Тергеениҥ электросетьтериниҥ ӧзӱми шӱӱжилген

23.07.2019

Алтай Республиканыҥ башчызыныҥ молјуларын удурумга бӱдӱреечи Олег Хорохордин «Россети Сибирь» компанияныҥ генеральный директоры Павел Акилинле ишмекчи туштажу ӧткӱрген.

Туштажуда олор Туулу Алтайдыҥ электросетевой комплексиниҥ ӧзӱмин, инвестициялык ӱлекерлерди, электросетевой ээлемниҥ ремонтыныҥ кемин шӱӱшкендер. Туштажуныҥ јаан деген сурактарыныҥ бирӱзи – ол Алтай Республикадагы электроийдениҥ ороондо эҥ бийик тарифтериниҥ аайына чыгары болгон.

«Россети Сибири» – ол Алтай Республиканыҥ јерин электроийделе јеткилдеп турган тӧс компаниялардыҥ бирӱзи. Компания тергеениҥ сетьтериниҥ ӧзӱмине, энергетиканыҥ объекттериниҥ цифровизациязына, јаҥыртуларына, эл-јонды озочыл технологияла јеткилдеерине јаан инвестициялык акча-манат берип јат. Јӱк ле быјыл «Паспаул», «Чопош», «Новотроицк» деп 10 кВ ӱч линия јаҥыртылган, ого текши тооло 41,28 млн салковой акча барган.

«Чамал ла Чой амйактардыҥ сегис јуртыныҥ эл-јоны алдындазынаҥ быжу электројеткилдештӱ болор. Оныла коштой 2019 јылдыҥ баштапкы јарымында компания эл-јонды сетьтерге колбоорго электропередачаныҥ 75 км линиязын туткан, онызы бийик тоо. Бӱгӱн бис кӧрӱп јадыс – бистиҥ тергееде электрический сетьтер эрчимдӱ ӧзӱм алынат» — деп, Олег Хорохордин айткан.

Павел Акилинниҥ јартаганыла, Алтай Республиканыҥ јеринде электросетьтерди ӧткӱрериниҥ аҥылузы – туйук линиялардыҥ кӧп болгонында, олордыҥ кӧбизиниҥ напряжениези – 110 Кв. Оныла коштой, системалар ортодо колбулар учына јетире аайлалбаган, айдарда, линиялардыҥ кезиги ӱрелгенде, кӧп јерлер от јок артат.

«Ондый да болзо, бис бойыстыҥ јаныстаҥ электроотло јеткилдештиҥ чыҥдыйын бийиктедерге ончо аргаларысла иштейдис. Тургуза ӧйдӧ сетьтерди кышкы ӧйгӧ белетейдис, бастыра иштер планла ӧткӱрилет. Цифровизацияла ишти улалтадыс, быјыл чотко аларыныҥ интеллектуальный јепселдерин аларга 100 млн салковой чыгымдадыс. Онызы јылыйтулардыҥ кемин астадар ла турултаны бйиктедер арга берет» деп, «Россети Сибирь» компанияныҥ генеральный директоры темдектеген.

Туштажуда электроийдениҥ юридический де, физический де лицолорго бийик тарифтери керегинде сурак база ајаруда болгон.

«Бис экономический де, юридический де јанынаҥ тарифтерди јабызадарыныҥ јолдорын шӱӱштис. Айса болзо, јуук ӧйдӧ бу айалгадаҥ чыгар арга табылар болор. Бу суракла иштеерис» — деп, Олег Хорохордин туштажуныҥ турултазын айдып тура темдектеген.

Компанияныҥ 2019 јылда Алтай Республиканыҥ электросетевой ээлемин ӧскӱрерине чыгымдаган акча-манадыныҥ текши кеми 600 млн салковойды ашкан. Инвестиционный программала физический ле юридический лицолорды технологиялык колбооры ӧдӧт. 2019 јылдыҥ јӱк баштапкы јарымында электропередачаныҥ јаҥы линияларын тударын керексип, угузу берген 426 лицо колболгон.

«Электросетьтердиҥ цифровой районы (РЭС)» деп пилотный ӱлекерди бӱдӱрери улалат, быјыл ӱзеери јепселдер – реклоузерлер алылган. Олор ӱрелген јерди бастыра электрообъектти ӧчӱрбезинеҥ јазаар арга берер. Майма аймакта ӱлекерди бӱдӱрери былтыр башталган, цифровой јепселдиҥ иштеген ӧйинде электропередачаныҥ линияларында ӧчӱриштер 2,5 катапка астаган – ӧткӧн јылдыҥ бу ок ӧйинде ай-кӱнниҥ коомой айалгазынаҥ ондый 58 учурал болгон болзо, быјыл ол тоо 22-ге тӱшкен.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина