Јолдорды јазазын деп јакылта берген

25.06.2019

Тергеениҥ Алтай Республиканыҥ башчызыныҥ молјуларын удурумга бӱдӱреечи Олег Хорохордин Горно-Алтайсктыҥ Байат микрорайонында болуп, андагы јолдордыҥ айалгазын шиҥдеп кӧрӧлӧ, олорды јазаары јанынаҥ јакылта берген.

Оныҥ темдектегениле, бу микрорайондо јадып турган албаты-јонноҥ ол јолдордыҥ айалгазы јанынаҥ кӧп комыдалдар келет, анчада ла Маргеловтыҥ, Афганецтердиҥ, Кировтыҥ оромдоры аайынча. Мынаҥ озо ӧйдӧ таҥынаҥ туштажу болордо, Афганецтердиҥ оромында јадып турган Ирина Собянина тергеениҥ удурумга башчызына ол јолдорло колбулу курч сурактыҥ аайына чыгарына јӧмӧлтӧ этсин деп баштанган болгон.

«Бу микрорайондогы јолдорло колбулу курч сурак канча јылдардыҥ туркунына турат. Бис јазайтан бастыра јолдорды нацӱлекерге бир ле уунда кийдирип болбозыс, је курч сурактардыҥ аайына тӱрген чыгарга чырмайадыс. Быјыл Социалистический оромноҥ Чаптыновтыҥ оромына јетире јол јазалар, ого асфальт салылар. Келер јылда нацӱлекер аайынча Кировтыҥ ла Чкаловтыҥ оромдорына асфальт салылар, тротуарлар јазалар. Афганецтердиҥ оромы тургуза ӧйдӧ нацӱлекердиҥ резервинде. Саду-аукцион ӧйинде акча кымакайлап алылза, ол акча бу оромдо јолды јазаарына ууландырылар. Быјыл јӱк ле ээчиде јеткилдеш ӧткӱрери планга кийдирилген» — деп, тергеениҥ удурумга башчызы айткан.

Олег Хорохордин кышкыда јолдо тожоҥ ло аварийный айалгалар болбозын деп, Минтергееге каланыҥ администрациязыла кожо јолдорло суу агарыла колбулу сурактардыҥ аайына чыксын деген јакылта берген.

Горно-Алтайсктыҥ администрациязыныҥ јааны Ольга Сафронованыҥ јартаганыла, былтыр Афганецтердиҥ оромында суу агар бетон лотоктор салылган, је олордоҥ јаан ла туза болбогон, нениҥ учун дезе олор јердиҥ алдында суу кӧдӱрилгениле колбулу айалгага кандый да камаанын јетирбейт. Быјыл јолго кумак, таш тӧгӧри планга кийдирилген.

Каланыҥ депутаттарыныҥ Совединиҥ кичӱ изӱ айдыҥ 27-чи кӱнинде ӧдӧтӧн сессиязында каланыҥ бюджедине келген ӱзеери кирелте акчаны республиканыҥ тӧс калазыныҥ јаҥы микрорайондорындагы јолдорды јазаарына ууландырар деген суракты шӱӱжип кӧрӧр. Ол тоодо Маргеловтыҥ, Карамаевтиҥ, Никулинниҥ, Терешкованыҥ, Гагаринниҥ ле ӧскӧ дӧ оромдордогы јолдорго.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина