Ороондогы јолдорго ајару јаан

28.06.2019

АР-дыҥ удурумга башчызы Олег Хорохордин РФ-тыҥ Госсовединиҥ автојолдордыҥ сурактары аайынча јуунында турушкан.

Кичӱ изӱ айдыҥ 26-чы кӱнинде Алтай Республиканыҥ удурумга башчызы Олег Хорохордин РФ-тыҥ государственный совединиҥ Россияныҥ президенти Владимир Путин башкарган јуунында турушкан. Јуун текши тузаланар автојолдордыҥ ла јолдордо јеткер болдыртпазыныҥ сурактарына учурлалган.

Анда јолдор тудар, јазаар ла олорды арутаар иштердиҥ чыҥдыйын бийиктедерине, јолдордо јорыкташы тӧзӧӧр иштерди јарандырарына ууламјылалган эп-аргалар кӧрӱлген.

Јуунды ачып тура, Владимир Путин ороондо чыҥдыйы бийик јолдор андый ла кӧп эмес деген. Федерал учурлу јолдор аайынча айалга јакшы болзо, тергеелик учурлу јолдордыҥ чыҥдыйы уйан болуп артканча.

«Јол ээлемде системный кубулталарга једерге, кажы ла тергееге јуук ӧйдӧ бойыныҥ программазын, декларативный эмес, бӱдӱрип ийгедий ле 2024 јылга јетире деп чотолгон, белетеер керек. Мынызы јол тудаачыларга ижин узак јылдарга чокымдап темдектеер, баалу техниканы озолондыра садып алар, тудум материалдарды резервировать эдер, керектӱ специалисттер ле јаҥы технологиялар иштедер арга берер» — деп, Владимир Путин темдектеген.

Ол јаҥы јолдор тӧзӧӧриниҥ программаларында государственно-таҥынаҥ партнерствоныҥ тӧзӧлгӧзине тайанган ӱлекерлерди јӱрӱмде бӱдӱрерин кӧрӧр, јӱрӱмге керектӱ јӧптӧжӱ-контракттарды јӧмӧӧр керек деген. Президент административный буудактарды астадары керектӱ болгонын аҥылап темдектеген. Олор јӱзӱн-башка јаҥыртуларды јӱрӱмге кийдирерине качалаҥын јетирет.

Јаан учурлу сурак јолдордо јеткер болдыртпазыныҥ сурагы. Јолдордо јеткер болбозы кӧп сабада јолдордыҥ чыҥдыйынаҥ, ол тоодо олор караҥуй ӧйдӧ канайда јарыдылганынаҥ база камаанду болгонын президент айткан. Бу ок ӧйдӧ ДТП-ларды болдыртпазы – тӧс амаду деп темдектеген. Јартамал иштерди албаты-јон ортодо јаантайын ӧткӱрер керек, ол тоодо чыдап јаткан јаш ӱйе ортодо.

Алтай Республикада јӱк ле 2019 јылда нацӱлекер аайынча текши узуны 60 километр кире 26 объектте иштер ӧдӧри темдектелген. Иштердиҥ чыҥдыйын, јолдор тударына чыгарылып турган акча-манат канайда чыгымдалып турганын удурумга башчы Олег Хорохордин таҥынаҥ бойы шиҥжӱде тудат.

Ӱлекер-проект тергеелердиҥ алдына јаан амаду тургузат – 2024 јылга јетире тергеелик јолдордыҥ нормативный айалгазын 50 процентке ле агломерациялардыҥ јолдорын 85 процентке јетирери. Анайда ок јолдордо ӧйинеҥ ӧткӱре кӧп кӧлӱктер јорыктап турган јерлердиҥ тоозын 10 процентке ле јолдордо болуп турган ӧлӱмдердиҥ тоозын 3,5 катапка астадары јанынаҥ амаду тургузылган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина