Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Бис — россияндар!

14.06.2019

Кичӱ изӱ айдыҥ 12-чи кӱнинде Алтай Республикада, бистиҥ телкем орооныста чылап ок, Россияныҥ кӱни элбеде темдектелген. Тергеебистиҥ тӧс калазында — Горно-Алтайскта, бу байрам быјыл баштапкы ла катап тӧс тепсеҥде эмес, культураныҥ ла амыраарыныҥ паркында ӧткӧн. Амыраар кӱнде болгон јаркынду бу байрамда беш муҥнаҥ ажыра кижи турушкан деп айдар керек.

Байрам туй ла он бир саатта «Најылыктыҥ хороводы» деп адалган хореографический ойын-кӧргӱзӱле башталган. Јаркынду бу кӧргӱзӱде каланыҥ ла республиканыҥ эҥ јарлу деген ӧмӧликтери турушкан. Бијечилердиҥ ойын-кӧргӱзӱзиниҥ кийнинде национальный культуралардыҥ «Бис — россияндар!» деп адалган фестивалиниҥ кӧдӱриҥилӱ ачылтазы ӧткӧн.

Сценага Алтай Республиканыҥ башчызыныҥ, башкарузыныҥ председателиниҥ молјуларын удурумга бӱдӱрип турган Олег Хорохордин чыгып, байрамныҥ туружаачыларын ла кӧп тоолу айылчыларын Россияныҥ кӱниле уткыган. Ол бойыныҥ уткуулду сӧзинде «Туулу Алтай ийде-кӱчи бек, јаан ороонныҥ бӧлӱгиниҥ бирӱзи болуп јат. Ол Арасей тергее эки јӱс алтан јыл мынаҥ кайра бойыныҥ кӱӱниле кирип, ого эмдиге јетире чындык болуп артканча. Алтай Республика Россия Федерацияныҥ теҥ-тай тергеелериниҥ бирӱзи болуп јат» — деп темдектеген. О. Хорохордин «Бистиҥ ийдебис качан да болзо, бек најылыкта ла бирликте болгон. Бистиҥ республикада, телкем Россияда чылап ок, кӧп укту албатылар јуртап јат. Олордыҥ најылыгы чактар туркунына ченелген. Бу бирликти ле најылыкты эмди кандый да кара ийделер бузуп болбос» деп айткан.

Алтай Республиканыҥ башчызыныҥ, башкарузыныҥ председателиниҥ молјуларын удурумга бӱдӱрип турган башкараачы анайда ок республикада јуртаган национальный культуралардыҥ албатылардыҥ најылыгын ла бирлигин бириктирген јаркынду фестивали Россияныҥ кӱни темдектелип јаткан байрамда тегиндӱ ӧткӱрилбей јат деп аҥылап темдектеген.

Олег Хорохордин бу фестивальда Алтай Республиканыҥ школдорыныҥ сегизинчи ле јетинчи класстарыныҥ быјыл колдорына баштапкы ла катап Россияныҥ паспортын алган ӱренчиктерине бу докменттерди кӧдӱриҥилӱ айалгада табыштырган. Оныҥ колынаҥ паспортторды ол кӱн Майма аймакта Ыны-Оозындагы орто ӱредӱлӱ школыныҥ ӱренчиги Ирбис Майманов, Турачак аймакта Озеро-Курееводогы школдыҥ ӱренчиги Маргарита Небогина, Кош-Агаш јурттыҥ В. И. Чаптыновтыҥ адыла адалган школыныҥ ӱренчиги Карина Сандыкова, В. К. Плакастыҥ адыла адалган республикан гимназияныҥ јетинчи классыныҥ ӱренчиги Анастасия Тобошева, Горно-Алтайскта ӱчинчи таҥмалу гимназияныҥ ӱренчиги Алексей Тарасов, Майма јуртта ӱчинчи таҥмалу школдыҥ ӱренчиги Иван Усольцев ле Турачак аймакта Иогачтагы орто ӱредӱлӱ школдыҥ ӱренчиги Дмитрий Семенов алгандар. О. Хорохордин бу школдордыҥ эҥ артык ӱренчитерине анайда ок сыйлар табыштырган.

«Бис — россияндар!» деген фестивальдыҥ туружаачыларын ла айылчыларын ол кӱн анайда ок Арасей тергеениҥ эҥ јаан ла јаркынду байрамыла Алтай Республиканыҥ Эл Курултайыныҥ предсеадтелиниҥ ордынчызы Михаил Терехов уткып, олорго омок кӱӱн-санаа ла бек су-кадык кӱӱнзеген.

П. Кабар

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина