«Родники Алтая» – эҥ артык он этнобайрамдардыҥ тоозында

18.06.2019

Орус калыктыҥ албаты јайааныныҥ тергеелер ортодогы «Родники Алтая» деген фестивали Россияныҥ ачык кейде ӧткӱрген, јайгыда јорыктаган туристтер ортодо јарлу болгон он эҥ артык этнографиялык ла фольклор фестивальдарыныҥ ла байрамдарыныҥ тоозына кирген.

Бу керегинде ТурСтат деген аналитикалык агентство јайгы этно-фолк-фестивальдар аайынча ӧткӱрген ширтӱзинде јетирет.

«Родники Алтая» быјыл Алтай Республиканыҥ Кӧксуу-Оозы аймагында Катунский биосферный заповедниктиҥ јеринде кичӱ изӱ айдыҥ 27-чи кӱнинеҥ ала 30-чы кӱнине јетире ӧдӧр. Орус фольклордыҥ фестивали тергеениҥ эҥ учурлу культуралык керектериниҥ тоозына кирип јат ла Эл Ойынла солыжып, эки јылдыҥ бажында ӧдӧт. Быјыл ол Россия Федерацияда Культураныҥ јылына учурлалат.

Фестивальда Алтай Республиканыҥ санадыныҥ устарыныҥ ла ӧскӧ тергеелердиҥ айылчыларыныҥ ойын-кӧргӱзӱлери, албатыныҥ спорт ойындары ла маргаандары, орус горница-туралардыҥ, гармонисттердиҥ ле частушка кожоҥдоочылардыҥ, орус албатыныҥ чӧрчӧктӧри аайынча тургузылган ойындардыҥ кӧрӱ-маргаандары, албаты устарыныҥ мастер-класстары ла кӧп ӧскӧ дӧ солун ла јилбилӱ сооттор айылчыларды сакыйт. Анайда ок кӱӱнзеген улус Ӱстиги-Оймон јуртта Николай Рерихтиҥ музейине барып келер аргалу.

Россияда этнотуризм ороон ичиндеги туризмниҥ эҥ јарлу ууламјыларыныҥ бирӱзи болгонын ТурСтат јетирет. Кандый бир керекке учурлалган эҥ јарлу он байрамдардыҥ тоозына анайда ок Красноярский крайдыҥ Шушенское јуртында ӧткӧн «МИР Сибири» деген фестиваль, Челябинский областьта ӧткӧн Бажовский ле Бушуевский фестивальдар, Московский областьта «Зарайская слобода», Вологодский областьтыҥ «Прокопьевский ярмарказы», Владимирский областьтыҥ Муром калазында ӧткӧн «День семьи, любви и верности», Бурятияда ӧткӧн «Голос кочевников», Рязанский областьтыҥ «Слава Добрыни» ле Великий Новгородтыҥ «Новгородское Купалье» деген байрамдар кирген.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым