Республиканыҥ башчызы ижин окылу баштаган

04.10.2019

Олег Хорохордин Алтай Республиканыҥ башчызы, башкарузыныҥ председатели болуп окылу иштеп баштаганын керелеген чӱм-јаҥ ӱлӱрген айдыҥ 1-кы кӱнинде республиканыҥ тӧс калазында П. В. Кучияктыҥ адыла адалган эл театрда ӧткӧн.

Кӧдӱриҥиде АР-дыҥ парламентиниҥ депутаттары, АР-дыҥ башкарузыныҥ турчылары, айылчылар ла кычырган ӧскӧ дӧ улус турушкан. Олег Хорохордин, јасакталган ээжиле, Алтай Республиканыҥ Конституциязына колын салып, алтай ла орус тилдерле черт берген.

РФ-тыҥ Президентиниҥ Сибирьдеги федерал округтагы чыдулалган чыгартулу кижизи Сергей Меняйло Олег Хорохординди јамыга окылу турганыла уткуп, республиканыҥ эл-јоныныҥ тузазына једимдӱ ле турулталу иш кӱӱнзеген.

Олег Хорохордин јондыкты бириктиргенин, эл-јон ого бӱткенин, улус оныҥ темдектеген јолын јаратканын ла келер ӧй јакшы болорына ижемјилери оныла колбулу болгонын ӧткӧн талдаштардыҥ турулталары кӧргӱскен деп, ол айткан.

«Алтай Республиканыҥ башчызыныҥ јамызында Слерге турулталу иш, тургускан амадуларга једерге турумкай болорын кӱӱнзейдим. Слердиҥ ижигердиҥ турулталары Россияныҥ Президентиниҥ ле Алтай Республиканыҥ эл-јоныныҥ талдажы чын болгонын алаҥзу јогынаҥ керелезин» – деп, Сергей Меняйло айткан.

Олег Хорохордин талдаштарда оны јӧмӧгӧн ончо улуска быйанын айдып, эл-јонныҥ алдында јаан каруулу болгонын ла олордыҥ бӱдӱмјизине турарга кӱчин кысканбай иштеерге белен болгонын угускан.

«Бӱгӱн мен мында јуулган, бистиҥ тергеебис кемниҥ ӧзӧгине јуук болгон ончо улусты бирлик кӱӱндӱ болорына, Алтай Республиканыҥ келер ӧйин сананып, кожо иштеерине кычырар кӱӱним бар. Ичкери кӧрӱмдӱ ончо улусла јӧптӱ ле ӧмӧ-јӧмӧ иш болорына иженедим. Бистиҥ ончобыста сӱрекей јаан јаҥыс амаду – республиканы ӧзӱмниҥ тӧзинеҥ ала јаҥы јолына кӧчӱрери, бу эл-јонныҥ јадын-јӱрӱминиҥ чыҥдыйын билдирлӱ бийиктедерине экелер. Мында биске ороонныҥ башкартузы ла федерал тӧс јер болужарга белен» – деп, Алтай Республиканыҥ башчызы айткан.

Башкараачыныҥ ижинде эҥ учурлузы – ак-чек, ачык болоры, профессионализм, чындыкты баалаары ла каруулу болоры деп, ол аҥылаган. Башка-башка укту улус нак јадары тергее ичкери ӧзӱп барарында тӧзӧлгӧ айалга, мыны буспай кичеерин ол темдектеген.

«Ийделӱ Алтай» деген программаныҥ кычырузы – «бӱдӱмјиге турары, ӧзӱмди јеткилдеери, тургускан амадуга једери» – талдаштарда айдылган кычырулар эмес, ол кӱнӱҥ сайынгы иш ле мен оныла башкарынарым. Јаҥ улустыҥ јилбӱзине иштеер аргалу ла иштеер деп, мен алаҥзыбай јадым. Ончогорго база катап быйанымды айдадым. Бистиҥ Алтай Республикага тузалу болорго менеҥ камаанду ончо ишти эдерим деп, сӧзимди бередим» – деп, тергеениҥ башкараачызы айткан.

Олег Хорохордин Алтай Республиканыҥ башкарузында ла аппарадында кубулталар болоры керегинде айдып, бу кубулталар бӱдӱреечи јаҥныҥ ижиниҥ турултазын бийиктедер амадулу болгонын темдектеген.

Ол анайда ок Эл Курултайдыҥ депутаттарын талдаштарда јеҥӱ алганыла, Владимир Тюлентинди парламенттиҥ башкараачызына тудулганыла уткыган.

Владимир Тюлентин Олег Хорохординди јамыга турганыла тергеениҥ бастыра депуттарыныҥ адынаҥ уткыган. «Алтай Республиканыҥ парламентиниҥ јаҥы тудуузы Слерге бастыра баштаҥкайларыгарда тайанатан ла јӧмӧйтӧн арга болорына мен алаҥзыбай јадым, нениҥ учун дезе јасакчы јаҥ камааны јок јаҥ да болзо, бистиҥ амадубыс јаҥыс – ол Алтай Республиканыҥ ӧзӱми» – деп, спикер айткан.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым