Албаты-јонло эрмек-куучын болгон

25.06.2019

РФ-тыҥ Госдумазыныҥ депутады, «Кичӱ Тӧрӧлдиҥ культуразы» деген партӱлекердиҥ координаторы Иван Белеков бу јуукта Шабалин аймактыҥ бир канча јурттарында болуп, албаты-јонло тушташкан.

Парламентарийле туштажулар Ӱстиги-Апшыйакту, Камлак, Шабалин јурттарда ӧткӧн. Туштажулар ӧйинде «Јурт јерлердиҥ текшилей ӧзӱми» деген госпрограмма аайынча шӱӱлтелер шӱӱжилип кӧрӱлген. Јурт јерлерди јӧмӧӧри аайынча бу федерал программа беш јылдыҥ туркунына иштеер, анда темдектелген иш-керектерди бӱдӱрерине государство 2 трлн салковойдоҥ кӧп акча чыгарар.

Депутаттарга, јербойындагы администрациялардыҥ ла јондык биригӱлердиҥ чыгартулу улузына баштанып тура, Иван Белеков јаҥы госпрограмманы бӱдӱрери Алтай Республикага аҥылу учурлу болгонын айткан. «Алтай Республиканыҥ албаты-јоныныҥ 70 проценттеҥ кӧбизи јурт јерде јадат. Јурттыҥ јонјӱрӱмдик ӧзӱмиле колбулу сурактар биске јаан учурлу. Улус иштеер јерлер, јолдордыҥ айалгалары, јонјӱрӱмдик учурлу объекттер тудары, инфраструктураны ӧскӱрери јанынаҥ сурактар ол госпрограммала колбулу» — деп, депутат темдектеген. Оныҥ айтканыла, аймактар бойыныҥ шӱӱлтелерин белетеер ле текши иште эрчимдӱ туружар учурлу. Јурттыҥ јадын-јӱрӱмине јарамыкту кубулталар экелетен ӱлекерлер јӧмӧлтӧ аларын аҥылаган.

Ишмекчи јол-јорыгы ӧйинде депутат Ада-Тӧрӧл учун Улу јууга учурлалган мемориалда болгон. Улустыҥ јууныҥ туружаачыларына учурлалган кереестерди Улу Јеҥӱниҥ 75 јылдыгыныҥ алдында јазап салары јанынаҥ баштануларын иштеерине алган.

«Кичӱ Тӧрӧлдиҥ культуразы» деген партӱлекердиҥ координаторы болуп тура, Иван Белеков јурттардыҥ клубтарында болгон, олордыҥ материально-техникалык јеткилдежин шиҥдеп кӧргӧн. Ол јеткилдеш ӧрӧ адалган ӱлекер аайынча тӧзӧлгӧнин темдектеер керек. 2017-2018 јылдарда јаҥы јазалдарды Шабалиндеги, Чаргыдагы, Беш-Ӧзӧктӧги, Камлактагы ДК-лар алган.

Депутат Камлактагы ла Ӱстиги-Апшыйактудагы школдордыҥ тудулып јаткан тураларында болгон. Анайда ок Шабалиндеги спортплощадкала колбулу тудум иштердиҥ аайын кӧргӧн, мындагы иш «Городская среда» деген партӱлекер аайынча ӧдӧт.

Госдуманыҥ депутады И. Белековтыҥ пресс-службазы

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.