Пазырык: озогы ӧйдӧҥ бӱгӱнге јетире

12.07.2019

Пазырыктыҥ телекейлик јарлу корумдарын корыырына ла чебер тузаланарына учурлалган ӱлекерле таныштыру, анайда ок билим семинар јаан изӱ айдыҥ 5-чи кӱнинде Улаган аймакта ӧткӧн.

Телеҥиттердиҥ «Кӱн» деген биригӱзиниҥ Президенттиҥ гранттарыныҥ кӧмзӧзиниҥ јӧмӧлтӧзин алган «Музеефикация и популяризация царских курганов Пазырыка» деген ӱлекерин јӱрӱмде бӱдӱреринде Горно-Алтайсктагы госуниверситет, Государстволык Эрмитаж, «Ак Чолушпа парк», Алтай Республиканыҥ кеендик ле јайаан ишчилери туружат.

Пазырыктыҥ баштапкы корумын касканыныҥ 90 јылдыгына учурлалган јуунда Государстволык Эрмитажта Пазырыктыҥ коллекциязыныҥ коручылы Елена Степанова, РФ-тыҥ Государстволык Думазыныҥ депутады Иван Белеков, ГАГУ-ныҥ баш билим ишчизи, тӱӱки билимдердиҥ кандидады Никита Константинов, ЮНЕСКО-ныҥ керектери аайынча камыстыҥ Алтай Республикадагы комитединиҥ качызы, филология билимдердиҥ докторы Тамара Садалова, ӱлекердиҥ башкараачызы Алена Маикова ла о. ӧ. улус јетирӱлер эткен.

Казылган корумдарда тургуза ӧйдӧ билим ле орныктыру иштер, корумдар јаткан јерди јазаар иштер ӧдӧт. Олордо Улаган ла Балыктујул јурттардыҥ улузы, ӧскӧ тергеелердеҥ бойыныҥ кӱӱниле иштеп келген билимчилер туружат. Пазырыктыҥ корумдарынаҥ чыккан, эмди Государстволык Эрмитажта корыган эдимдердиҥ Айдана Тадыкина, Айсула Такина, Аржан Кухаев, Владимир Моносов, Валентина Саксаева, Ольга Саватова, Кару Ортонулов ло АР-дыҥ ӧскӧ дӧ јарлу устары эткен копиялары кӧрӱге чыгарылган ла билимчилер олорды бийик баалаган.

Светлана КЫДЫЕВА

(Пазырыктыҥ корумдарында эмдиги ӧйдӧ ӧткӧн иштер керегинде элбеде бичимелди газеттиҥ ээчий номеринеҥ кычырыгар).

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина