«Кубок Силы»

27.08.2019

2019 јылдыҥ куран айыныҥ 30-чы кӱнинде Горно-Алтайск каланыҥ «Спартак» стадионында грек-рим кӱрешле албатылар ортодогы маргаандар ӧдӧр, башталар ӧйи — 17.00 саатта. Европаныҥ чемпионы, телекейдиҥ кубогын ойноп алган, Россияныҥ спортыныҥ нерелӱ узы Иван Адучинович Самтаевтиҥ сыйына «Кубок Силы» деп адалган матчевый туштажуда Казахстан ла Алтай республикалардыҥ јуунты командалары тартыжар.

Маргаандар Алтай Республиканыҥ удурумга башчызы Олег Хорохординниҥ баштаҥкайыла ӧткӱрилет. Кӱрешчилердиҥ маргыжулары бир кӱнниҥ туркунына бир кебисте Кӱрештиҥ бириктирилген телекейиниҥ (UWW) ээжилериле, аайыла ӧдӧр. Кажы ла кӱрешчиниҥ таҥынаҥ тартыжузыныҥ кӧргӱзӱзи текши командный кӧргӱзӱге кирер.

«Кубок Силы» туштажуда бескениҥ 13 категориязында балдар, јииттер ле јаан улус маргыжар. Казахстанныҥ ла Алтайдыҥ 26 кӱрешчизи јуунтыларга једип келген, олор Горно-Алтайск-та тазыктырынып, белетенип јат. Тергеебистиҥ јуунты командазыныҥ турчыларыныҥ тоозында СФО-ныҥ первенствозыныҥ јеҥӱчили, Россияныҥ первенствозыныҥ призеры Юрий Тапаа, Европаныҥ первенствозыныҥ призеры, Россияныҥ чемпионадыныҥ призеры Алексей Тадыкин, Россияныҥ первенствозыныҥ призеры Баатыр Ечешев, республиканыҥ уур бескеде баштапкы кӱрешчизи, Россияныҥ первенствозыныҥ призеры Лев Левин (120 кг) ле оноҥ до ӧскӧ талдама кӱрешчилер.

Казахстанныҥ јуунты командазында — телекейлик маргаандардыҥ призерлоры Эрасыл Мамырбеков, Нурсултан Базарбаев.

Бу турнир алдында Телекей ичинде јарлу кӱрешчи, Олимпий ойындардыҥ 3 катап јеҥӱчили, телекейдиҥ 9 катап чемпионы, Европаныҥ 12 катап чемпионы, 888 тартыжуда јеҥӱ алган ла јӱк эки катап јеҥдирткен Александр Карелин республиканыҥ јурттары сайын јорыктап, балдарга мастер-класстар, ӱредӱ-куучындар ӧткӱрер. Куран айдыҥ 25-чи кӱнинде мындый туштажу Кош-Агаш ла Улаган јурттарда, куран айдыҥ 26-чы кӱнинде Оҥдойдо ло Кан-Оозында ӧткӧн, 27-чи кӱнинде Кӧксуу-Оозында, 28-чи кӱнинде Шабалинде, 29-чы кӱнинде Маймада ӧдӧр.

Онойдо ок ӱренчиктерде, спортчыларда классический кӱрешле Олимпий ойындардыҥ јеҥӱчили Мнацакан Искандарянла, телекейдиҥ ле Европаныҥ эки катап чемпионы Александр Игнатенколо туштажып, тазыктырынар арга болор.

Иван Самтаев: «Кичинек республикабыс алдынаҥ бери бойыныҥ кӱрешчилериле бай ла мактулу. Республиканыҥ јаш ӱйезиле мындый тузалу туштажулар ӧткӱрер амаду-санааны Александр Карелин нӧкӧрим јӧмӧжип јараткан, баштаган да деп айдарга јараар. Александрга Алтайыс сӱрекей јарап турган, ол бистиҥ јаантайынгы айылчыбыс. Јурт јерлердиҥ балдарына мындый јарлу спортчылар айылдап келгени олордыҥ спортко кӱӱнин тыҥыдарына, јӱрӱминде јаркынду элес болорына алаҥзыбайдыс.

«Кубок Силы» — бистиҥ тергеебисте баштапкы матчевый дейтен албатылар ортодо бӱдӱмдӱ маргаан болор. Кебисте тартыжулар ортозында кӧрӧӧчилерге республиканыҥ јарлу артисттери бойыныҥ јайаан ойын-концерттерин кӧргӱзер. Ончогорго јилбилӱ болор, маргаандарга кӱӱнзеп келигер!».

Э. КУДАЧИНА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина