Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Удурумга башчы Кӧксуу-Оозы аймакта болгон

02.07.2019

Алтай Республиканыҥ башчызыныҥ молјуларын удурумга бӱдӱреечи Олег Хорохордин Кӧксуу-Оозы аймакта јол-јорыкта бололо, јонјӱрӱмдик сурактарла колбулу керек-јарактарда турушкан.

Ајаруда — јонјӱрӱмдик сурактар

Тергеениҥ удурумга башчызы Олег Хорохордин Кӧксуу-Оозында ӧткӧн «Алтайдыҥ аржандары» деген фестивальда бололо, аймактыҥ тураныҥ сертификаттарын алган билелериле туштажу ӧткӱрген.

2020 јылга јетире иштеер «Јурт јерлердиҥ турумкай ӧзӱми» деген программа аайынча тӧлӧмир акчаны быјыл јербойында јети биле алган.

«Сертификаттарды кӧп балдарлу билелер алганы сӱӱнчилӱ. Ол билелердиҥ улузы эмчилер, таскадаачылар, ӱредӱчилер, фермерлер, ишмекчилер болуп иштейт. Бу улус туралар тудуп, мында ла иштеп, Кӧксуу-Оозы аймактыҥ, анайда ок Алтай Республиканыҥ ӧзӱмине камаанын јетиреринде алаҥзу јок» — деп, тергеениҥ удурумга башчызы ол билелерле туштажу ӧйинде айткан.

Бистиҥ республика бу программа аайынча акчаны јылдыҥ сайын алат. Ол акча газификацияга, сууӧткӱштер тударына, медицинаныҥ учреждениелерине, культураныҥ јурт јердеги тураларына, улустыҥ баштаҥкайларын јӧмӧӧрине ууландырылат.

«Акчаны јурт јерде јаткан улустыҥ јадар айалгаларын јарандырарына јылдыҥ сайын ууландырары баштапкы јерде турат. Субсидиялар берериниҥ амадузы — јурт јерде јиит специалисттер, ӧскӧ дӧ керектӱ профессионалдар иштеерин, олорго јадын-јӱрӱмге јарамыкту айалгалар тӧзӧӧрин јеткилдеери. Бу иш-амадуны јӱрӱмде бис эмештеҥ бӱдӱрип јадыс деп иженедим» — деп, Олег Хорохордин туштажу ӧйинде айткан.

Техникумды божоткондорго дипломдор

Оноҥ Олег Леонидович отраслевой технологиялардыҥ Кӧксуу-Оозындагы техникумында болгон. Ол техникумды ӱренип божоткондорды ӱредӱзи тӱгенгениле уткуп, олорго дипломдор табыштырган.

«Мениҥ кызым дипломын эртен корулаар. Мен оныҥ ижин кычыргам ла ол оны једимдӱ корыырына иженип турум. Бӱгӱн бери келген ле дипломдорды табыштырарында туружып јаткан ада-энелердиҥ кӱӱн-санаазын јакшы оҥдоп јадым. Слердиҥ салымыгар келер ӧйдӧ кандый болорын озолодо билер арга јок, кӱндӱлӱ выпускниктер. Је бу кӱнди слер бастыра јӱрӱмигерде ундыбазыгар јарт» — деп, удурумга башчы айткан.

Оныҥ темдектегениле, бу техникумныҥ выпускниктери — јурт ээлемниҥ јиит профессионалдары. Бу бӧлӱк Алтай Республикада тӧс бӧлӱк болуп јат, ол мынаҥ да ары ӧзӱм алынар ла јаранар. Бӧлӱктиҥ једимдӱ ӧзӱминиҥ тӧзӧлгӧлӧриниҥ бирӱзи кадрларды белетеерин тыҥыдарынаҥ база камаанду, ӱредӱзин божоткондор бӧлӱкке керектӱ болор деген.

«Кӱндӱлӱ најылар, слер эҥ ле јараш деген јерде јадып јадыгар — Алтай Республикада. Слердеҥ, јайалталу ла баштаҥкайлу улустаҥ, ол оноҥ ары канай ӧзӧри камаанду. Бистиҥ тергее оноҥ једимдӱ ӧзӱм алынзын деп, бастырабыс ӧмӧ-јӧмӧ иштейли» — деп, Олег Хорохордин айткан.

Тергеениҥ удурумга башчызы техникумды ӱренип божоткон 35 кижиге дипломдор табыштырган. Олег Хорохордин јиит улуска једимдер ле бойыныҥ арга-кӱчине ижениш, јилбилӱ јадын-јӱрӱм, амадулары јӱрӱмде бӱдерин кӱӱнзеген.

Отраслевой технологиялардыҥ Кӧксуу-Оозындагы техникумы 1995 јылдыҥ чаган айында тӧзӧлгӧн. Мында ӱренип тургандар јурт ээлемниҥ механизациязыныҥ, документтерле јеткилдеш ле архивоведение аайынча специальностьтор алат. Анайда ок мында казанчы-кондитерлерди ле тракторист-машинисттерди белетейт. Тургуза ӧйдӧ бу техникумда 297 кижи ӱренет.

АР-дыҥ башкарузыныҥ пресс-службазы

ТОП

Конституция Российской Федерации

Принята всенародным голосованием 12 декабря 1993 года Конституция Российской Федерации с изменениями, одобренными в ходе общероссийского голосования 1 июля 2020 года

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти.