥ бек куйагы тӧзӧлгӧн. Россияныҥ черӱзи јер-телекейде база тыҥ ийде-кӱчтӱ. Оныҥ учун Кӱнбадыштыҥ идеологторына национальный сурактарды ӱзе чабар деген кӱчи јетпес. Биске бар сурактардыҥ аайына јаҥыс ла ӧмӧ-јӧмӧ чыгып, нак ла бирлик болор керек. Ильдар Ирекович анайда ок бистиҥ ороондо тилдерди корулап ла чеберлеп аларына јаан ајару эдер керек деп айткан. Ол Россияда кажы ла албаты бойыныҥ тилин  билер тап-эриктӱ болор учурлу деп темдектеген.

Госдуманыҥ комитединиҥ башкараачызыныҥ шӱӱлтезиле болзо, бу суракты сыраҥай элбеде шӱӱжип кӧрӧр керек. Ол бу туштажуда Алтай Республиканыҥ депутаттарына олордыҥ комитединиҥ ишчилериниҥ бу јанынаҥ эдип турган шӱӱлтелерин јӧмӧзин деп баштанган. И. Гильмутдинов олор национальный сурактарла колбулу шӱӱлтелерди Горно-Алтайскта болотон јуунныҥ ижине чыгарып, республиканыҥ депутаттарыныҥ эрмек-куучындарын угарга белен болгоны керегинде айткан.

Алтай Республиканыҥ Эл Курултайыныҥ председатели Владимир Тюлентин дезе Госдуманыҥ комитединиҥ јуунын бастыра тӱрктердиҥ јеберен Тӧрӧли болгон тергееде ӧткӱрип јатканына оморкоп турганы керегинде угузып, оныҥ тӧзӧӧчилерине јаан быйанын айткан. Спикер бу туштажуда тергееде алтай тилди ӧскӱрериниҥ ле корулаарыныҥ сурактары депутаттардыҥ туура салбас ајарузында туруп јат деп ајарган. Депутаттар тил јанынаҥ бир канча эрмек-шӱӱлтелерди Госдумага кӧрӧрине аткарган. В. Тюлентин бу сурактарды ӧрӧлӧй турган орган јӧмӧӧр деп иженип турганы керегинде айткан. Јуунга белетеништӱ иштер ӧдӱп турган ӧйдӧ тергеениҥ ас тоолу тургун албатыларыныҥ чыгартулу улузы  Госдуманыҥ комитединиҥ  башкараачыларыла туштажар кӱӱндерин чыгара айткандар.

И. Гильмутдинов ас тоолу тургун албатылардаҥ келген угузу бичиктер комитеттиҥ јуунында кыйалтазы јогынаҥ кӧрӱлер деп бӱдӱмјилеген. Олордыҥ кезиктери анайда ок  комитеттиҥ јааныҥ ордынчызы, Тӱндӱктиҥ, Сибирьдиҥ ле Ыраак Кӱнчыгыштыҥ тургун калыктарыныҥ ассоциациязыныҥ президенти Григорий Ледковко табыштырылар. Бу јуунда Алтай Республиканыҥ Эл Курултайыныҥ комитединиҥ јааны Виктор Ромашкин айылчыларды бистиҥ тергеениҥ парламентиниҥ тӱӱкизиле таныштырган.

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина