Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Тергеелик АПК-ныҥ ӧзӱминиҥ аргаларын кӧргӧн

20.08.2019

Россияныҥ јурт ээлем аайынча министри Дмитрий Патрушев Алтай Республикада ишмекчи јол-јорыкла јӱрди.

Ишмекчи јол-јорык ӧйинде ол АР-дыҥ удурумга башчызы Олег Хорохординле туштажып, јурт ээлемниҥ товарэдеечилериле республиканыҥ АПК-зыныҥ тӱрген ӧзӱминиҥ сурактары аайынча јуун ӧткӱрген. Анайда ок федерал министр Бӱлӱлӱдеги јуртээлемдик предприятиениҥ мал-аш ӧскӱрер ле перерабатывающий комплексиниҥ производственный арга-чыдалдарын кӧргӧн.

Дмитрий Патрушевтиҥ удурумга башчыла туштажу ӧйинде темдектегениле, јурт ээлем — Алтай Республиканыҥ экономиказында јаан учурлу ууламјылардыҥ бирӱзи. Тергеелик АПК кирелтелериниҥ кеми бийик јуртээлемдик организациялардыҥ тоозы кӧптӧп турганын кӧргӱзет — былтыр ол 92,3 процентке јеткен, онызы ороон ичинде орто кӧргӱзӱдеҥ бийик. Анайда ок олор 2018 јылдыҥ уч-турулталары аайынча астам да алары јанынаҥ ортороссиялык кӧргӱзӱни озолойт — 19 процент кире.

Республикан АПК-ныҥ ӧзӱминиҥ тӧс бӧлӱги мал ӧскӱрериле колбулу. Мал-куш ӧскӱрериниҥ кӧргӱзӱлери бийиктейт, онызы эттеҥ продукция эдип чыгарарыныҥ ӧзӱмине јарамыкту.

АПК-ныҥ экспортын кемин јаанадары јанынаҥ иш-амадуларды једимдӱ бӱдӱрери производствоныҥ ӧзӱмине, иштеп турган предприятиелердиҥ модернизациязына, јаҥы ӱлекерлерди иштедип баштаарына јарамыкту. 2024 јылда экспорттыҥ кеми Алтай Республикада 2,5 катапка кӧптӧӧр учурлу. Дмитрий Патрушевтиҥ айтканыла, Россияныҥ Минјуртээлеми тергеениҥ аграрийлерине бастырајандай јӧмӧлтӧ эдерин оноҥ ары улалтар, ол тоодо экспортерлорго.

Олег Хорохордин јуртээлемдик бӧлӱк Алтай Республиканыҥ ӧзӱминиҥ программазында тӧс јерде туруп јат деп куучындаган. «Јурт ээлемниҥ ӧзӱми тӧс бӧлӱк болуп тура, јурт јерде јаткан албаты-јонды ишле јеткилдеер ле олорго чыҥдый јадын-јӱрӱм тӧзӧӧр арга болуп јат. Бу бӧлӱктеги баштапкы тӧс амаду — сырьены ол ло бойынча ла малды «тирӱ» бескеле садарынаҥ тереҥ переработкага кӧчӧри ле бийик баала «Туулу Алтай» деген брендле садары» — деп, удурумга башчы темдектеген.

2019 јылда республиканыҥ јурт ээлемине госјӧмӧлтӧ эдип федерал бюджеттеҥ 400 миллион салковой кире акча чыгарылган. Ол акча тергеениҥ бюджедине кӧчӱрилген, оныҥ 60 процент кирези аграрийлерге аткарылган.

Республиканыҥ јурт ээлеминиҥ товарэдеечилериле јуун ӧйинде тергеениҥ АПК-зыныҥ ӧзӱминиҥ сурактары, аҥ ӧскӱрериниҥ экспортный аргазы, госјӧмӧлтӧниҥ акчазы аграрийлерге канай аткарылып турганы, анайда ок кредитование јанынаҥ сурактар шӱӱжилип кӧрӱлген.

ТОП

Јаркынду јол кӱӱнзеген јуун

Кӱчӱрген айдыҥ 17-чи кӱнинде Эл Курултайдыҥ јетинчи тудузыныҥ ээчий XXII сессиязы ӧткӧн. Спикер Артур Кохоев башкарган јуунда 41 депутаттаҥ 38 депутат турушкан. Сессияныҥ ижинде Алтай Республиканыҥ башчызы Олег Хорохордин, онойдо ок эл-тергеелик јаҥныҥ бӱдӱреечи органдарыныҥ, республикада федерал бӱдӱреечи орган-дардыҥ башкартуларыныҥ башкараачылары, муниципал тӧзӧлмӧлӧрдиҥ јаандары ла депутаттар советтериниҥ председательдери, элбек јетирӱлер эдер эп-аргалардыҥ чыгартулу улузы турушкан.

Тергеебисте јолдор јазалат

Кӱчӱрген айдыҥ 16-чы кӱнинде «Чуйдыҥ јолы – Алтын-Кӧлгӧ јетире» федерал трассаныҥ автомобильный јолыныҥ баштапкы эки бӧлӱгиниҥ кӧдӱриҥилӱ ачылтазы ӧтти. Бу учурлу керекте Алтай Республиканыҥ башчызы Олег Хорохордин, Эл Курултайдыҥ председатели Артур Кохоев туруштылар. «Бу јолдыҥ бистиҥ бӱгӱн ачып јаткан текши узуны 14 километр эки бӧлӱги Кызыл-Ӧзӧк, Куташ ла Карасук јурттар ӧткӱре ӧдӧт. Мынаҥ озо бу

Конструктивный диалог с представителями Общественной палаты

Глава Республики Алтай Олег Хорохордин во вторник, 16 ноября, провел рабочую встречу с членами Общественной палаты Республики Алтай. Руководитель региона подчеркнул, что конструктивный диалог с представителями Общественной палаты позволяет детально обсудить и решить много социально значимых вопросов. «Сегодня многое зависит от тесного взаимодействия исполнительных и законодательных органов государственной власти, органов местного самоуправления с представителями общественности.