АТК-ныҥ јууны ӧткӧн

27.08.2019

АР-дыҥ удурумга башчызы Олег Хорохордин терроризмге удурлажары аайынча комиссияныҥ јуунын ӧткӱрген.

Јуунныҥ туружаачылары Билгирлердиҥ кӱни, Ӱнбериштиҥ бирлик кӱни ӧдӧр тушта јеткер-неме болбозын јеткилдеери аайынча суракты шӱӱжип кӧргӧн, анайда ок ӱредӱликтиҥ учреждениелериниҥ объекттерин терроризмге удурлажары јанынаҥ јеткилдеери аайынча јетирӱни уккан.

Удурумга башчыныҥ айтканыла, Билгирлердиҥ кӱни алдында, анчада ла кӧдӱриҥилӱ линейкайлар ӧдӧр јерлерде балдарла јеткер-неме болбозын јеткилдеериниҥ сурактарына јаан ајару эдер керек. «Алтай Республиканыҥ јеринде школдордыҥ линейкалары амыр-тыш ла байрамдык айалгада ӧтсин деп, бастыра структураларга ла ведомстволорго тӧзӧмӧлдӱ иштерди чокым ла толо кеминде тӧзӧӧр керек» — деп, Олег Хорохордин темдектеген. Видеоширтӱниҥ, ӧрт болдыртпазыныҥ, тӱрген јар-јетирӱ эдериниҥ системалары чокым ла тутак-неме јогынаҥ иштеер учурлу деген.

«Ӱнбериштиҥ бирлик кӱни ӧдӧр тушта биске талдаачы участоктордо айалга тыш-амыр болорын јеткилдеер керек. Талдаштар алдында белетениш ӧйдӧ лӧ талдаштар ӧдӧр тушта терроризмле колбулу кандый да айалга болбозын, јондык ээжилерди буспазын, ӱнбериш ӧдӧр јерлерде кандый да чугаан-немелер болбозын јеткилдеерге, ӱзеери иш-керектер ӧткӱрилер учурлу» — деп, ол аҥылап айткан.

Алтай Республиканыҥ ичбойындагы керектер аайынча министриниҥ ордынчызы Евгений Беспятовтыҥ темдектегениле, школдордыҥ линейкалары сыгын айдыҥ 2-чи кӱнинде 179 школдо ло алты профессионал ӱредӱлик организацияларда ӧдӧр. Олордо 70 муҥ кире кижи туружар. Оныҥ айтканыла, тап-эриктер корыыр органдардыҥ ишчилери бӱдӱреечи јаҥныҥ органдарыла кожо эл-јонло јеткер болбозын јеткилдеери ле кандый бир кызалаҥ айалганыҥ аайына тӱрген чыгары јанынаҥ иштер ӧткӱрет.

Билгирлердиҥ кӱни ӧдӧр тушта албаты-јонныҥ тыш-амырын јеткилдееринде республиканыҥ МВД-зыныҥ, территориальный ОВД-лардыҥ 400 кире ишчизи, Росгвардияныҥ Алтай Республика аайынча башкартузыныҥ ишчилеринеҥ турган мобильный резерв туружар. Анайда ок албатыныҥ, казактардыҥ бойыныҥ кӱӱниле тӧзӧгӧн дружиналарыныҥ, тап-эриктер корыыр ууламјылу јондык биригӱлердиҥ 50 кире чыгартулу кижизи туружары темдектелет.

АР-дыҥ Талдаачы кӱреезиниҥ председатели Дмитрий Степановтыҥ айтканыла, сыгын айдыҥ 8-чи кӱнинде ӧдӧтӧн Ӱнбериштиҥ бирлик кӱнине 236 участок белетелген, ӱнбереечилердиҥ текши тоозы 161 муҥ кижинеҥ кӧп. Талдаачы участоктордыҥ кыптары металлодетекторлорло, кол бажында тузаланар металлоискательдерле јеткилделген, 74 талдаачы участоктордогы территориальный комиссияларда видеоширтӱ онлайн ээжиле иштеер, видеобичиш — 36 талдаачы участокто болор.

Ӱредӱликтиҥ учреждениелеринде терроризмле колбулу айалгалар болбозын јеткилдеери канайда тӧзӧлгӧни јанынаҥ ӧткӧн шиҥжӱ иштиҥ уч-турулталары, илезине чыгарылган тутак-једикпестерди канайда јоголтконы керегинде јетирӱни АР-дыҥ ӱредӱ ле билим аайынча министри Алексей Бондаренко эткен. Оныҥ айтканыла, тергеениҥ јеринде ӱредӱликтиҥ 413 объеги иштейт, ол тоодо 181 школ, школдоҥ озо 174 учреждение, балдардыҥ ӱзеери ӱредӱзиниҥ 49 учреждениези. Бастыра школдор видеоширтӱниҥ, ӧрт болдыртпазыныҥ, тӱрген болуш алдыртарыныҥ системаларыла јеткилделген.

Анайда ок јуунныҥ туружаачылары Терроризмле тартыжарында бирлик болорыныҥ кӱнине учурлай ӧткӱрилетен јондык-политический, культурный ла спорттыҥ керек-јарактарын ӧткӱрерине белетениш канайда ӧдӱп турганы ла олорды канай ӧткӱрери керегинде јетирӱле танышкан.

АР-дыҥ национальный политика ла јондык колбулар аайынча комитединиҥ председатели Людмила Варванецтиҥ айтканыла, сыгын айдыҥ 3-чи кӱнинде Терроризмле тартыжарында бирлик болорыныҥ кӱнине учурлай јаҥжыгып калган кереес акция ӧткӱрилери темдектелген. Быјыл тергееде терроризмге удурлажар ууламјылу «Бистиҥ Тӧрӧлисте терроризмге јол бербес» деген тема аайынча листовкалардыҥ, плакаттардыҥ, билбордтордыҥ республикан конкурсы ӧдӧт. Оныҥ јеҥӱчилдерин ле призерлорын кайралдаары 2019 јылдыҥ сыгын айында ӧдӧр.

Оныҥ айтканыла, Терроризмле тартыжарында бирлик болорыныҥ кӱнине учурлалган керек-јарактар бастыра муниципал тӧзӧлмӧлӧрдӧ ӧдӧри темдектелип калган. Школдордо терроризмге удурлажар ууламјылу класстыҥ частары, линейкалар, кӧрӱлер, фильмдерди кӧрӧри ӧткӱрилер.

Чой аймактыҥ јааны Михаил Маргачев терроризмле колбулу айалгалар болдыртпазы ла ол ишти јарандырары јанынаҥ јербойында кандый иштер ӧткӱрилип турганы керегинде јетирӱ эткен. «Терроризмге удурлажары аайынча 2017-2019 јылдарда иш-керектер керегинде» муниципал программаны бӱдӱрери канайда ӧдӱп турганы, терроризм ле ол обществого кандый јеткерлӱ болгоны јанынаҥ јетирӱ-пропагандист керек-јарактарды тӧзӧӧри ле олорды ӧткӱрери, улуста терроризмниҥ идеологиязына удурлаш кӱӱн-санаа болорын тӧзӧӧри аайынча јербойындагы иштиҥ аайы керегинде ол база куучындаган.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина