Тергеениҥ ӧзӱми аайынча шӱӱлтелерди јуур

28.06.2019

Алтай Республиканыҥ удурумга башчызы Олег Хорохордин АР-дыҥ Ӧзӱмниҥ тӧс јериниҥ эксперттериле ӧткӧн туштажу ӧйинде тергеениҥ курч сурактарыныҥ аайына чыгары јанынаҥ тӧс ууламјылар шӱӱжилген.

Туштажуда ӧрӧ адалган тӧс јердиҥ эксперттери турушкан — Федерацияныҥ Совединиҥ турчызы Татьяна Гигель, АР-дыҥ башчызында госоркестрдиҥ художественный башкараачызы Владимир Кончев, АР-дыҥ башкарузыныҥ баштапкы председатели Владимир Петров, Эл Курултайдыҥ депутады Геннадий Сумин, ол тӧс јердиҥ координаторы Айдар Мызин, «Јеҥӱниҥ волонтерлоры» деген тергеелик бӧлӱктиҥ башкараачызы Вадим Фефелов ло о. ӧ.

«Алтай Республиканыҥ Ӧзӱмниҥ тӧс јериниҥ ижин бир ай кайра баштаганыс. Организацияныҥ тӧс амадузы — эл-јонныҥ шӱӱлтелерин ајаруга алып, тергеениҥ ӧзӱминиҥ јаҥыртылган стратегиязын тӧзӧӧри, эҥ тӧс иштерди ле ууламјыларды ӧмӧ-јӧмӧ чокымдаары. Оныҥ да учун бис ӧзӱмниҥ јаҥы командазын тӧзӧӧри аайынча ӱлекерди јӱрӱмде бӱдӱрип баштаганыс, башкараачы кадрлардыҥ резервин тӧзӧӧри јанынаҥ конкурс јарлаганыс, јаҥныҥ јаҥы, ачык-јарык политиказын ӧткӱредис» — деп, тергеениҥ удурумга башчызы айткан.

Олег Хорохординниҥ айтканыла, тергеениҥ курч сурактарын аайлаштырары јанынаҥ иш ӧткӱрилген, темдектезе, республиканыҥ транспортный инфраструктуразын ӧскӱрери јанынаҥ. «Артыбаш-Турачак» деген јолды федерал ар-јӧӧжӧгӧ табыштырары јанынаҥ шӱӱлте эдилген, Россияныҥ транспорт аайынча министри Евгений Дитрихле Казахстан јаар јолды јаҥырта јазаары јанынаҥ куучын-эрмек ӧткӧн.

Тергеениҥ удурумга башкараачызыныҥ угусканыла, јаан изӱ айдыҥ 16-чы кӱнинеҥ ала «Горно-Алтайск-Москва» деген маршрутта экинчи авиаперевозчик иштеп баштаар, эл-јонго амыр бербей турган кату бытовой таштанчыларла колбулу курч сурактарды аайлаштырары ичкери јылган, Алтын-Кӧлди јараттай јерлерди јарандырары аайынча программаныҥ ижи тӱргендедилген. Тургуза ӧйдӧ «Су-кадык» деген автопоездтиҥ ӱлекери јанынаҥ иштер чокымдалат. Эл-јонныҥ комыдалдарына ајару эдери јанынаҥ соцсетьтерде кеми јаан иш ӧдӧт. «Текши алза, тӧс курч сурактар, когыс јерлер чокымдалып калган, олорды аайлаштырары јанынаҥ системный иш башталган» — деп, Олег Хорохордин айткан.

Тергеедеги бар курч сурактарды толо кеминде кӧрӧргӧ, тергеениҥ удурумга башчызы текшиалбатылык шиҥжӱ-опрос ӧткӱрери јанынаҥ шӱӱлте айткан. Бу керекте анчада ла медицинаныҥ бӧлӱгиниҥ, фермерлердиҥ, ӱредӱчилердиҥ, аргачылардыҥ, ол тоодо туризмниҥ бӧлӱгинде, јашӧскӱримниҥ ле культураныҥ ишчилериниҥ шӱӱлтезине иженип турганын ол угускан.

Ӧзӱмниҥ тӧс јериниҥ ижинде туружып тургандардыҥ, эл-јонныҥ шӱӱлтелерин јууп турган улустыҥ, дискуссионный площадкалардыҥ јуундарын тӧзӧӧчилердиҥ бастыразына быйан айткан.

Олег Хорохордин конкурстыҥ кичӱ изӱ айдыҥ 21-чи кӱнинде тӱгенген баштапкы бӧлӱгиниҥ уч-турултазын јарлаган. Конкурска бастыра 1100 угузу бичик келген болгон. Олорды эксперттер јуук ӧйдӧ кӧрӧр лӧ конкурстыҥ экинчи бӧлӱгиниҥ туружаачыларыныҥ тооломы белетелер. АР-дыҥ кадровый резервине государственный ла муниципал башкартуга јаҥы шӱӱлтелер, ченемел ле јаҥы кӧрӱм экелерге турган улус кирер.

«Тӧс јердиҥ ижине јилбӱӱ јаан, республиканыҥ кӧп тоолу улузын ол јилбиркедет. Бой-бойыныҥ шӱӱлтелерин угужары кезикте андый ла јып-јымжак ӧтпӧйт, удурлаштар да болгон. Је онызы андый ла болор керек. Текши алза, кеми јаан иш ӧткӱрилген, је эдетени де кӧп арткан» — деп, Олег Хорохордин темдектеген.

Тергеениҥ удурумга башкараачызы Тӧс јердиҥ ижинде акту бойы турушканын темдектеер керек. Јондыктыҥ, профессионал биригӱлердиҥ, аймактардыҥ эл-јоныныҥ чыгартулу улузыла туштажуларда айдылган шӱӱлтелерди Ӧзӱмниҥ тӧс јерине јетирер, тергеениҥ ӧзӱминиҥ 2024 јылга јетире стратегиязын тӧзӧӧр тушта ајаруга алзын деп айткан.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина