Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ајаруда — искусствоныҥ школдоры

16.07.2019

 

АР-дыҥ удурумга башчызы Олег Хорохордин тергеениҥ балдарыныҥ искусствозыныҥ школдорыныҥ ижиле колбулу сурактар аайынча јуун ӧткӱрген.

Ол јуунды ачып тура, тергееде искусствоныҥ ла кӱӱниҥ балдардыҥ 15 школы барын эзеткен. Республиканыҥ кажы ла онынчы ӱренчиги ӱзеери художественный эмезе кӱӱлик ӱредӱ алат.

Федерал јасакберимле болзо, 2019 јылдыҥ сыгын айыныҥ 1-кы кӱнинеҥ ала ӱзеери ӱредӱликти акча-манатла јеткилдеериниҥ персонифицированный модели тузаланылып башталар. Бу јаҥырту ӱредӱликтиҥ, культураныҥ ла спорттыҥ учреждениелерине келижет. Бала кайда јатканынаҥ, оныҥ социальный статузы ле билезиниҥ кирелтезиниҥ кеми канча кире болгонынаҥ камаан јогынаҥ, ол кажы ла баланы чыҥдый ӱзеери ӱредӱле јеткилдеер амадула ӧткӱрилет. Мындый јаҥы модель балдарга бюджеттиҥ акчазыныҥ шылтузында кандый ла организацияда, ол тоодо таҥынаҥ да организацияда акча тӧлӧбӧзинеҥ ӱренер арга берер учурлу.

«Амаду јакшы, је ол јӱрӱмде канайда бӱдерин бис тургуза ӧйдӧ билбезис. Балдардыҥ искусствозыныҥ школдорыныҥ ишчилери бу јанынаҥ чочып турганын оҥдоп јадым. Бу модель 2017 јылдаҥ бери тузаланылып башталган пилотный деген тергеелерде ӧткӱрилген шиҥжӱлерле болзо, ада-энелердиҥ ле педагогтордыҥ кӧп сабазына ол јарап јат» — деп, Олег Хорохордин айткан.

Јаҥы методика кажы ла балага ол талдап алып јаткан ӱзеери ӱредӱ учун тӧлӧйтӧн акчаныҥ кеми канча кире болорын чокымдайт. Бу схема «Ӱредӱ» деген нацӱлекердиҥ кеминде кийдирилер. Быјыл Алтай Республиканыҥ 5-18 јашту бастыра балдарыныҥ 25 проценти кирезиниҥ тӧлӧмирлери бу јаҥырту аайынча ӧдӧри темдектелген.

Тергеениҥ культура аайынча министри Ольга Антарадонованыҥ темдектегениле, балдардыҥ искусствозыныҥ школдоры јаҥы системага 2020 јылдыҥ чаган айынаҥ ала бӧлӱктей кӧчӧр. Нацӱлекер ӱзеери ӱредӱ алып јаткан балдардыҥ тоозын 2,5 катапка кӧптӧдӧрин темдектейт.

«Бис ӱзеери ӱредӱге канча кире балдарды тартып алары керектӱзин, канча кире акча-манат јетпей турганын чокымдап, оноҥ федерал тӧс јерге баштанар учурлу. Ӱзеери ӱредӱниҥ чыҥдыйы бир де кичинек јабызабас керек» — деп, О. Хорохордин айткан.

Јуунныҥ учында балдардыҥ искусствозыныҥ ла кӱӱниҥ школдорыныҥ директорлорына «Михаил Глинка» деген пианиного сертификаттар берилген. Олорды балдардыҥ Горно-Алтайсктагы 1-кы ла 2-чи таҥмаларлу кӱӱлик школдоры, анайда ок бастыра аймактардыҥ тӧс јурттарында балдардыҥ искусствозыныҥ школдоры ла Акташтагы балдардыҥ кӱӱлик школы алган.

«Алтай Республика јайаандык улузыла бай, оныҥ да учун јайалталарды јаштаҥ ала ӧскӱрер керек. Јылдыҥ ла республиканыҥ кӱӱлик телекейинде јаҥы јаркынду јылдыстар чагылат. Бистиҥ балдардыҥ ансамбльдары, јиит вокалисттер албатылар ортодогы конкурстарда ла фестивальдарда призерлор ло лауреаттар болот. Чын, быжу школ-ӱредӱ ле јайалталу педагогтор јогынаҥ андый једимдер де болбос эди» — деп, удурумга башчы айткан.

Санкт-Петербургтыҥ «Невада-Саунд» деген фирмазы  эдип чыгарган «Михаил Глинка» деп атту јаҥы 13 пианино ӧрӧ адалган школдорго Россия Федерацияныҥ башкарузыныҥ јакаанын бӱдӱрерге табыштырылган.

АР-дыҥ башкарузыныҥ пресс-службазы 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина