Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Гран-при, баштапкы јер — Эре-Чуйда

02.08.2019

Крымда јаан изӱ айдыҥ 3-13 кӱндеринде балдардыҥ јайаандык ӧмӧликтериниҥ калыктар ортодогы «Великая страна. Город Солнца» деген кӧрӱ-маргааны-фестивали ӧткӧн.

Алтай Республикадаҥ Кош-Агаш аймактаҥ балдардыҥ санат сургалынаҥ јайаан јайалталардыҥ бијезиниҥ «Таҥдак» деген јозокту ӧмӧлиги (худ.башкараачызы Вера Саланханова, концертмейстери Ю. Бектурганов) эрчимдӱ туружып, једимдӱ-јеҥӱлӱ, кӧрӱ-маргаанныҥ Гран-при сыйыла кайралдадып, байгалу баштапкы јерди алып, бийик кӱӱн-тапту јанып келдилер.

Ӱч ууламјыла (бије, кожоҥ, кӱӱлик ойноткылар) ӧткӧн кӧрӱ-маргаанда ороонныҥ башка-башка талаларынаҥ сӱреен кӧп балдар турушкан: Саха-Якутиядаҥ, Ыраак Кӱнчыгыштаҥ, Москвадаҥ, Санкт-Петербургтаҥ, Краснодарский крайдаҥ, Челябинсктеҥ, Крымныҥ бойынаҥ ла ӧскӧ дӧ јерлердеҥ. Фестивальдыҥ программазы сӱреен јаан ла јилбилӱ болуптыр.

Кемиле де, учурыла да алза, сӱреен јаан кӧрӱ-маргаанда Вера Чокпоровнаныҥ ӱредип-таскадып јаткан кызычактары бијениҥ ууламјызында тыҥытту турушкан. Бу он ӱч кызычактыҥ Крымдагы ӧткӧн кӧрӱ-маргаанда бийик кеминде турушканын олордыҥ бийик кайралы, једимдери недеҥ де артык керелейт. Фестивальдыҥ, кӧрӱниҥ окылу жюризи балдардыҥ бијезиниҥ «Таҥдак» ӧмӧликтиҥ художественный башкараачызыныҥ байлык ченемелин, профессионал узын, билгирин бийик баалап, аҥылу дипломло кайралдады. Ӧмӧликтиҥ туружаачылары санат школдыҥ 4-7-чи класстарыныҥ ӱренчиктери. Олор экзамендерди једимдӱ табыштырган, аттестаттарды алган, 9-чы класска кӧчкӧн.

Јайалталар эки кӱнниҥ туркунына ӧткӧн фестивальда туружып, сегис кӱн сӱреен јакшы амыраган. Олор Вера Чокпоровнала кожо башка-башка экскурсияларда, аквапаркта, дельфинарийде, Кара талайда, Азов талайда, Ялтада болгон. Балдарга экскурсовод Кӧктебель – кӧк тӧбӧ, Чокурак кӧл – чоокыр ак, Черный хребет – кара сырт, Крымды дезе Кыры деген тӱрк сӧстӧр деп јартаганы сӱреен солун болгон.

Вера Саланханова Кош-Агаш аймактыҥ јайалталарын ыраак ла солун јол-јорыкка барып келерге акча-манатла јаан јӧмӧлтӧ-болужын јетирген аймактыҥ јааны Серикжан Кыдырбаевке, аймактыҥ депутаттар Совединиҥ председатели Санаш Дидуновко, ордынчызы Даурен Жангудеевке, культураныҥ министри Ольга Антарадоновага, иш, јонјӱрӱмдик ӧзӱм ле эл-јонды ишле јеткилдеери аайынча министр Адар Суминге, аймактыҥ јонјӱрӱмдик ӧзӱм аайынча башкартузыныҥ јааны Бийханум Берсимбаевага, ада-энелерге, онойдо ок кызычактарга олордыҥ турумкайы, чыйрагы, бијеге чындыгы учун јаан алкыш-быйанын айтты. Ӧскӧ дӧ болушкан ак санаалу, ару кӱӱндӱ улуска быйанын айдып, бек су-кадык, ижинде једимдер кӱӱнзеп јат.

Јонјӱрӱмдик, јайаандык ла культуралык ӱлекер-проекттерди јӧмӧӧр лӧ ӧскӱрер «Содружество» деген фондтыҥ генеральный директоры «Таҥдак» ӧмӧликтиҥ јол-јорыгына болужын јетирген улуска Быйанду самаралар аткарган болуптыр. Вера Чокпоровна олорды јолду ээлерине табыштырды.

Эре-Чуйдыҥ јайалталарына сӱреен ырысту учурал келижип, Крымга барып келдилер. Јайаан иш ле тузалу амыралта сӱреен јакшы келишти. Кеендик телекейинде бијениҥ «Таҥдак» ӧмӧлигиниҥ балдарыныҥ једимдери, јеҥӱлери јозок болзын деп кӱӱнзейли.

К. Пиянтинова

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина