Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Конкурстыҥ јеҥӱчилдерине — дипломдор

08.10.2019

Алтай Республиканыҥ башчызы Олег Хорохордин башкараачы кадрларды талдаары аайынча «Алтай Республиканыҥ ӧзӱминиҥ командазы» деген конкурстыҥ јеҥӱчилдерине дипломдор табыштырды.

Республиканыҥ башчызы конкурста турушкандарды јеҥӱ алгандарыла уткуп, кажы ла туружаачы талдаштарлу ченелтелерди ӧдӱп, билгирлерин ле ченемелин кӧргӱскен деп темдектеген. Башчы РАНХиГС-тыҥ эксперттери кажы ла финалистле таҥынаҥ башка интервью ла текши ишмекчи ойын ӧткӱрип, олордыҥ кажызыныҥ ла башкараачы болор аргазын илелеп, кажызына ла бийик баа берген деп  ајарган. Башчы анайда ок ӧзӱмниҥ командазыныҥ туружаачыларыныҥ јуунадып алган орто баллы Россия ичиндеги кӧргӱзӱлердеҥ бийик деп темдектеген.

Јеҥӱчилдердиҥ дипломдоры Кӧксуу-Оозынаҥ Иван Щербаковко (1-кы јер), Кан-Оозынаҥ Айдар Мызинге (2-чи јер) ле Горно-Алтайсктаҥ Артур Кохоевке (3-чи јер) табыштырылган. Финалга чыккан арткан бежен туружаачы база дипломдорло кайралдаткан. Конкурстыҥ туружаачылары маргаандарды тӧзӧп ӧткӱргендерге алкыш-быйанын айткан. Иван Щербаковтыҥ темдектегениле, олор канча айдыҥ туркунына Алтай Республиканыҥ экономикалык айалгазын кандый эп-аргала бийиктетсе јакшы болорыныҥ јолдорын табарга ченежип, бу ууламјыда турумкай иштегендер. Конкурста баштапкы јер алган лидердиҥ айтканыла, бистиҥ тергее јада тура экономика јанынаҥ јакшы кирелтелӱ, экологиязы ару, бойы-бойын јеткилдейтен кӱчтӱ республика болуп ӧзӧр учурлу.

Эмди јиит лидерлердиҥ алдында конкурска чыгарылып, јараду алган ӱлекерлерди јӱрӱмде бӱдӱрер иш туруп јат. Айдар Мызин ӧзӱмниҥ командазыныҥ турчыларына баштанып, олорды јеткен једимдерге токтобой, мынаҥ ары «Россияныҥ лидерлери» деген бастырароссиялык конкурста турушсын деп кычырган. Артур Кохоев дезе кадрлардыҥ резервине кирген јииттер мынаҥ ары бӱдӱреечи јаҥныҥ, коммерческий организациялардыҥ, аргачылыктыҥ ижинде эрчимдӱ туружарына иженип турганы керегинде айткан.

«Алтай Республиканыҥ ӧзӱминиҥ командазы» деген конкурс кичӱ изӱ-сыгын айларда Алтай Республиканыҥ башкараачы ишчилерине билгири бийик, иште ченемели байлык улусты табып кӧстӧӧр, олорды тергеениҥ јонјӱрӱмдик ле экономикалык ӧзӱминиҥ сурактарында эрчимдӱ туружарына тартып алар амадула ӧткӱрилген. О. Хорохординниҥ чыгарган јӧби аайынча Алтай Республиканыҥ ӧзӱминиҥ командазына јаҥыс та финалга чыккан бежен кижи эмес, је анайда ок конкурстыҥ баштапкы бӧлӱгинде эҥ кӧп баллдар јууп алган 250 туружаачы ла «Россияныҥ лидерлери» деген бастырароссиялык конкурстыҥ јарымфиналында турушкан ӱч лидер кийдирилген (олор республикада ӧткӧн конкурста туружарга угузу бичиктерди база берген). Бӱгӱнги кӱнде ӧзӱмниҥ командазыныҥ тоозына 303 кижи кирип јат.

АР-дыҥ башкарузыныҥ пресс-службазы

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина