Јеҥӱчилдерге баалу-чуулу сыйлар табыштырган

27.09.2019

Сыгын айдыҥ 8-чи кӱнинде болгон Ӱнбериштиҥ бирлик кӱнинде каланыҥ ла Майма аймактыҥ јеринде ӧткӧн «#ВыбериВыборы» деп фотоконкурстыҥ јеҥӱчилдерине сыйларды тергеениҥ Јондык палатазыныҥ чыгартулу улузы табыштырды.

Бу конкурста туружарга, ӱнбериштиҥ кӱнинде улуска бойыныҥ талдаачы участогына барып, аҥылу плакаттыҥ јанында фотого соктыртып, оны #ВыбериВыборы хэштегле соцсетьтерде салар керек болгон.

—Бисте јилбилӱ конкурс ӧтти, оныҥ амадузы јиит улусты талдаштарда туружарына јилбиркедери болгон. Алтай Республика ӱнберишке келген ӱнбереечилериниҥ тоозы јанынаҥ Россия Федерация ичинде эҥ бийик кӧргӱзӱ кӧргӱскен талалардыҥ тоозында. Конкурста 2 муҥ кире улус турушкан, оныҥ да учун жюриге бастыра иштерди шиҥдеп кӧрӱп, јеҥӱчилдерди талдаары кӱч керек болгон — деп, АР-дыҥ Јондык палатазыныҥ председатели Татьяна Кончева айткан. Тематический номинацияларда эҥ артык кадрларды жюриниҥ турчылары рейтинговый ӱнбериш ажыра талдаган.

Конкурстыҥ тӧс јеҥӱчилдери болуп чыккан Анастасия Табакаева (Майма) ла Айсура Елкачинова (Горно-Алтайск) јаан дисплейлӱ iPhone XS Maх таҥмалу флагманский смартфондорло кайралдаткан. Эҥ кӧп «лайктар» алган јеҥӱчилдерди ӱч бӧлӱкке бӧлӱгендер — текшитергеелик, Майманыҥ ла Горно-Алтайсктыҥ. Баштапкы бӧлӱкте Александр Доровских, София Комарова ла Виктория Конушева јеҥӱчилдер болуп, сыйга телевизорлор алган.

Арткан эки бӧлӱкте јеҥӱчилдер болгон улус ноутбуктар алган: Александр Слободчиков, Айсура Олчонова ла Татьяна Минкина — Горно-Алтайсктаҥ, анайда ок Валерия Любимцева, Алина Голубовская, Жанна Булатова — Майма аймактаҥ.

Юлия Калинина эҥ ле тӧрӧлчи фотозы учун PIayStation 4 PRO приставканы сыйга алган. Эҥ ле кӱлӱмјилӱ фотозы учун Honor смартфондорло Карина Плотникова, Алена Кудачинова, Надежда Терещук, Иван Таушканов, Алина Сабашкина кайралдаткан. Яна Болчековага аҥылу-кайкамјык фотозы учун электросамокат келишкен.

Туружаачыларыныҥ тоозы эҥ кӧп фото аайынча номинацияда јеҥӱчилдер болуп чыккан улус беш кӱӱлик JBL колонкаларла, эмик јок S-32 таҥмалу беш акустический системаларла, эҥ ле артык билелик фото учун 10 кижи фитнес-браслеттерле кайралдаткан.

Алтай Республиканыҥ башчызыныҥ, Эл Курултайдыҥ депу-таттарыныҥ талдаштары ла бир канча муниципалитеттер кеминде талдаштар сыгын айдыҥ 8-чи кӱнинде ӧдӧрдӧ, ӱнбериште турушкан ӱнбереечилердиҥ тоозы 49,87 процент болгон.

Фотојурукта: Айсура Елкачинова

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.