А. Новак: «Јажыл» энергетикага јӧмӧжӧрис

30.07.2019

Ӧткӧн кӱндерде Алтай Республикага ишмекчи јол-јорыгыла Россияныҥ энергетиказыныҥ министри Алексей Новак келип јӱрди.

Јирме јылдыҥ туркунына энергетиканыҥ министри тергеебиске баштапкы катап келгенин темдектеер керек. А. Новак Федеральный штабтыҥ Сибирь федерал округтыҥ јеткер болбозынаҥ электројеткилдеш аайынча штабтарыныҥ јуунын ӧткӱрди. Ондо Сибирьдеги электројеткилдештиҥ субъекттерин ле ЖКХ-ныҥ объекттерин 2019-2020 јылдарда одыру ӧйине белетеери кӧрӱлди.

Јуунда АР-дыҥ удурумга башчызы Олег Хорохордин турушты. Россияныҥ Минэнергозыныҥ јааны республиканыҥ башкарузына Федеральный штабтыҥ јуунын ӧткӱреринде јӧмӧшкӧни учун быйанын айтты.

Јуунды баштап тура, А. Новак кӱнниҥ ийдезиле иштеп турган Майма аймактагы станцияда јӱргенин, Алтай Республика бу ууламјыда озочылдардыҥ тоозында болгонын темдектеди. Оныҥ айтканыла, быјыл кӱнниҥ генерациязыла 120 мВт кире текши электроийде алары темдектелет. Бу пилотный ӱлекер, ол аайынча келер ӧйдӧ тузаланаачыларга «јажыл» энергетика јарамыкту болорын бийиктедер арга болор. «Бу амадуларды ӧмӧ-јӧмӧ бӱдӱрип, јӧмӧжӧрис» — деп, Александр Новак айтты.

СФО-до сегис энергосистема бар (ол «пояс Сибири» деп адалат). Олор Россияныҥ 10 субъегинде турат. Энергосистемаларда энергојеткилдеш бузулбазы јаантайын аҥылу ајаруда тудулат.

Тергеениҥ удурумга башчызы республика ичинде кӱски-кышкы ӧйдӧ белетеништӱ иштер канча јылдыҥ туркунына ӧйлӱ-ӧйинде, јастыралар јогынаҥ ӧткӱрилип турганын ла тургуза ӧйдӧ ондый ок иштер эрчимдӱ ӧткӱрилип турганын темдектеди.

Онойып, муниципал тӧзӧлмӧлӧрдиҥ јаандарыла, МЧС-тыҥ чыгартулу улузыла, одыру ла энергокомпаниялардыҥ башкараачыларыла улай ла јуундар ӧткӱрилет. Одыру тартар график, јазалдар белетеер иштердиҥ аайы, энергия ла јылу берер јазалдарды чыныктаары ла ишке кийдирери јаантайынгы аҥылу ајаруда тудулат.

Федеральный штабтыҥ кышка белетениш аайынча ӧткӱрилген јуунында 15 кире кижи куучын айтты. Јуунныҥ туружаачылары одырынар ӧйгӧ керектӱ нормативно-тапэриктик документтер белетеери јанынаҥ, ЖКХ-ныҥ объекттериниҥ ле предприятиелериниҥ материально-технический базазыныҥ беленин, Сибирьдиҥ ресурсла јеткилдеер тӧзӧлмӧлӧриниҥ курч сурактарын шӱӱштилер. Бу ууламјыда Алтай Республикада ӧдӱп турган иштер јакшы кеминде деп темдектелди.

(Элбеде келер номерде)

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.