Горно-Алтайск-Кош-Агаш: ченелтелӱ авиаучуш

28.06.2019

Кичӱ изӱ айдыҥ 26-чы кӱнинде «Сибирьдеги јеҥил авиация» («СиЛА») авиакомпания L-410 самолетло Горно-Алтайсктаҥ Кош-Агашка јетире ле кайра баштапкы технический ченелтелӱ авиаучушты бӱдӱрген.

Самолет Горно-Алтайсктыҥ аэропортынаҥ 19.00 саатта учуп чыккан, учуштыҥ ӧйи 1 саат болгон. Кайра јолго ол 20.50 саатта учуп чыккан.

Авиаучушты «СиЛА» авиакомпанияныҥ генеральный директорыныҥ баштапкы ордынчызы А. Гениевский башкарган. Ол самолеттор учуп-отурар јол-полосаныҥ айалгазы јакшы, је инфраструктураны јаҥыртары керек болгонын айтты.

«Туристтер де, јербойында јаткандар да Горно-Алтайсктаҥ Кош-Агашка 9 сааттыҥ туркунына једет. Алдында бери самолеттор учуп туратан. Бӱгӱнги авиарейстиҥ кийнинде јолдыҥ картазы белетелер. Ондо Кош-Агаштагы аэропорт кӧнӱ иштеп баштаарына керектӱ керек-јарактар бичилер. Соҥында чартер ле јаантайынгы авиарейстердиҥ ачылар ӧйи аайынча јетирӱ эдилер»— деп, Алтай Республиканыҥ удурумга башчызы Олег Хорохордин айтты.

«СиЛА» авиакомпанияныҥ јааныныҥ авиационный јеткер болдыртпазы аайынча ордынчызы М. Богданов полосаныҥ узуны 1150 метр деп айтты. Кош-Агаштагы аэропорт кырларда турган аэропорт болот, бийиги талайдыҥ кеминеҥ 2 муҥ метрге бийик. Мындый айалгалар оогош самолетторго кӱч. «Бу учуштаҥ кӧргӧндӧ, мынаҥ ары бу ууламјыла рейстерди бӱдӱрер аргабыс бар. Рейсти субсидияла јӧмӧзӧ, оныҥ баазы јеҥил, эл-јонго эптӱ болор» — деп, ол чокымдады.

О. Хорохордин республикада авиацияныҥ ӧзӱми керегинде айдып тура, Москва јаар ууламјыла «Победа» деп авиакомпанияныҥ самолетторы база учуп баштаары керегинде угускан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина