Олимпий чемпиондорло тазыктыру

11.06.2019

Кичӱ изӱ айдыҥ 10-чы кӱнинде эртен тураныҥ 9.00 саадында Горно-Алтайск каланыҥ тӧс тепсеҥинде ле Майма јурттыҥ Юбилейный тепсеҥинде чемпиондорло зарядка ӧткӧн. Зарядканы јуучыл самболо телекейдиҥ јеҥӱчили Родион Асканаков ло спортивный самболо телекейдиҥ јеҥӱчили Виталий Уин ӧткӱрген.

Бу јакшынак керек-јаракта анайда ок ӧткӧн неделеде Алтай Республикага келген јарлу спортчылар, спорттыҥ нерелӱ устары – конекло јӱгӱрер спорттыҥ олимпий чемпионы Людмила Титова, баскетболло олимпий чемпион Ирина Минх, јеҥил атлетикала олимпий чемпион Татьяна Лебедева, биатлонло олимпий чемпион Галина Куклева, бобслейле олимпий чемпион Владимир Козлов, бобслейле олимпий ойындардыҥ мӧҥӱн призеры Алексей Селиверстов, спортчылардыҥ российский биригӱзиниҥ «Олимпий легендалар – Россияныҥ балдарына ла јашӧскӱримине» деп килемјилӱ бастырароссиялык программазыныҥ башкараачызы Наталья Боярская турушкан.

Зарядкада бастыра 200-теҥ кӧп кижи турушкан. Олордыҥ кӧп сабазы школдыҥ балдары.

Чемпиондор бир канча уур эмес физи-ческий упражнениелер кӧргӱзерде, јуулган улус олорды ӧткӧнижип, упражнениелерди эткен. Зарядканыҥ кийнинеҥ јуулган улус чемпиондорло куучындажып, фотого соктырынган. Туштажулу зарядка ӧйинде спортчылар бойлоры керегинде ле олимпий медальдарга јеҥил эмес јолында кандый уур-кӱчтерге туштап тургандары, јеҥӱлерге ак-чек ле турумкай эп-аргаларла јединери керегинде куучындагандар. Олор онойдо ок јӱрӱминдеги солун учуралдар, једимдериниҥ јажыттары керегинде база айдышкан ла сурактарга каруулар берген. Анайда ок спортивный темага учурлалган викторина ӧткӧн. Чын каруулар јандыргандар кереес сыйларла кайралдаткан.

Бу спортивный керек-јарак коррупцияла тартыжарына, эл-јон ортодо коррупционный керектерди болдыртпас кӱӱн тӧзӧӧрине учурлалганын темдектеер керек. Кичӱ изӱ айдыҥ 10-чы кӱнинде коррупцияны болдыртпазы јанынаҥ чике колбу иштеген.

К. Яшев

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина