Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Балдардыҥ сады – эҥ оогош болчомдорго

16.08.2019

Ороондо «Демография» деген эл ӱлекер аайынча балдардыҥ садында эки айдаҥ ала ӱч јашка јетире болчомдор јӱрер бӧлӱк ачкан эҥ баштапкы тергеелердиҥ бирӱзи Алтай Республика болгонын Россия Федерацияныҥ ӱредӱлигиниҥ министри Ольга Васильева айткан.

Горно-Алтайск калада балдардыҥ «Теремок» деген садына коштой туткан 100 бала јӱрер јаҥы корпустыҥ ачылтазы куран айдыҥ 13-чи кӱнинде ӧткӧн. Бого учурлалган кӧдӱриҥиде РФ-тыҥ ӱредӱлигиниҥ министри Ольга Васильева, Алтай Республиканыҥ башчызыныҥ, башкарузыныҥ председателиниҥ молјуларын удурумга бӱдӱреечи Олег Хорохордин, Горно-Алтайск каланыҥ башкартузыныҥ јааны Ольга Сафронова, айылчылар, эне-адалар, балдар турушкан.

«Теремок» садик иштеп баштаганынаҥ бери быјыл 40 јыл болор. Школго ӱренерге јажы јеткелек балдардыҥ учреждениелеринде эки айдаҥ ала ӱч јашка јетире болчомдор јӱрер ясельный группалар ачар «Демография» деген государстволык программа аайынча тудулган балдардыҥ садыныҥ јаҥы туразында 40 јер эҥ оогош балдарга берилер.

«Бӱгӱнги кӱн –  чыннаҥ јаан учурлу кӱн, нениҥ учун дезе балдардыҥ садыныҥ иштеген туразына коштой кыска ӧйгӧ јаҥы тура тудулган – деп, Ольга Васильева уткуулында темдектеген. – Јаҥы федерал ӱлекер аайынча балдардыҥ садында ясельный группа ачкан эҥ баштапкы тергеелердиҥ бирӱзи Алтай Республика болуп јат. Мен слерди бу сӱӱнчилӱ керекле уткып јадым».

Алтай Республика ак-јарыкка туулган балдары кӧп тергее болуп јат, мында билелер кӧп балдар азыраары јаҥжыгулу, оныҥ учун эне-адаларга балдарын бастыра јанынаҥ толо кеминде јеткилделген јерге, ӱредӱлӱ, профессионал улуска  кичееп таскадарга берер арга бар болгоны сӱрекей јаан учурлу деп, Олег Хорохордин уткуулында айткан.

«Бу јылдыҥ учына јетире бис балдардыҥ база беш садын тузаланарына табыштырарыс, ол тоодо экӱзин – Горно-Алтайскта. Келер ӱч јылга дезе балдардыҥ 20-деҥ ажыра јаҥы садтары тудулар ла олордыҥ кажызында ла, «Теремокто» чылап ок, эки айдаҥ ӱч јашка јетире балдар јӱрер группалар болор» – деп, удурумга башчы айткан. Ол Россияныҥ ӱредӱлигиниҥ министрине, федерал тӧс јерге јӧмӧлтӧ-болуш учун быйанын айдып, мындый ӧмӧ-јӧмӧ иш мынаҥ да ары улалар ижемјизин јетирген.

Балдардыҥ садыныҥ јаҥы туразын тудары былтыр ӱлӱрген айда башталганын ла темдектелген иш кыска ӧйгӧ бӱткенин каланыҥ башкартузыныҥ јааны Ольга Сафронова темдектеген.

«Аҥылу быйанымды мен балдардыҥ садында иштеген улуска, бу ӧмӧликти 18 јылга башкарып келген Татьяна Викторовна Гончаровага айдадым. Бу улус садикти тузаланарына табыштырары јанынаҥ ончо иш-керектерде ӧйин, кӱчин кысканбай, эрчимдӱ турушкан – деп, ол айткан. –Бу калада иштеерине табыштырган калганчы тудум эмес. Куран айдыҥ учында балдардыҥ «Ласточка» деген 1-кы таҥмалу садыныҥ јаҥы туразы, кӱчӱрген айда дезе Кайастыҥ јаҥы микрорайонында 125 бала јӱрер балдардыҥ сады иштеп баштаар. Быјыл балдардыҥ Горно-Алтайсктагы садтарында школго јӱрерге јажы јеткелек болчомдорго ӱзеери 325 јерлер тӧзӧлип јат».

Кӧдӱриҥиде министр Ольга Васильева балдардыҥ садыныҥ јаҥы туразыныҥ кереес тӱлкӱӱрин Татьяна Гончаровага табыштырган. Бу садикке јӱрӱп турган болчомдор кожоҥ-ӱлгерлерин айылчыларга сыйлаган. Эне-адалардыҥ адынаҥ уткуулду сӧсти Нина Снитко айдып, ол бойы оогошто «Теремокко» ок јӱргенин, эмди балдары бого јӱрер аргалу болгонын темдектеген.

Кӧп јылдарга ак-чек ижи ле ӱредӱлик бӧлӱкте једимдери учун Россия Федерацияныҥ ӱредӱлик аайынча министерствозыныҥ Кӱндӱлӱ грамотазын кӧдӱриҥи ӧйинде Ольга Васильева Горно-Алтайск каланыҥ балдарыныҥ 5-чи таҥмалу садыныҥ баш таскадаачызы Валентина Безгодовага ла «Сказка» деген садиктиҥ ӱредӱчи-логопеди Ольга Невкинага табыштырган.

Профессионал ижинде једимдери, јиит ӱйени ӱредер ле таскадар иш-керекке јетирген јаан јӧмӧлтӧзи учун Алтай Республиканыҥ Кӱндӱлӱ грамотазыла «Теремок» садиктиҥ ӱредӱчи-логопеди Елена Кучинская ла кийим јунар машинизи Вера Томилина кайралдаткан.

«СибКапСтрой» ООО-ныҥ электрогазокаҥдаачызы Владимир Логовойдыҥ ла строительно-монтажный иштердиҥ мастери Виктор Москалевтыҥ јозокту ижи АР-дыҥ башчызыныҥ, башкарузыныҥ председателиниҥ Быйанду самаразыла темдектелген.

Горно-Алтайск каланыҥ башкартузы Быйанду самараларла «СибКапСтройдыҥ» штукатур-маляры Анастасия Березуцкаяны ла «Теремок» садиктиҥ башкараачызы Татьяна Гончарованы кайралдаган.

Бу ок кӱнде РФ-тыҥ ӱредӱлигиниҥ министри Ольга Васильева АР-дыҥ удурумга башчызы Олег Хорохординле ишмекчи туштажу ӧткӱрген. Туштажу ӧйинде тергееде ӱредӱликтиҥ ӧзӱми, бу бӧлӱктиҥ учреждениелериниҥ материально-техникалык тӧзӧлгӧзин «Демография» ла «Ӱредӱлик» деген нацӱлекерлер аайынча тыҥыдары јанынаҥ сурактар шӱжилген.

К. Петешева

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина